Edifier DA5000 Pro

**tetto12345** · 23-02-2010, 23:24

الف مبروك يا باشا علي السماعات ما شاء الله الجميله في الشكل وفي الصوت ان شاء الله بس الاهم من دا كله

تقرير منك كدا علي السماعات وعلي جودتها مع الافلام والاغاني وايه رايك في المميزات والعيوب خاصه ان انا شايف ان حجمها ما شاء

الله كبيره انها تتحط في اوضه صغيره زي اوضتي :confused: بس لو انتا شايف ان صوتها حلو جدا وتقرير حلو كدا منك ههههههههه يبقي نعتبرها

اوضه كبيره وخلاص عشان كمان انا بحب اسمع افلام Blu-ray مع كل صوت بنقاء ووضح ياريت تقول تجربتك وربنا يباركلك فيها

**M Z** · 21-03-2010, 22:38

ممممممم .. لفت نظري الساوند سيستم ده

ياريت صاحب الموضوع يمدنا بتفاصيل اكتر واكتر لإن مافيش حد تقريباً إشتراه غيره
اخبار الـ Bass وعمقه ونقاءه إيه ؟؟ .. واخبار علو الصوت ايه ؟؟!!

الحاجات دي كنت ممكن اعرفها بسهوله عن طريق اليوتيوب .. بس للأسف الصب مالوش ولا فيديو على اليوتيوب !
بعكس صبات تانيه كتير موجوده تقدر تشوف تقاريرها المصوره وتحكم بنفسك

بإنتظار صاحب الموضوع للمزيد من الإيضاح
وتفتكرو لو قارنا بين الساوند سيستيم ده و Creative Gigaworks ProGamer G500
مين يكسب ؟؟

**magd-** · 21-03-2010, 23:26

المشاركة الأصلية كتبت بواسطة M Z

ممممممم .. لفت نظري الساوند سيستم ده

ياريت صاحب الموضوع يمدنا بتفاصيل اكتر واكتر لإن مافيش حد تقريباً إشتراه غيره
اخبار الـ Bass وعمقه ونقاءه إيه ؟؟ .. واخبار علو الصوت ايه ؟؟!!

الحاجات دي كنت ممكن اعرفها بسهوله عن طريق اليوتيوب .. بس للأسف الصب مالوش ولا فيديو على اليوتيوب !
بعكس صبات تانيه كتير موجوده تقدر تشوف تقاريرها المصوره وتحكم بنفسك

بإنتظار صاحب الموضوع للمزيد من الإيضاح
وتفتكرو لو قارنا بين الساوند سيستيم ده و Creative Gigaworks ProGamer G500
مين يكسب ؟؟

انا كنت امبارح فى كمبيو مى فرع ميدان لبنان وشوفت السيستم دة هناك مشغلينة
على فيلم افاتار كان صوتة وهم الصراحة تقدر تروح وتسمعة وتحكم بنفسك

**amr5500** · 11-04-2010, 16:41

انا اسف ياجماعه علي التاخر في الرد لاني ماكنتش بادخل علي النت الفترة اللي فاتت
اقدر اقولكم من تجربتي معا هذه السماعات انها فعلا سماعات جديرة بالاقتناء
صوتها نقي جدا بس بصراحه ما جرتش اعليها للاخر لان ببساطه ازاز الشقه حينكسر
والباس بتاعها قوي جدا وكنت مشغل السماعات الاول علي الكارت المدمج مع البوردا
والصوت كان معقول بس بعد ما جربتها مع كارت audigy 2 الموضوع فرق جدا
وبتسمع بعض المقطوعات والاغاني كانها تسمعها لاول مرة
وتسمع تفاصيل ماكنتش تلاحظها قبل كده
انا بصراحه ما ندمتش اني دفعت ال 1300 جنيه في السماعات دي بصراحه تستاهل
وكمان السماعات دي مافيش منها مضروب زي الكريتيف علي مااعتقد خصوصا لو اشتريتها من مكان ليه سمعه زي كمبيو مي
ارجو اني اكون قد افدتكم
وتقبلوا تحياتي

وشكرا

**sameh soliman** · 15-04-2010, 20:18

فعلا عندك حق السماعات جيدة جدا ولكن عندى سؤال لك

هل صادفتك ان الكابل الثالث الخاص بالسماعة الرئيسية والصب ووفر الوانه مقلوبة اى ان الاحمر المفروض يركب فى الابيض والعكس

لانى قابلتنى هذه المشكلة حتى استطيع سماع الاختبار من سماعة السنتر

والف مبروك علينا

**amr5500** · 15-04-2010, 21:36

مبروك السماعات
الحقيقه انا مركب الاسلاك الاحمر في الاحمر والابيض في الابيض ومافيش اي مشاكل
تحياتي

**TECHNO0O** · 29-11-2010, 20:10

طب لو اعملنا مقارنه بين ال
giga works g550
وال Z5500
وs5500
و ال DA5000 PRO
مين بقا حيكسب

**mr-tito** · 03-12-2010, 19:23

سماعات فوق الوصف .. بارك الله لك فيها ..
وعندي سوال ؟
هل كانت اغلى سماعات عند كومبي مي هناك هو الموديل دا .. ولا كان في أعلى من كدا ؟

**amr5500** · 22-01-2011, 22:52

دي كانت اغلي سماعات Edifier موجوده هناك
واسف للتاخر عن الرد لاني لما اري المشاركه الا اليوم
تحياتي

**taremostafa** · 07-02-2011, 07:13

ya gam3a ana me7tar ben el da 5000 pro beta3et sa7eb el mawdo3 we el creative g500 3ayez 2ageb el 2agmed we el 2akowa fe el bass yaret 7ad yefdni fe el mawdo3 dah

**zizowild** · 10-11-2011, 07:52

بعد إذن صاحب الموضوع هل لقيت مشكلة تأثير السماعات على الشاشة او الكمبيوتر تأثير مغناطيسي

**WOR** · 17-11-2011, 19:45

لا ياباشا مفيش اى تأثير مغناطيسي من السماعات على الكمبيوتر نهائياً لأن السماعات فيها شيلد بيمنع تسرب المغنطة
لو بتفكر تشتريها توكل على الله ومن غير تفكير
السماعات ماشاء الله فى منتهى الروعة وشيئ صعب الوصف