>>> كرسى الأعتراف <<<

[MF88]

:D:D:D

سؤالين فى السريع كده :
-مين العضو اللى حيقعد على الكرسى بعدك ؟
-ايه اول 5 اسماء بعدك فى اللسته بتاعتك (ومتتهربش من السؤالين دول:D:D)

انا بهزر معاكم والله لكن اللسته محجوزه قبل ما اقعد حتى على الكرسى

المفروض كان هيقعد مكانى الاستاذ الخلف . راسلته 3 مرات و لم يرد لا اعلم لماذا

القادم سيكون الاستاذ شلاع العتر

و بعده نابغه المنتدى الاستاذ حميدو " و قد راسلته ووافق بدون تردد بفضل الله "

لم احدد من بعد ذلك . لكن مع الوقت سأختار ان شاء الله و غالباً هيكون مينا او سمسم :D

[The STIG]

^^
طيب فل اوى انا مش عندك فى اللسته مش كده ؟ :D
يعنى اعمل اللى انا عاوزو :D:D:D

[MF88]

تعمل اللى انت عاوزه ؟؟؟ طيب هستأذن استاذ شلاع فيك :D:D:D

[The STIG]

^^
ده انا غلبان
:D:D:D

[MF88]

:D:D:D

[Orphan Naremo]

هاااااااااااااااااا انا بره اللسته
:D:D:D:D:D:D:D:D

سؤال صعب اوى جداً

انت جاى بكره مع مينا وهلكى ؟؟ ولو هاتجى ليه سهران لحد دلوقتى ؟؟؟؟؟

[Dr Mohammad]

السلام عليكم و رحمة الله و بركاته

الباشمهندس الكبير قوى محمود فوزى
نورت الكرسي يا برنس

بص بقى يا معلم قبل أى حاجة , من الردود اللى قريتها حسيت بذهول كبير , حضرتك شبهى فى حاجات كتير جدا جدا , لدرجة إن فى تطابق رهيب بيننا فى جوانب كتير لاحظتها , على فكرة انا مبسوط قوى قوى من الموضوع ده .

و الله إنى لأحبك فى الله , و أرجو أن تقبلنى أخا و صديقا لك.
و اسأل الله العظيم رب العرش العظيم ان يشفى والدتك.
اللهم لا شفاء إلا شفاؤك , أنت الشافى , فاشفها شفاء لا يغادر سقما.

و بما إنك لبست قصدى جلست على الكرسي :D , اتفضل شوية الأسئلة دول :

1- حضرتك طالب فى كلية قمة و بعد ما تتخرج هيبقى لك وضع اجتماعى مرموق إن شاء الله تعالى , فليه بقى بتكره الكلية ؟
تذكر قوله سبحانه و تعالى : " و عسى أن تكرهوا شيئا و هو خير لكم " , و مادام ربنا هو من اختار لك هذه الكلية , فأكيد فيها الخير الكثير بإذن الله تعالى , حتى لو نظرتنا القاصرة لم تتبين هذا فى الحاضر.

2- بنتقول زرت الدقهلية :eek: , يعنى انت شرفتنا هنا فى المنصورة , كنت بتعمل إيه ؟ :D و إيه رأيك فى المنصورة ؟
ياريت توعدنا بزيارة تانية و تشرفنا فى المنصورة .

3- ما هو أفضل شئ حدث لك فى حياتك ؟

4- ما هى اهتماماتك الأخرى بجانب الهاردوير ؟

5- من هو أحب قراء القرآن الكريم إليك ؟

6- ما هى العربية التى تحلم بامتلاكها ؟

7- هل هناك أماكن تتمنى زيارتها ؟

8- ما هو نوع موبايلك ؟

9- ما هو لونك المفضل ؟

10- ما هو أحب أوقات اليوم إليك ؟

11- عايزين نشوف صورتك ضرورى , ( مش عارف ليه حاسس إنك شبهى فى الشكل كمان )

و أسأل الله العلى العظيم أن يوفقك و يكرمك و يعطيك ما تريد.

[MF88]

للأسف مش هقدر اجى بكره لظروف عائليه و كده

انا كنت جى لأخر لحظه بس محصلش نصيب

ياريت يكون معاكم كاميرا عشان اشوفكم كلكم ان شاء الله

[Orphan Naremo]

حيث كدا بقى انت لازم ترفعلنا صورتك عشان انا كنت حاطط امل اشوفك بكره مع باقى الاصدقاء ( الاعضاء )

[MF88]

السلام عليكم و رحمة الله و بركاته

الباشمهندس الكبير قوى محمود فوزى
نورت الكرسي يا برنس

الله يخليك ده نور حضرتك والله يا دكتور

بص بقى يا معلم قبل أى حاجة , من الردود اللى قريتها حسيت بذهول كبير , حضرتك شبهى فى حاجات كتير جدا جدا , لدرجة إن فى تطابق رهيب بيننا فى جوانب كتير لاحظتها , على فكرة انا مبسوط قوى قوى من الموضوع ده .

الله يخليك ده شرف ليا انى اكون زى حضرتك والله ربنا يكرمك و انا مبسوط اكتر والله

و الله إنى لأحبك فى الله , و أرجو أن تقبلنى أخا و صديقا لك.
و اسأل الله العظيم رب العرش العظيم ان يشفى والدتك.
اللهم لا شفاء إلا شفاؤك , أنت الشافى , فاشفها شفاء لا يغادر سقما.

و انا كمان بحب حضرتك فى الله جداً و ربنا يشهد و حضرتك من زمان اخ و صديق عزيز جداً

و رجاء حار : لو فكرت بس تنزل الأسكندريه قول و سيب كله على الله سبحانه و تعالى ثم عليا
بس تشرفنا بس

و بما إنك لبست قصدى جلست على الكرسي :D , اتفضل شوية الأسئلة دول :

:D:D هات يا سيدى

1- حضرتك طالب فى كلية قمة و بعد ما تتخرج هيبقى لك وضع اجتماعى مرموق إن شاء الله تعالى , فليه بقى بتكره الكلية ؟

بكرهها لأن الظلم عندنا كتير جداً و انا مقدرش اتواجد فمكان فيه ناس ظلمه ده غير انى اتعرضت للظلم
من دكتور فى الكليه و ربنا يجازيه ما يستحق

تذكر قوله سبحانه و تعالى : " و عسى أن تكرهوا شيئا و هو خير لكم " , و مادام ربنا هو من اختار لك هذه الكلية , فأكيد فيها الخير الكثير بإذن الله تعالى , حتى لو نظرتنا القاصرة لم تتبين هذا فى الحاضر.

الحمد لله على كل شىء انا معنديش اعتراض بالعكس انا راضى جدا و دايما مقتنع ان كل اللى بيحصل
للإنسان بيكون خير فى النهايه و يمكن ده كان مدخل لجمود بعض من المشاعر عندى

2- بنتقول زرت الدقهلية :eek: , يعنى انت شرفتنا هنا فى المنصورة , كنت بتعمل إيه ؟ :D و إيه رأيك فى المنصورة ؟
ياريت توعدنا بزيارة تانية و تشرفنا فى المنصورة .

المنصوره بلد جميله و اهلها ناس محترمين و اكبر دليل على ذلك حضرتك
و كنت مع ابن خالى بنخلص ورق تبع الكليه بتاعته وكده
و اول ما انزل المنصوره مره تانيه اكيد ان شاء الله لازم اشوف حضرتك و ده هيكون شرف ليا

3- ما هو أفضل شئ حدث لك فى حياتك ؟

افضل ما حدث فى حياتى حتى الان هى لحظه ما عرفت مجموعى و انا فى تالته ثانوى 99.8% خصوصاً
و انا الناس كلها كانت متأكده انى مش داخل هندسه مهما حصل

4- ما هى اهتماماتك الأخرى بجانب الهاردوير ؟

فى الفتره الاخيره اصبح كل اهتمامى منصب على الهاردوير . يمكن عشان جهازى قديم و عندى الرغبه
قويه فأنى اغيره فمنجذب للهاردوير كنوع من اشباع للرغبه دى
لكن بحب اتمشى على البحر و ساعات نادره القراءه و بحضر دروس دينيه احيانا
ده غير حبى الشخصى للغه الانجليزيه لسهولتها بالنسبالى


5- من هو أحب قراء القرآن الكريم إليك ؟

احب القراء هو الشيخ الحصرى رحمه الله و الشيخ السديس و الشريم و سعد الغامدى و الحذيفيى

6- ما هى العربية التى تحلم بامتلاكها ؟

التى احلم بإمتلاكها امممم اى عربيه تكون نادره و شكلها رياضى زى الـ GALLARDO مثلا

7- هل هناك أماكن تتمنى زيارتها ؟

اتمنى الذهاب لمعظم دول العالم و ان انتهى الى مكه المكرمه لأداء فريضه الحج و العمره

8- ما هو نوع موبايلك ؟

NOKIA 5300 Xpress Music

9- ما هو لونك المفضل ؟

لون الكتابه اللى بكتب بيها و اللون الاسود

10- ما هو أحب أوقات اليوم إليك ؟

وقت السحر " فى الصيف و الشتاء "
وقت ما بعد الفجر " صيفاً "

11- عايزين نشوف صورتك ضرورى , ( مش عارف ليه حاسس إنك شبهى فى الشكل كمان )

و أسأل الله العلى العظيم أن يوفقك و يكرمك و يعطيك ما تريد.

الله يخليك و انا اتشرفت بحضرتك جداً و ربنا يكرمك و بيارك فيك

دى صورتى يا جماعه " انا اخر واحد على الشمال " صوره مقرفه شويتين لأنها قديمه نوعاً ما

و عندى دوجلاس حاليا " ما تعرف بالسكسوكه " و كمان شعرى افضل من كده بكتير حاليا
لما بحلق شعرى بيفضل واقف من كتر الفرحه تقريباً " كما بالصوره "

[event88]

هنالك معلومات تمتلكها يا حودة عن بعض الأعضاء وعن أشياء في الموقع قديمة مع أنك سجلت في سبتمبر من العام الماضي
كما صرحت بشئ منها عن بعض الأعضاء بس لما أنت قولت الكلام هذا أستغرب منك بعض الأعضاء القدامي وقالك من أين أتيت بهذه المعلومات بإعتبار أنك جديد بالنسبة لذلك الحدث فلم تجاوبه (لا أحب أن أذكر المكان الذي حدث فيه هذا الكلام):p
السؤال من أين تأتي بهذه المعلومات وكيف تتحصل عليها وهل لك عضوية أخري علي عرب هاردوير وماهي؟
:ah26::ah26::ah26: :D:D
السؤال ده كنت مخبيه لحد ما تروق

[Planet Hemp]

مش عارف حاسس انى شفتك قبل كدة يمكن فى الكلية او حاجة زى كدة
بس بالمرة بقى
انت ساكن فين فى اسكندرية
بتعرف تعوم ولا اية النظام
مين الدكتور دة اللى ظلمك اوعى تقلى مشالى
شايف ان الهندسة تستاهل ولا كلية رخمة وبتقول ياريتنى ما دخلت هندسة من اصلة (لو قلتها تبقى عملت زى بعد ماخلصت الهندسة قلت ياريتنى ما دخلتها من اصلة كلية فاشلة)
بتفكر فى السفر وانك تهج وتسيب البلد ولا اية

[BionicMan]

امتى حسيت انك مش قادر تقاوم المعاصى و الذنوب " البس يا معلم فى الحيط:D "

[MF88]

هنالك معلومات تمتلكها يا حودة عن بعض الأعضاء وعن أشياء في الموقع قديمة مع أنك سجلت في سبتمبر من العام الماضي
كما صرحت بشئ منها عن بعض الأعضاء بس لما أنت قولت الكلام هذا أستغرب منك بعض الأعضاء القدامي وقالك من أين أتيت بهذه المعلومات بإعتبار أنك جديد بالنسبة لذلك الحدث فلم تجاوبه (لا أحب أن أذكر المكان الذي حدث فيه هذا الكلام):p

الموضوع عندما سألنى الاستاذ شلاع العتر عن الشخص الظريف اللى كان مغلب المشرفين فى موضوع عن صور

المشرفين و الاعضاء . و الحقيقه انك لو شوفت فى قسم ابتسامات الموضوع المثبت و المغلق ايضا و قرأته

كاملاً ستعرف كل شىء :D:D ادى المصدر بتاعى يا برنس :D:D

السؤال من أين تأتي بهذه المعلومات وكيف تتحصل عليها وهل لك عضوية أخري علي عرب هاردوير وماهي؟
:ah26::ah26::ah26: :D:D

السؤال ده كنت مخبيه لحد ما تروق

البحث فى المنتدى و قراءه مقالات الاعضاء . خصوصا ان هناك مواضيع مثبته تكون فى طى النسيان

فى رأيى ان تثبيت الموضوع يُعد بمثابه نقله للأرشيف بالضبط بعد يوم او اثنين الكل يدخل يرى الجديد

ولا يلقى نظره واحده على المثبت و اكبر دليل ان محدش قدر يعرق انا جبت المعلومات منين مع انها معروضه

للجميع . افضل شىء ترك الموضوع بدون تثبيت فتره كبيره ثم تثبيته ليستفيد منه الاعضاء الجدد بعد ذلك

ده رأى الشخصى و غير موجّه للمشرفين انا بتكلم معاك بس يا عثل

اى خدعه :D

[Extreme2]

والله ووقعت يا حودة , راجعلك :D