اللهم بلغت اللهم فأشهد ... Creative Inspire M4500

[MaM3bS]

بسم الله الرحمن الرحيم

انا هقول الموضوع على طووول على امل انى اقدر اديكو معلومه قبل ما اى حد يشتى السماعات ديه كنت حاطت امل كبير عليها لكن مفيش فايده المهم



موصفاتها عاليه جدا او نقدر نقول ممتازه كبدايه لكن للاسف انا اشتريتها من مول السخاوى ب 205 جنيه مصرى
وعندى البورده بتعتى جيجا بايت منسنه كرت الصوت بتعها بلت ان ريلتيك المعروف هاى ديفينشن المهم اشتريتها وكان صوت البيز بتعها جباره جدا ولكن للاسف مخرجين الامامين للسماعات بيطلع زى صوت مخنوق مع اى اغنيه فيها طرب زى صوت اصاله مثلا او تراك هو فى ايقاعات باينه جدا اجى اعلى من هنا والاقى الصوت الغريب ده مصاحب للمقطوعه اللى شغاله بجد اديقت جدا قولت كرت الصوت عشان بلت ان للاسف امكانياتى محدوده فا اشتريت كرت صوت لذيذ اسمه جينيس 5.1 بجد لذيذ جدا 3 مخارج ومدخلين


للاسف لقيت نفس الموضوع :ah34: وبجد مش عارف اعمل ايه انا دفعت تقريبا 300 جنيه فى يعتبر بيزه بس اتمنى ان اى واحد يقدم على شراء الصب ده يصبر شويه ويزود فلوسه ويجيب حاجه احسن

اسف على الاطاله

[HuLkY]

حاول ترجع للضمان , انا معايا نفس السماعات وكله تمام

[tetto12345]

للاسف يا صديقي انا قولت في موضوع قبل كدا السماعات دي نازله منها انواع مضروبه فعلا وناس كتير حذرت منها وحذرت من كريتف

ذات نفسها الفتره دي وقالوا ان في نوعين بس ال مش كدا T6200 And Gigawork Pro 500 والباقي كله للاسف حاول ترجعها فعلا

زي ما قالك The Hulk و ما تزعلش ان شاء الله ليك خير في حاجه تانيه بالتوفيق ان شاء الله

[Coolman4now]

- للأسف الكرييتف المضروب أنتشر جدا جدا ، والنهاردة فى سموحة فى أليكس عندنا لقيت منه فى محل كميات مرعبة ، كان نفسى أصورها بس الموبايل كان فاصل للأسف.

[shrief_007]

والله العظيم انا قولت الكلام ده قبل كده والاعضاء كدبونى وانا ةالله اشتريت صبين من محلين مختلفين قولت يمكن الاول كان فى عيب فاشتريت التانى بعد ما رجعت الاولانى ولقيت الموضوع الى حضرتك بتقول عليه ده فى الصب التانى نفسه وانا كنت شكيت فى الكارت فلما جربت التانى اتصدمت وقمت قوام لفه وحطه فى الكارتونه بتاعته ورحت رجعته زكملت على الفلوس وجبت هارد 320 بلو ويا جماعه نصيحه منى ابعدوا عت ىالكريتيف الى موجود فى السوق عاما مهما كان شكله نضيف لان بجد صوته زباله اخر حاجه والتايجر احسن منه بمراحل فى البيز والنقاء والسيرةند وكل حاجه والله

ونصيحه للاخMaM3bS روح رجعه لان ده حقك والقانون بتاع المستهلك بيقول انك تقدر ترجع الحاجه فى خلال 14 يوم بشرط انها ترجع سليمه
واتكلم بقلب جامد وخلى تعبيراتك تدل على انك مخنوق وهلل فى المحل لو مرضيش هتلاقيه قالك بالراحه يا باشا الكلام اخد وعطا وده الى حصل معايا ودى كانت طريقه ترجيع الصبين الى كنت هلبسهم ونصيحه خد معاك كذا صاحب ليك وهفكرك تانى ده حقك وانتا ما بتعملش حاجه غلط

ودى هتبقا المبررات
1 الصب صوته واطى
2الصب بيزن لما بيعلى عن النصف
3صوت السماعات الخلفيه بتاعت الصب بايظ تحس انها جايبه اخر
وكدا بقا روش الحوار ودى يا جماعه عيوب الصب بجد وانا ما بتبلاش عليه واديكو شوفتا تجربه

[MaM3bS]

انا فعلا روحت وديته للراجل ومصمم ان الصوت كويس وانا شغلته قدامه وسمعته الصوت بتاعه الزباله وبردو مصمم هللت زى ما قولتلك وقالى انه هيدخله الضمان والضمان بياخد 10 ايام وبصراحه سيبتهوله لانى بحضر فى شقتى فا مش فاضى لحوار اروح واجى وانا هروحله تانى يوم الاحد اللى جاى واشوف اللى حصل

[MF88]

من حوالى شهرين كنت بجمع جهاز لواحد و لما شوفت السماعات فى سموحه

سألت على نوع سماعات 2.1 GAMMA و سعرها 170 جنيه

سألت على الكرييتف ال 4500 ده قالى ب 200 جنيه

من ساعتها و انا عرفت انه مضروب بالجزمه و مقرف

طاقم سماعات رباعى اغلى ب 30 ؟؟؟ اكيد فيه انّ

و على فكره السوق المصريه محتاجه تتغرق بأنظمه الـ logitech كضخ لدماء جديده

بدل السرقه العلنيه اللى احنا فيها دى

[shrief_007]

يا استاذ MaM3bS انا قولتلك الترجيع ده حقك وانتا مش لازم تخش فى موضوع الضمان ده لان النتيجه انتا عارفه قبل ما الصب يروح الضمان ده لو وداه اصلا وعلى فكره النوعيات دى من البياعين بيبقوا عندهم برود ولازم تعاملهم ببرود زى ما بيعملوك واديلهم الوش البلستك وقولوا الاخر انا عاوز ارجع الصب وده اخر كلام عندى ولو مارداش معلش فى اللفظ تنح معاه وخليك بارد وحسسه انك مش هتمشى الا لما ترجع الصب فهيطر يرجع الصب

ربنا معاك والله انا عارف احسساسك لان الموضوع ده مر عليه

[coolhero]

و على فكره السوق المصريه محتاجه تتغرق بأنظمه الـ logitech كضخ لدماء جديده

+1

و انا من عشاق هذه الشركة

[shrief_007]

رجعت الصب ولا ايه

[الجوف]

مشكووووووووووووووووور ين

[MaM3bS]

شكرا على اهتمامك يا اخ شريف انا لسه يوم الاحد القادم باذن الله هتصل بيهم قبل ما اروح اشوف عملو ايه وعلى اساسه هتصرف المشكله انى اعرف صاحب المحل كويس كان فاتح جنب البيت سيبر نت وكنت من اول الناس اللى كانو عندو ده من كااااااااااام سنه فا انا اعرفه ومش عايز اتعامل معاه على انى زبون وهوا بايع انا صابر وربنا يسترها باذن الله وهبلغك بالجديد

[Don Khozzam]

انا و الله معدت عارف اجيب صب نوعه ايه

جبت صب تايجر من اربع سنين و فى اقل من سنه بقى بيزن و بيضرب .. جبت تايجر السنه اللى فاتت ب260 جنيه و مقعدش ثلث شهور و شاط!! جبت كريتيف بعد كدا و فى خلال اسبوع السماعات كانت بتزن ففكيتهم و ركبت بدالهم سماعه تايجر من القدام اللى كانو عندى

شكلى كدا المره الجايه هجيب سماعات هيد جيمرز و اقضىى بيها بقيت حياتى..

[sameh soliman]

واله يا شباب فى سماعات جيدة فى كمبيو مى اسمها EDIFIER والشركة معروفة عالميا وتمتاز بالجودة العالية عن تجربة

[persia]

انا عندى صب قديم شوية بس يستحق كل احترام منى للان جبته قبل ما ينزل المضروب

الصب اسمه فانتوم 4X1 وبعد ما الصب دة خد سمعه كويسه نزل المضروب نفس الشكل بس الكرتونة فيه اختلاف فى الالوان

ونزل ارخص 100 جنية عن الصب الاصلى

ولم واحد صحبى جابوة كان صوته زبالة ورجعه وجاب نوع تانى

الصين هى اللى مودينا فى داهيه