هل تعانى من TE Data مثلى ؟؟

[totoworld]

القصه مش قصه كابل القصه قصت الدسلام اللى فى السنترال وهل عليه زحمه ولا لأ طب انا تى اى داتا والبينج بيوصل سابت 800 طول الوقت صبح وليل وحاجه بقت تقرف بسبب اجهزتهم اللى فى السنترال المشكله اكلمهم يقلولى ماليش دعوه بالبينج انا ليه بالداونلود اقوله هما محفظينك الكلمتين دول ولا ايه يقولى طب اعمل داونلود اقوله عارف انه حلو بس لاحظ حاجه فى فرق بين رقم الداونلود والريت اللى شغال بيه يعنى ممكن يعد 110 بس بيقطع وممكن يعد 110 برده بس صاروخ وبيبان بس من رأى تى اى داتا احسن من غيرها مفيش غير شركه تانى هى اللى حلوه قوى اصحابى اشتركو فيها شركه اسمها نايل اونلاين بس معرفش ارقامها الصراحه

[IBRAHIEMYOUNES]

اخي الكريم
مشكلة البينج في اعلاب الاونلاين ليس لها علاقة بسرعة النت
يعني انا جربت سرعة منخفضة على احدى الالعاب عندما كنت بالاردن كان البينغ 350
يعني التاخير ثلث ثانية
الان انا بالسعودية وسرعة النت عندي اضعاف السرعة بالاردن لكن البينغ 850 ومرات يوصل ل 1400
بسوريا الاتصال كان ديل اب يعني 42 كيلوبت بتهيألي ما فيش ابطء من هيك لكن البينج كان 350 على نفس اللعبة

طبعا انت لو سألت الشركة اللي انت ماخد الاشتراك منها اكيد مش حيفهمو ايه يعني بينج
وحتى لو بيعرفو حيحكولك ما بنعرف تقصد ايه " قولة بعرفش بتريح "
لهيك انا سألت موقع اللعبة نفسو
وكانت النتيجة كما يلي
حكولي سرعة النت الها دور بس مش دور اساسي
السبب الاساسي بالبينغ هو بعدك عن سيرفر اللعبة
يعني لو انت بمصر والسيرفر بالصين والسرعة عندك مليون
وواحد باليابان والسرعة عنده 512 حيكون البينغ عند الياباني افضل والسبب انو اليابان متطورة خخخخخ
لا بجد السبب انو اقرب
يعني حتحسب طول خط الاتصال بينك وبين السيرفر
وفعلا انا جربت نفس اللعبة لما كان عندي البينغ 850 رحت اشتركت بسيرفر تاني نزل البينغ ل 200 بس يعني ما فيش تأخير تقريبا
ارجو تكون فادتك المعلومة

[M.Allam]

أخي المسألة ليس بعد وقرب, فسرعت انتقال اشارة التيار الكهربي في الكابلات سريعه جدا بحيث لا تتأثر كثيرا بالمسافة

والدليل ان السرعه في بعض الأحيان تكون سريعه جدا وفي اوقات اخرى تكون بطيئة فالمشكلة لدينا هي حدوث اختناقات وتكدس في البيانات (ترافك) في اماكن معينه بسبب حمل زائد على احد السيرفرات او الكابلات, والسبب الزيادة السريعة لعدد المشتركين وطمع الشركات وتباطؤ قيامها بتحديث اجهزتها لتستوعب الاعداد الكبيره من المشتركين

[IBRAHIEMYOUNES]

أخي المسألة ليس بعد وقرب, فسرعت انتقال اشارة التيار الكهربي في الكابلات سريعه جدا بحيث لا تتأثر كثيرا بالمسافة

والدليل ان السرعه في بعض الأحيان تكون سريعه جدا وفي اوقات اخرى تكون بطيئة فالمشكلة لدينا هي حدوث اختناقات وتكدس في البيانات (ترافك) في اماكن معينه بسبب حمل زائد على احد السيرفرات او الكابلات, والسبب الزيادة السريعة لعدد المشتركين وطمع الشركات وتباطؤ قيامها بتحديث اجهزتها لتستوعب الاعداد الكبيره من المشتركين

طيب خليني اشرحلك اياها بشكل اخر

لو انت بينك وبين سيرفر اللعبة مسافة 10 كيلو فرضا
يبقا بينك وبين السيرفر يمكن يكون في مقسم واحد فقط
طيب لو قلنا انو التأخير بالمقسم حوالي 10ms وتأخير السيرفر 10ms يبقا التأخير عندك حيكون 20ms
بينما لو المسافة بينك وبين السيرفر 1000 كيلو او 3000 كيلو مثلا
احسب كم مقسم حيكون بينكم
واجمع تأخير كل مقسم حتلاقي التأخير بزيد لأنو مستحيل يكون سيرفر المقسم التأخير فيه 0
وكل ما زادت المسافة حيزيد عدد المقاسم بينكم
يعني راوترات اكتر وسيرفرات اكتر ومزودين خدمة وما الى ذلك

ارجو تكون وضحت الصورة
وبالنسبة لاستفسارك بالموضوع التاني فأنا ما زلت ابحث وان شاء الله اجد اجابة شافية

[رمسيس512]

ياجماعة انا عندى نفس المشكلة
بالزقازيق سنترال شرق وغرب الزقازيق
ولاجدوى وتقريبا احنا اصبحنا صيدا رخيصا للنصابين
للنت مرة والتليفونات مرة والكهرباء والغاز والمياة وشركات الزبالة وكل دة بتصريح رسمى من الحكومة
مادام بيقووموا بتوريد المطلوب للحكومة ... واحنا الضحية
هل من رقيب على هذه المسميات التى ذكرتها
حسبى الله ونعم الوكيل

[elsayednasr]

ده يدل على ان سبب البينج العالى الى فى حدود 300 مش سنترال ولا حاجة دا الdns بتاع tedata نفسه اللى بطئ لان لما بعمل بينج على سيرفرات مصريه ودول تانية عينه بيبقى قليل انما فى اوربا وامريكا بيبقى عالى عشان كدة اللعب اونلين وحش

[ŤǾЯŊΛĐф]

^^ مكنش بقى كويس الفجر و يعلى وقت الذروة :rolleyes:

ياه أنا كنت ناسى الموضوع ده ، أقلكوا بقى آخر التطورات :

- من حوالى شهرين رحت لفرع كبير عشان أنهى الخدمة ، فطبعا سألونى عن سبب الإلغاء فقولتلهم إرتفاع البينج ، المهم كان فى خدمة عملاء فى نفس الفرع بعتونى ليهم ، و هناك كلامهم إتغير خالص و قالولى فى مشكلة فى السنترال و هتتحل خلال شهر ممكن لو عاوز نوقف الخدمة و نرجعها ، و على الأساس دا جددت الخدمة .
- المهم فضل مستنى شهر شهرين و لسه نفس المشكلة
- فروحت المرا دى لفرع صغير عشان أفصل الخدمة من غير صداع ، و فعلا نجحت .
- إمبارح لقبت الشركة بتكلمنى و بتسألنى عن سبب الإلغاء ، فطبعا قولتلهم إرتفاع البينج ، و أنتو قلتوا هتتحل خلال شهر و متحلتش ، لقيت الراجل بيقولى إحنا هنحول حضرتك على خدمة " كبار العملاء " و دى غير اللى حضرتك كنت بتروحلهم قبل كده ، و خلال 48 ساعة هيكلمك واحد منهم لمحاولة حل المشكلة ،
- أما نشوف كده هيقول أيه و هبقى أطلعكم على آخر التطورات .

[Brigadier]

هههههههههههههههههههههه فعلاً اضحكتني ردود فعلهم , هم فعلاً نصابين ومهما تحدثت معهم فلن تصل الى نتيجه صدقني وبالعربي كل كلامهم "اشتغالات"...

[hazemsagherh]

مفيش جديد الكلام ده قديم وهمه كده نصلبين عادى يعنى

تقبل الامر

[IBRAHIEMYOUNES]

شو اخر الاخبار اخ تورنيدو
ردولك خبر ولا لسا ؟

[ŤǾЯŊΛĐф]

^^ أتصلوا بى من خدمة العملاء ، و قالولى نفس الكلام إنهم بيهتموا بال Download rate ، و قاللى إن مشكلة البينج دى من الضغط و " ممكن " تتحل بعد شهر و بعدين قاللى العيب ممكن يكون من خط حضرتك ، لو عند خط تانى ممكن نوصل عليه الخدمة ، قولتلوا مفيش و أنا هنقل بعد شهر لما أنقل أبقى أشترك تانى ، قالى طب إحنا ممكن نعلق الخدمة لحد م تنقل قلتلوا أنا عايز أشوف شركات تانية عشان لو العيب من شركتكم مضيعش وقتى و أشترك معاكم تانى ، قاللى طب أنا هعمل لحضرتك Offer هديك ضعف السرعة مجانا لمدة شهر ، قولتلوا لأ برضو :p:D

[Planet Hemp]

^^ أتصلوا بى من خدمة العملاء ، و قالولى نفس الكلام إنهم بيهتموا بال Download rate ، و قاللى إن مشكلة البينج دى من الضغط و " ممكن " تتحل بعد شهر و بعدين قاللى العيب ممكن يكون من خط حضرتك ، لو عند خط تانى ممكن نوصل عليه الخدمة ، قولتلوا مفيش و أنا هنقل بعد شهر لما أنقل أبقى أشترك تانى ، قالى طب إحنا ممكن نعلق الخدمة لحد م تنقل قلتلوا أنا عايز أشوف شركات تانية عشان لو العيب من شركتكم مضيعش وقتى و أشترك معاكم تانى ، قاللى طب أنا هعمل لحضرتك Offer هديك ضعف السرعة مجانا لمدة شهر ، قولتلوا لأ برضو :p:D

بصراحة احييك على ردك عليهم بالرفض
عارف لية
لانهم بعرضهم دة كانوا بيجروا رجلك بالبلدى
ضعف السرعة بنفس السعر ولا فى ضعف سرعة ولا حاجة
كل ما هنالك انة صعبان عليهم الفلوس اللى بتدفعها تروح لشركة تانية
انا كانت عندى نفس مشاكلك تقريبا وفضلوا يتحايلوا كدة كتير وبعد ما دوخونى على طلب الcancelation no. وبعد ما اشتكيت لهيئة تنظيم الاتصالات خدت رقم الالغاء واشتركت مع لينك
بصراحة فى فرق على الاقل ان لم يكن فى السرعة الفرق فى اسلوب المعاملة وخدمة العملاء لديهم افضل نسبيا

[XxXDaRkXxX]

te data دول نصابييييين مش فلحين غير أنهم يعودو يعملوا ف أعلنات متكلفة فلوس و مش عارف أية ولاهى لو كانو أستخدموا الفلوس دى ف أنهم يعدلوا النت كان زمان النت بئا مية مية وأنا عندى ننفس مشكلة البينج دى و حاولت مليون مرة أتكلم مع حد بيفهم منهم لكن كالعادة مفيش و الحمد للله طردونى من موقعهم من كتر مكنت بدخل أشتم فيهم بس هأول أيه ربنا علظالم كل همهم أنك تروح كل شهر تدفع فلوس و لو حاولت تتكلم يعودوا يسكتوك بأى كلامو وأنا بتهيئلى البينج هو سرعة أرسال و أستئبال الفيل من السيرفر يعنى بيعتمد عل أبلود و الدونلود مع بعض ده الى أنا فهمو من حكايت البنج دى الى هتشل أوريب منو

[أبوقتادة المصري]

السلام عليكم ورحمة الله وبركاته

معكم المواطن البائس رقم 19 :confused:

19 ده رقمي في لستة ال 21 مستخدم على شبكة لاسلكية مكونة من خطين 1 ميجا !!!:cool:

طيب 21 واحد على خط 2 ميجا هانسامح فيها ونقول الحمد لله داحنا في قرية ومكناش نحلم غير بانترنت ارضي سرعته 56 كيلوبايت/ث

لكن اني اكون المواطن رقم مليون اللي مستحمل الشركة النصابة دي حاجة الحقيقة تجيب ضغط دم واحتمال سكر
ولو الواحد جاله سكر افضل عشان زاد تمنه في التموين:p:p

بصراحة مكدبش عليكو انا مش بهتم بالبنج اوي الا في حالة الالعاب المالتبلير زي كول اوف ديوتي وكان البنج دوه اللعبة بيوصل 250 او 300 وده حاجة حلوة وشغال كفائة
لكن مش عارف ايه الحال مع الالعاب الاونلاين زي وور كرافت وسيلك روود في الحالة دي

المهم يا عمو

الحكاية دي مش بتستمر طول اليوم ممكن تكون قاعد بتلعب في امان الله وتلاقي نفسك فجاة بتطير في الهوا او ان الناس الي حواليك جالهم سكتة قلبية واللعيبة اللي معاك كلهم وقفوا مرة واحدة ومفيش حاجة بتتحرك غير رجليهم وهما واقفين مكانهم
ويطلع في الاخر انك انت اللي جالك سكتة قلبية وواحد من اللعيبة اللي معاك ودعك برصاصة في راسك وتصحى بعد شوية عشان تشوف نفسك وانت بتيجيلك سكتة قلبية في الاعادة :ah16:

ايه ده اللي انا بحكيه شكلي شارب شاي بلبن :rolleyes:

طيب امال ايه النظام
النظام انهم عاطيينك نص السرعة اللي انت مشتريها منهم طيب بلاش نص هما مفوتين عليك تلت السرعة والحكاية دي انا اكتشفتها بمجرد النظر مش ببرامج ولا حاجة

يعني تكون بتحمل ملف وتلاقي في الداونلوود مانجر السرعة مكتوبة 65 او 60 لكت تبص على المساحة المحملة المفروض تلاقيه بيزيد مية كيلو فيما يقارب ثانيتين تروح تلاقيه بيجيب المية فيما يقارب التلت ثواني يعني تلت السرعة كلوها عليك وشربو عليها كوكاكولا زيرو :D

طبعا السبب في البنج وخلو بالكو البنج في الداونلوود يختلف عنه في غير الداونلوود يعني ميروحش واحد يعملي اختبار على البنج من موقع pingtest.net ويلاقي البنج بتاعو قليل يروح مشتري زمارة ويجي يصدعنا هنا

عاوز تعرف البنح بتاعك يا كميلة انتي اعملو على موقع speedtest.net لانه بيجيبلك البنج وقت الداونلوود وطالما انه زايد عن 1400 او الالف عموما يبقى سرعتك في الضياع ومش هاتاخد السرعة الكاملة فهمتونا يا جدعان

هيه يا بلد

من يومين النت عنده سل وشلل وكنت قاعد على الكومبيوتر وكان شوية وهاعيط على حال النت
حالته تقطع القلب والله عامل زي اليتيم لو شوفته هاتفكر تطلع خمسة جنيه وتكتبله عليها تبرع للايتام:confused:


كل الكلام اللي قريتوه فوق ده من هلوسات المواطن المطحون رقم 19 وربنا يشفيه يارب ادعوله يا جدعان

سلام

التوقيع
والله مانا فاكر:rolleyes:

[modyGX]

نعم البينج يرتفع بطريقة جنونية كل يوم بعد العصر أو المغرب و أحيانا قبل ذلك
مما يمنعنى من لعب أى ألعاب أونلاين أو مشاهدة فيديوهات أونلاين
ممكن حد يكلمهم على اللينك دة
https://www.i19777.net/
TECHNICAL SUPPORT CHAT NOW
و تختاروا text chat أو voice chat
و يقوللهم على المشكلة دى و انها بتواجه معظمنا و نشوف الرد
استاذ Tornado
هتحول لشركة ايه؟ و قوللنا تجربتك معاها