صفحة 1 من 13 1 2 3 4 5 6 7 8 9 10 11 ... الأخيرةالأخيرة
النتائج 1 إلى 15 من 187

الموضوع: أقراص ال DVD وقدرتها على الإحتفاظ بالبيانات دون أن تتلف ...

  1. #1
    مخالف للقوانين
    تاريخ التسجيل
    Apr 2008
    المشاركات
    6,438
    معدل تقييم المستوى
    0

    أقراص ال DVD وقدرتها على الإحتفاظ بالبيانات دون أن تتلف ...

    السؤال الذى يدور فى رأس الكثير مننا حول قدره أقراص ال DVD على الإحتفاظ بالبيانات
    لفترات طويله من الزمن ( سنوات مثلا ) ... إنما هو سؤال هام قد يحدد ما إذا كان الفرد سيقوم
    بتخزين بياناته على اقراص ال DVD أو لا ....

    و الإجايه على السؤال : هل تستطيع الأقراص الصمود لسنوات ؟

    أقول :


    إنسى !


    :D

    يحدد كفاءة أسطوانات ال DVD الآتي :


    1- جودة النسخ الأولية
    2- ال Longevity
    3-ال Durability



    مشكلة الأسطوانات المضروبة من ال DVD :

    ممكن يتنسخوا كويس الأول

    وممكن يتحرقوا !

    وممكن يشتغلوا بعد نسخهم بشهر أو اتنين

    وممكن ميشتغلوش !

    وممكن يشتغلوا وتقدر تنسخ حاجاتك من عليهم

    وممكن متقدرش !

    وهناك احتمال أيضاً أن يبصق الناسخ الأسطوانة في وجه من يضعها


    كان هذا هو توقيعي على موقع CDFreaks الذي أدين له ولأعضاءه بالفضل بعد ربنا فيما أعرفه من معلومات عن أسطوانات ال DVD لدرجة معرفة 3 أنواع بالرائحة فقط :D:D

    ببساطة أسطوانة ال DVD مكونة من طبقات :

    طبقة عليا وطبقة سفلى وبينهما ال Dye وهو الجزء الكيميائي الذي يتم الكتابة عليه

    الأسطوانات الأصلية تتفاوت في جودتها في الطبقات الثلاث وفي جودة لصق الطبقات الثلاث معاً

    وأفضل نوعين في العالم TY اليابانية و MCC (السنغافورية في الأساس ثم التايوانية ثم الهندية والصينية مؤخراً حسب بلد المنشأ)

    النوع الأول تجده تحت اسم باناسونيك في مصر

    النوع الثاني تجده تحت اسم Verbatim في راديو شاك

    الأسطوانات المضروبة يتم تصنيعها من مكونات سيئة جداً لدرجة ان لصق الطبقات الثلاث معاً يكون في حالات كثيرة سيئاً جداً :eek:

    ولكن أهم جزء هو الجزء الكيميائي والذي دائماً ما يكون من أردأ الخامات وله خواص غريبة جداً :

    -عدم الثبات أثناء النسخ على السرعات العالية وأحياناً 8X بالنسبة له تكون عالية !

    -ال Degradation وهو سر من أسرار الكون ! اجتمعت عقول أقوى العلماء على الأرض لكي يصلوا إلى مكون كيميائي له هذه الخاصية الغريبة في ال Self Destruct ولكن للأسف فشلوا وتفوقت عليهم عقول ضاربي الأسطوانات ال DVD تحت السلم !

    وهذه الخاصية تعني ببساطة : نسخت الأسطوانة ..... جربتها ..... شغالة زي الفل ..... بعد أسبوع - 2 أو شهر - 2 .... _ستة أشهر للأنواع الأصلية السيئة) ...ثم تحاول تشغيلها مرة أخرى ............. بخ ! :mad:

    :D

    -جودة النسخ الأولية غالباً ما تكون سيئة وبها أخطاء من المستوى الأول الخطرة وهي ال PIF وهذا يعرف عن طريق ال Quality Scanning الذي لا يتاح للأسف سوى مع سواقات LiteOn وكل يومان اذا جربتها تجد الأخطاء تزيد !!

    -التحمل .................... تحمل مين والناس نايمين ! :D

    هي أصلاً جاية من تحت سلم الصين مش متحملة !


    و بعد هذا التفصيل و التوضيح لمدى ضعف معظم الأقراص المنتشره فى الأسواق , نجد ان سؤالا يطرح نفسه
    بقوه علينا :

    أى أنواع الأقراص أثق فى جودته و أُخزن عليه بياناتى شديده الأهميه دون أن أخشى تلفها ؟



    زمان كنت بشتري أنواع كتير للتجربة واللي ألاقيه كويس أشتري منه كمية ودلوقتي بستخدم نوعين فقط ..... أفضل أسطوانات لأني بحط عليهم أفلام HD وأعتقد اني ممكن أكون ثروة بالأفلام دي لو حصلت كارثة عالمية وفقد العالم تراثه السينمائي
    :D:D





    والصور دي من سنتين لما اشتريت كمية باناسونيك :















    أفضل أنواع أسطوانات ال DVD في العالم

    1-الأولى هي شركة Taiyo Yuden اليابانية وهي لا تصنع أسطوانات بإسمها بل تبيعها الى مصنعين آخرين ومنهم Panasonic وهي موجودة في مصر و Sony ولكنها انتهت تقريباً وأي ماركة تجدها Made In Japan

    Made In Japan DVD Media = Taiyo Yuden

    بدون نقاش

    2-الثانية التي تنافس Taiyo Yuden هي Mitsubishi Chemicals وهي التي تصدر تحت اسم Verbatim وهي اما أن تكون Made In Singapore وهذه أصبحت نادرة أو Made In Taiwan وهي الموجودة هنا وأيضاً الهند والصين مؤخراً في أسواق أوروبا تحت نفس اسم Verbatim

    نفس جودة النسخ تقريباً كدرجة أولى وأيضاً معدل ثبات وعدم تدهور الميديا والصمود أمام العوامل البيئية من حرارة وضوء وأشعة فوق بنفسجية

    3-شركة OPTODISC التايوانية أيضاً وكانت تصدر تحت اسم Samsung في مصر ولكن الآن للأسف كل السامسونج صيني وهو ليس مضروباً ولكن مصنع يصنع الميديا بأسماء UME أو AML حسب DVD-R أو DVD+R جودته نص نص

    4-شركة Sony وهي اما مصنوعة في اليابان وتكون تحمل ميديا سوني نفسها أو ميديا Taiyo Yuden وفي الحالتين الجودة ممتازة وهي ليست متاحة في مصر للأسف ولكني استطعت الحصول على 300 أسطوانة من أمريكا من مدة أو مصنوعة في تايوان بمصنع سوني أيضاً والموجود في مصر كله مضروب مادام مصنوع في هونج كونج أو الصين عموماً

    5-شركة CMC Magnetics وهي الأكثر انتشاراً في العالم وجودتها جيدة جداً مع ال 8X ومتوسطة الى جيدة مع ال 16X حسب توافق الرايتر معها وتصدر خصيصاً تحت اسم HP في مصر كما أن هذا المصنع نفسه هو الذي يصنع أفضل أنواع الأسطوانات التايوانية ل Mitsubishi Chemicals أو ما يعرف ب Verbatim ولكنه يصنعها بمواد Mitsubishi Chemicals مع تحكم كامل للجودة ل Mitsubishi Chemicals أيضاً

    6-شركة Daxon وهي التي تصدر تحت اسم Benq خصيصاً وجودتها جيدة ومستقرة أي لا تتدهور وسعرها رخيص جداً

    7-شركة في الإمارات بدأت تصنع الميديا لشركة TDK ولها نفس معايير TDK وموجودة في مصر أيضاً ولكن يجب أن تتأكد أن الأسطوانات مصنوعة في UAE

    8-شركة MBI الهندية وهي التي تصنع أسطوانات ال Verbatim Made In India وجودتها في هذه الحالة جيدة أو Imation Made In India وجودتها في هذه الحالة متذبذبة من ضعيفة الى جيدة حسب ال Batch

    رأيي الشخصي :

    إذا كنت تريد أسطوانات تحتفظ عليها بأشياء مهمة جداً فعليك بال Taiyo Yuden أو ال Verbatim

    أما أي شيء آخر فعليك بال Benq واشتري راحة بالك


    أفضل أنواع أسطوانات ال DVD في مصر وأسعارها

    أفضل حاجة أنصح بيها وحسب السعر الواحد يحدد يشتري ايه بس أرجوكم بلاش أي حاجة تانية :

    1-Panasonic Made In Japan : أفضل نوع في العالم على الإطلاق , موجودة في باب اللوق أول محل على الشمال بعد القهوة ال 25 ب 75 جنيه ......... ممكن يكون بطلها بس الأفضل حد يروح ويسأل

    2-Verbaim Made In Taiwan :أفضل نوع على الإطلاق برضو وموجود في Radio Shack ال 25 ب 67 جنيه

    3- TDK Made In UAE : كويسة جداً جداً بس مش عارف سعرها في باب اللوق لأنها في سوق العصر غالية

    4- BenQ Made In Malaysia : كويسة جداً ويعتمد عليها ورخيصة جداً متهيألي شفتها مرة ال 100 ب 70 جنيه في باب اللوق

    أي نوع تاني هيبقى احتمال 100 % انه يتدرج من crap الى super crap

    Quality Scanning

    والمقصود به تجربة الأسطوانات المنسوخة بطريقة علمية على نواسخ أقراص معينة

    تستطيع مسح الأخطاء من المستوى الأول : PIF والمستوى الثاني : PIE وال Jitter أي ثبات القرص أثناء اللف

    النواسخ الوحيدة التي تقوم بهذه المهمة بدقة يعتمد عليها هي LiteOn

    مثال على قرص ممتاز إلى أقصى درجة :



    مثال على قرص جيد جداً :



    مثال على قرص غير أصلي :



    نلاحظ أن القرص الأخير له نفس ال MID لأسطوانات Verbatim الموجودة قبله ولكنه مضروب وال MID يوضع فقط لتتوافق الأقراص مع النواسخ


  2. #2
    عضو ذهبي الصورة الرمزية محمد الجوهري
    تاريخ التسجيل
    Apr 2007
    المشاركات
    3,047
    الدولة: Saudi Arabia
    معدل تقييم المستوى
    115

    رد: هل تستطيع أقراص ال DVD الإحتفاظ بالبيانات لفترات طويله من الزمن دون أن تتلف ...

    مشكور يا أستاذ مينا

    بس يا ترى الأنواع العاديه ... ما مدى و قدره حفظها للبيانات

    يعنى ال Durability بتاعتها تٌقدر بفتره زمنيه مقدارها كام ؟

    يسعدنى أكون أول واحد يرد عليك :D
    [CENTER]
    [/CENTER]

  3. #3
    عضو برونزي
    تاريخ التسجيل
    Sep 2008
    المشاركات
    3,296
    معدل تقييم المستوى
    30

    رد: هل تستطيع أقراص ال DVD الإحتفاظ بالبيانات لفترات طويله من الزمن دون أن تتلف ...

    شكرا يا مستر جوهري علي النقل , فعلا المشاركات كانت محتاجة موضوع جديد

    بالنسبة لاسعار الاسطوانات دي ايه ؟
    [CENTER][COLOR=Blue][B][SIZE=4]سبحان الله وبحمده سبحان الله العظيم[/SIZE][/B][/COLOR]


    [SIZE=3][COLOR=Purple]ادعولي بالنجاح والتوفيق.[/COLOR][/SIZE]
    [/CENTER]

  4. #4
    عضو ذهبي
    تاريخ التسجيل
    Sep 2007
    المشاركات
    4,844
    الدولة: Syria
    معدل تقييم المستوى
    55

    رد: هل تستطيع أقراص ال DVD الإحتفاظ بالبيانات لفترات طويله من الزمن دون أن تتلف ...

    موضوع جميل سلمت يداك ولكن ياريت معلومات أكثر :D
    -جودة النسخ الأولية غالباً ما تكون سيئة وبها أخطاء من المستوى الأول الخطرة وهي ال PIF وهذا يعرف عن طريق ال Quality Scanning الذي لا يتاح للأسف سوى مع سواقات LiteOn وكل يومان اذا جربتها تجد الأخطاء تزيد !!
    ماذا تقصد بهذه الجملة؟ هل سواقات Lite on تستطيع كشف معدل الأخطاء الموجودة في الأقراص؟
    وعند النسخ هل تنصح ب استعمال أقصى سرعة ممكنة 8x مثلاً؟ أم يفضل النسخ على سرعة أقل حتى تعطي جودة أعلى في النسخ وعمر أطول؟
    [SIZE=3][COLOR=Red][CENTER]

    [/CENTER]
    [/COLOR][/SIZE]

  5. #5
    عضو فضي الصورة الرمزية bedotop
    تاريخ التسجيل
    Jul 2006
    المشاركات
    860
    الدولة: Egypt
    معدل تقييم المستوى
    18

    رد: هل تستطيع أقراص ال DVD الإحتفاظ بالبيانات لفترات طويله من الزمن دون أن تتلف ...

    مينا على فكره دى مكتبه التليفزيون دى ولا ايه .

    ثروه قوميه


    طيب انا dvd بتاعى كويس



    [SIGPIC]https://i975.photobucket.com/albums/ae240/bedotop/ok-23.jpg[/SIGPIC]

  6. #6
    عضو
    تاريخ التسجيل
    Jun 2009
    المشاركات
    62
    معدل تقييم المستوى
    16

    رد: هل تستطيع أقراص ال DVD الإحتفاظ بالبيانات لفترات طويله من الزمن دون أن تتلف ...

    Made in India ,وال MID

    MB01RG40

    هو ده شكل العلبة



  7. #7
    عضو برونزي الصورة الرمزية Planet Hemp
    تاريخ التسجيل
    Mar 2008
    المشاركات
    2,476
    معدل تقييم المستوى
    33

    رد: هل تستطيع أقراص ال DVD الإحتفاظ بالبيانات لفترات طويله من الزمن دون أن تتلف ...

    اقتباس المشاركة الأصلية كتبت بواسطة khalil@1 مشاهدة المشاركة
    موضوع جميل سلمت يداك ولكن ياريت معلومات أكثر :D


    ماذا تقصد بهذه الجملة؟ هل سواقات Lite on تستطيع كشف معدل الأخطاء الموجودة في الأقراص؟
    وعند النسخ هل تنصح ب استعمال أقصى سرعة ممكنة 8x مثلاً؟ أم يفضل النسخ على سرعة أقل حتى تعطي جودة أعلى في النسخ وعمر أطول؟
    هو مستر مينا كان يقصد ان سواقات الLite on اكتر سواقات يعتمد عليها كماسح وكاشف عن الاخطاء على الرغم من انك من الممكن اداء نفس الوظيفة بأى درايفر اخر لكن دائما وابدا نتائج الLite on اكثر اعتمادية
    كلما قلت السرعة اكيد جودة النسخ افضل لكن هذا الكلام فى حالة ما اذا كانت الميديا المصنع منها الاسطوانات نفسها جيدة والا مهما كانت سرعة النسخ بطيئة فالنتائج قد لا تكون مرضية او غير جيدة بالمرة
    وفى الاخر انتظر مستر مينا اكيد لدية معلومات افضل
    [COLOR=#000000]
    [/COLOR]

  8. #8
    عضو برونزي الصورة الرمزية Planet Hemp
    تاريخ التسجيل
    Mar 2008
    المشاركات
    2,476
    معدل تقييم المستوى
    33

    رد: هل تستطيع أقراص ال DVD الإحتفاظ بالبيانات لفترات طويله من الزمن دون أن تتلف ...

    اقتباس المشاركة الأصلية كتبت بواسطة bedotop مشاهدة المشاركة
    مينا على فكره دى مكتبه التليفزيون دى ولا ايه .

    ثروه قوميه


    طيب انا dvd بتاعى كويس

    الرايتر دة كنت امتلكة قبل الحالى الAD-7240
    اراه جيد ويقارب العملاق واخية الاكبر الAD-7200
    [COLOR=#000000]
    [/COLOR]

  9. #9
    عضو الصورة الرمزية MohamedFadel5
    تاريخ التسجيل
    Jul 2009
    المشاركات
    219
    الدولة: Egypt
    معدل تقييم المستوى
    15

    رد: هل تستطيع أقراص ال DVD الإحتفاظ بالبيانات لفترات طويله من الزمن دون أن تتلف ...

    موضوع أكثر من رائع
    بس سؤال طيب و الـ Imation؟؟
    كويسة و لا لأ؟؟ (من كمبيو مى)

  10. #10
    عضو ذهبي الصورة الرمزية Coolman4now
    تاريخ التسجيل
    May 2007
    المشاركات
    4,294
    الدولة: Egypt
    معدل تقييم المستوى
    89

    رد: هل تستطيع أقراص ال DVD الإحتفاظ بالبيانات لفترات طويله من الزمن دون أن تتلف ...

    - أنا كنت بفضل الأسطونات زيك يا مينا ، وكان اعتمادى عليهم كلى.

    - دلوقتى بقسم الحمل مابين الهاردات والأسطوانات.
    [CENTER][B][SIZE=2]You think that you're strong, but you're weak[/SIZE][/B]
    [/CENTER]

  11. #11
    عضوية جديدة
    تاريخ التسجيل
    Jan 2010
    المشاركات
    42
    معدل تقييم المستوى
    0

    رد: هل تستطيع أقراص ال DVD الإحتفاظ بالبيانات لفترات طويله من الزمن دون أن تتلف ...

    موضوع رائع جدا يا أستاذ مينا
    طبعا الواحد تعب من كتر ما جرب إسطوانات و مفيش فايده بصراحه الإسطوانه تبقا منسوخه كويس جدا و تجربها شغاله تمام و بعد فتره حتى من غير متتخربش تلاقيها بايظه .:mad:
    سؤالي لحضرتك النوعين دول موجودين فين و سعرهم كام لل 10 اسطوانات أو 50 اسطوانه أو 100

  12. #12
    عضو فضي الصورة الرمزية TEch Zone
    تاريخ التسجيل
    Jul 2009
    المشاركات
    2,439
    معدل تقييم المستوى
    35

    رد: هل تستطيع أقراص ال DVD الإحتفاظ بالبيانات لفترات طويله من الزمن دون أن تتلف ...

    شكرا يا استاذ مينا على الموضوع الممتاز بس كنت عايز اعرف سعر الاسطوانات Verbatim
    Playing Now: Dirt 3



  13. #13
    عضو الصورة الرمزية تامر المصرى
    تاريخ التسجيل
    Jan 2010
    المشاركات
    442
    الدولة: Egypt
    معدل تقييم المستوى
    16

    رد: هل تستطيع أقراص ال DVD الإحتفاظ بالبيانات لفترات طويله من الزمن دون أن تتلف ...

    هـوووبــا ا ا ا ا ا :ah34:
    انا كده ابتديت أقلق يا جدعان
    انا بنسخ اسطوانات DVD من قبل ما اتولد
    و دى صوره للخمس ماركات اللى بستعملهم

    عمر اقل اسطوانه 3 سنين
    واجدد اسطوانه سنه
    ومع ذلك شغالين زى الفل الحمدلله
    تفتكروا ده من أيــه ... :ah4:

  14. #14
    مخالف للقوانين
    تاريخ التسجيل
    Apr 2008
    المشاركات
    6,438
    معدل تقييم المستوى
    0

    رد: هل تستطيع أقراص ال DVD الإحتفاظ بالبيانات لفترات طويله من الزمن دون أن تتلف ...

    بحاول دلوقتي أدور على مشاركتين مهمين حول موضوع أسطوانات ال DVD ولما ألاقيهم هحطهم بإذن الله في أول مشاركة والمشاركتين فيهم رد على معظم الأسئلة

  15. #15
    عضو الصورة الرمزية تامر المصرى
    تاريخ التسجيل
    Jan 2010
    المشاركات
    442
    الدولة: Egypt
    معدل تقييم المستوى
    16

    رد: هل تستطيع أقراص ال DVD الإحتفاظ بالبيانات لفترات طويله من الزمن دون أن تتلف ...

    شكرا ع الاضافات يا استاذ مينا
    بالتوفيق

صفحة 1 من 13 1 2 3 4 5 6 7 8 9 10 11 ... الأخيرةالأخيرة

المواضيع المتشابهه

  1. مشاركات: 3
    آخر مشاركة: 21-03-2013, 19:21
  2. مشاركات: 2
    آخر مشاركة: 01-05-2010, 00:53
  3. ملخص سريع للتغييرات بامتحانات Cisco
    بواسطة frozenEyes في المنتدى الأرشيف
    مشاركات: 2
    آخر مشاركة: 26-06-2008, 02:17
  4. الاسميلاشن الخاص بامتحانات ال mcse
    بواسطة سيف الدين 2007 في المنتدى الأرشيف
    مشاركات: 1
    آخر مشاركة: 25-09-2007, 16:38
  5. سماعات المحمول وقدرتها..؟
    بواسطة أبوحديد في المنتدى الأرشيف
    مشاركات: 2
    آخر مشاركة: 27-02-2006, 11:19

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •