AMD تقدم الأدوات لمطوري الألعاب لدعم ال Physics مفتوح المصدر

**BionicMan** · 08-03-2010, 16:07

شكرا مينا علي الخبر والتي تقول ATI لـــnVidia به المنافسة مستمرة حتي مع صدور الفيرمي

ولكن السؤال الاهم متي نري الالعاب والكروت الداعمة للفيزيكس الخاص بـــATI ؟

وفي اعتقادي ان (AMD+ATI حبيبة الشعب :D)

**yasserlee** · 08-03-2010, 16:10

خبر ممتاز و كده ATI فعلا هتتربع علي عرش كروت الشاشة

**shaker3** · 08-03-2010, 16:26

خبر جدا رائع يبدو ان ati قد صممت على المنافسة في كل الساحات وبقوة وكبرياء تقول المحرك مفتوح المصدر :ah4: بقي عليها ضخ قليلا من الدعم لمطوري الالعاب وتسحب هذا البساط من تحت nvidia تروح مع الفيزكس المحتكر تبيع في غير هذا السوق :D

لك التقييم على هذا الخبر الرائع

**الخلف** · 08-03-2010, 16:42

المشاركة الأصلية كتبت بواسطة moottoo

سعيييييد جدا باخبر ده و اخيرا ATI هتعمل حاجه مهمه

و معلش ليا تعليق بسيط كلام الخلف ال Havok ده شغال و مستخدم فى كذا لعبه و شغال على
ATI 100% و اخر لعبه و انصحك بتجربتها لو مكنتش جربتها الديمو بتاع Just cause 2 محرك ال Physics
المستخدم هو Havok و شكرا
و اسف على الاطاله

أعلم أن محرك Havok مستخدم بشكل كبير وفي عدة أسماء كبيرة ولكن معالجة الحسابات الفيزيائية لهذا المحرك تتم على معالج النظام وليس المعالج الرسومي وبالتالي فهو يعمل على أي جهاز بغض النظر عن بطاقته الرسومية، سواء NV أو AMD أو حتى VIA و Intel...

ما أتكلم عنه هو التسريع العتادي للـ Havok. فسابقاً كانت Havok تعمل على مشروع Havok FX والذي يرمي لاستخدام المعالجات الرسوميّة وتحديداً من NV و ATi ( في ذلك الوقت لم تذهب ATi تحت ظلال AMD بعد ). ولكن بعد أن اشترت Intel الشركة، لم يعجبها الترويج لاستخدام المعالجات الرسوميّة في أمور كانت للمعالجات فهي أولاً وأخيراً شركة معالجات وعلقت أكثر من مرة على ذلك وبالتالي أوقفت مشروع Havok FX وتم سحب جميع الموارد منه والمعلومات عنه من موقع Havok...

بعد فترة من ذلك ظهرت بوادر من AMD لدعم Havok من أجل تطويع المحرك ليستفيد أكثر من معالجاتها، ثم ظهرت إشارات عن دعم عملية التحويل إلى استخدام OpenCL ليتم الدعم النهائي للتسريع العتادي باستخدام المعالجات الرسوميّة وذلك تمهيداً لظهور Larrabie إلا أن هذه الأخيرة لم توثّق رسمياً حسب ما أذكر وربما خانتني الذاكرة... وبعد ذلك توقّف كل شيء ولم نرَ أي شيء على الواقع سوى بعض الأخبار هنا وهناك...

**S.O.S** · 08-03-2010, 16:46

الف شكر يا استاذ مينا اخبار زي الفل ...اخيرا برافو ati

**nero&dante** · 08-03-2010, 17:16

شكر جزيلا على الخبر المفرح
لكن هل سيقوم صانعو الالعاب بدعم هذا المحرك ام ستقوم انفيديا بالضغط عليهم للبقاء على المسرع الخاص بها

**MF88** · 08-03-2010, 17:22

بصراحه خبر مفرح مفرح مفرح جدا

يادوب انفيديا بتقول يارب كارت دلوقتى ظهرت مشكله تانيه

كل ما ATI تعلن عن حاجه اشعر بذكاء استراتيجى رهيب مره مع الـ EYEFINITY و الضربه الجديده مع الدعم المفتوح

استنى كده اشوفلك فى تقييم وللا لا

معلش بقى حظك مش حلو المره دى :D بس ان اشاء الله الجايات كتيــــــــــر

**MF88** · 08-03-2010, 17:34

استاذ مينا عندى استفسار ارجو ان اى حد يجاوبنى عليه

ليه بلاحظ ان فى الحركات الفيزيائيه فى جزء من عدم الاحساس بكثافه الماده

يعنى ازاى كتله من الصخر تصطدم بمبنى فيتكسر لقطع صغيــــــــره ؟ صحيح ان كل قطعه بتكون حره الحركه و الكلام الواقعى ده

لكن فين الواقعيه فى الفيزيائيه الماديه ؟ المتعلقه بقوه المبنى و طريقه تهدم ضخوره المتماسكه ؟

انا بشعر كأن حد القى بكره على مبنى مكعبات مش مبنى متماسك . و الكلام ده فى الفيزيائيه سواء هنا او فى انفيديا

عشان محدش يدخل يقول اصل هناك مش عارف ايه . لا انا لاحظ ده فى كله . هل لسه النوع ده من الفيزيائيه مش موجود؟

وللا انا مبشوفش مثلا؟ بس انا متأكد بحكم الهندسه المدنيه ان مفيش مبنى بيسقط بالطريقه دى

الفيديو الوحيد اللى فعلا واقعى 100% هو الكره الصخريه اللى بتسقط على ال railway track فى الفيديو الخامس تقريبا

لكن الباقى تحس ان المبانى خشبيه و مكسيه بكساء الطوب مش طول ناشف له ثقله الطبيعى

ياريت معلش ولو توضيح او تأكيد او مناقشه فى الجزئيه دى

----------

معلش زياده بسيطه

https://www.youtube.com/watch?v=ItR87QtdBr4

بص حضرتك على الفيديو ده ؟ شىء جميل فعلا تساقط الطوب و كل حاجه

لكن مستحيل تحس ان فيه ماده رابطه بين الطوب و كأنهم مكانوش حطو المونه بين فواصل الطوب

بالظبط مكعبات متراصه و بتقع و ازاى كمان بعد بمرور الدانه او الطلقه بسرعه عاليه كل المكعبات بتقع صحيحه ؟؟ مبتتكسرش ليه دى :D

انا بتكلم لانى بلاحظ الحاجات دى فى الاتنين حتى الفيديو بتاع الـ rocket sled demo نفس الكلام عند انهيار الجسر

الاخشاب بتتكسر فى قطع مستقيمه متلاقيش خشبه مشطوفه " مقطوعه بميل ابدا "

----------

https://www.youtube.com/watch?v=J9HaT23b-xc

الفيديو ده برضو . اقل ما يوصف به انه واقعى لدرجه الذهول بجد . مكنتش مصدق نفسى و انا بشوفه

لكن فيه عيب وحيد

هو ان كل نواتج الكسر قطع مستقيمه متساويه . و ده شىء بعيد تماما عن العمليه

**Hameedo** · 08-03-2010, 17:51

أخبار ممتازة ،و أتمني أن يساعد ذلك فيا ختراق المعالجة الفيزيائية لكل الألعاب ، قد يغير ذلك من طريقة التفاعل مع الألعاب كليا ، والي الأفضل .

ليه بلاحظ ان فى الحركات الفيزيائيه فى جزء من عدم الاحساس بكثافه الماده

يعنى ازاى كتله من الصخر تصطدم بمبنى فيتكسر لقطع صغيــــــــره ؟ صحيح ان كل قطعه بتكون حره الحركه و الكلام الواقعى ده

لكن فين الواقعيه فى الفيزيائيه الماديه ؟ المتعلقه بقوه المبنى و طريقه تهدم ضخوره المتماسكه ؟

الاحساس بكثافة المادة ، ومادية الأجسام هي أمور لا وجود لها في عالم الحاسوب ، وبالذات في عالم المعالجة البصرية ، فكل هذا مجرد نقاط Pixels ، والهدف تحريك هذه النقاط علي الشاشة بطريقة توحي بترابطها مع بعضها بحيث تتبع قوانين الطبيعة الحقيقية .

لكي تفعل ذلك ، يلزمك البرمجة ، ولكي تزيد من واقعية الحركة ، يلزمك المزيد من البرمجة ، ومع الزيادة في الواقعية ، تأتي زيادة في الحسابات ، و بالذات في دقتها Precision ، معظم الحسابات الفيزيائية تعتمد كثيرا علي كفاءة عمليات الاحكام الأحادي والثنائي Single/Double Precision ، أي عمل الحسابات بدقة 32 و 64 بت علي الترتيب .

يمكنك مشاهدة هذه العروض ، ستجد فيها دقة أكبر في تنفيذ الحركات الفيزيائية :
https://www.youtube.com/watch?v=kqau...eature=related
https://www.youtube.com/watch?v=1OU6...eature=related
https://www.youtube.com/watch?v=nkHz...eature=related

**roko** · 08-03-2010, 17:55

شكرا على الخبر الرائع
منذ زمن وانا في انتظار اخبار كهذه عن Physics تقنية رائعة و الأروع ان تكون مفتوحة المصدر
اتمنى ان تكون موجودة في الجزء القادم من اللعبة المفضلة لدي battlefield 3 و باقي الألعاب القوية .