ما قلنا بلاش التنسيق ده يا جدعان :Dجوهري
الفيديو جيمز المفضلة ليك إيه ؟ غير Resident Evil طبعاء!
مين ممثلينك المفضلين ؟ (عرب - أجانب)
كنت شقي و أنت صغير ؟
أيهأخبار الخوازيق معاك ؟ (علشان عم Coolman يتبسط :D)
بالنسبه للألعاب , بحب أى لعبه تكون حلوه :D , بكره الإستراتيجى
زى ما بكره الألعاب اللى نصها كلام و مشاهد
Battlefield.Bad.Company.2-RELOADED حبيتها جدا جدا , و بفكر أسطبها و ألعبها تانى
سلسله COD روعه بكل ما تحمله الكلمه من معنى
كمان Crysis ما ينفعش ما أجيبش سيرتها
مش بحب الممثلين
ولا عمرى بتابع أخبارهم , و نصهم ما أعرفش أساميهم
و مش بيشغلو جزء من عقلى و تفكيرى يوصل لدرجه إنى أرهق نفسى فى التفكير أيهم مفضل بالنسبه لى
ممكن أحب شخصيه بعينها فى فيلم او مسلسل , إنما ممثل !!!
صعب أوى أوى أوى
لا , كنت هادى جدا و وديع :D
مفيش حاجه إسمها الخوازيق
و شوف ردودى السابقه و إنت تعرف أد إيه أنا شخص متفائل
بس على فكره للأمانه , أنا مش متفائل بهبل !!
بمعنى إنى من ضمن الإستراتيجيات اللى بعتمد عليها لتخفيف حده الصدمات أو الخوازيق , إنى أنا ببقى حاطط فى عقلى دايما تصورات لإيه اللى ممكن يحصل
على سبيل المثال أنا ممكن أسافر القاهره الإسبوع ده : قبل ما أخرج من البيت ببقى عارف إنى ممكن أتكهرب و أنا بكوى اللبس و أموت , و ببقى عارف إنى ممكن العربيه تعمل بيا حادثه و أنا مسافر , و ببقى عارف انى ممكن أتخطف فى مصر عن طريق عصابات بيع الأعضاء , و ببقى عارف إنى ممكن يحصل لى حادث هناك و يجعلنى ملازم الفراش لبقيه حياتى !!!
كل دى خوازيق ممكنه , دى مش خوازيق عاديه , دى خوازيق مميته
هتقول لى : إنت عيل غم ؟ , لا انا مش غم , أنا ماشى ببركه الرحمن و متفائل جدا , و متوسم الخير دايما فى حياتى , و متيقن إن ربنا بيحمينى و يحفظنى , ( هُديت و كٌفيت و وٌقيت و تنحى عنك الشيطان ) هكذا يُقال لى عندما أخرج من البيت و أقول : بسم الله توكلت على الله ولا حول ولا قوه الا بالله ... بس على الرغم من كل ده , ما ينفعش أتفائل أوى أوى أوى , علشان لو عملت كده و حصلت لى صدمه هأنهار تماما , و عليه فأنا دايما شايل فى جزء من عقلى خلفيه و هى : المصائب ممكنه الحدوث فى كل وقت و حين و لأى شخص .
و الشخص اللى بيفكر كده مش بيؤمن بالخوازيق , لا , بيعتبرها حوادث عارضه بتحصل له , و هى فى الحقيقه مش حوادث وحشه , على العكس تماما , دى حوادث و أشياء ربنا سبحانه و تعالى بحكمته الواسعه و علمه الذى لا ينضب كتبها علينا علشان من خلالها تتغير حياتنا و تأخد مسار تانى , مسار و طريق فيه مصلحه الفرد مننا . المهم ان الواحد يكون مؤمن بكده .
و أخيرا إعلم أن ما أصابك لم يكن ليخطئك , و أن ما أخطئك لم يكن ليصيبك
و إنظر للحياه من منظور تانى و إبعد عنك أى أفكار غريبه
و ساعتها ستختفى الخوازيق تماما .
و للحديث بقيه فى الموضوع ده إن شاء الله
المشاركة الأصلية كتبت بواسطة محمد الجوهرى
المفضلات