أقراص ال DVD وقدرتها على الإحتفاظ بالبيانات دون أن تتلف ...

[HD5870X2]

بمناسبة الحديث عن الطّرق الأكثر أماناً، فلقد سمعت منذ فترة عن افتتاح بنوك للمعلومات في سويسرا على ما أذكر، حيث يتمّ إيداع المعلومات في سيرفرات البنك الكائنة ضمن مبنى قادر على الصّمود في وجه انفجار نووي، و المبنى محفور داخل أحد الجّبال لزيادة الأمان..
لكن ذلك طبعاً بمقابل مادّيّ ليس بالقليل.
سأبحث عن رابط المقال و أضفه على الرّدّ..

:eek:

فكرة مذهلة معلومة مفيدة للغاية لم أسمع عنها من قبل ولكنها منطقية للغاية

[Hercules!]

حاليا انا عندى ريتر ASUS DVD-RW

lightScribe و لكن لما بطبع اسطوانة بلاقى ان لازم بيبقى فى ملف مبيشتغلش بعد الطباعة و بتطر احطة على حرق اسطوانة جديدة عند قيامى بعمل واحدة جديدة

و المشكلة دى كترت معايا

هل العيب فى الاسطوانات و لا العيب فى الدريفر نفسة

مع العلم ان الكمبيوتر شايف الDVD-RW و هى فى الاساس 18X سرعة طباعة -- يراها 16X
و دايما بطبع على سرعة 12X

من غير ما اعرف معلومة انك لازم تطبع على سرعة عالية او اقل لضمان جودة الطباعة مع الدريفرز الحديثة

و عندى اسطوانات مطبوعة من زمان من حوالى 4 سنين و لسة شغالة من الدريفر دة

مش عارف اية اللى حصلوا

يمكن زى ما بسمع ان عدسة الليزر بتعتم و الليزر بيبقى ضعيف بعد كدة؟؟؟؟؟؟؟؟

و منين نجيب الVerbaim Made In Taiwan

او

TDK Made In UAE
من سوق العصر و هل فى حاجة رخصت منهم .......

[wolfe55]

يا مينا عندى أستفسار هام لو سمحت
نظرآ لخبرتك الكبيرة والواسعة عايز رأيك
أنا جبت علبة أسطوانات DVD+R من نوع 50 أسطوانة TDK
بس لاقيت مكتوب عليها أنها مصنوعه فى هونج كونج مش ماليزيا
ديه تكون كويسة ولا أيه
وسعر العلبة 70 جنية

[ramy]

:eek:

فكرة مذهلة معلومة مفيدة للغاية لم أسمع عنها من قبل ولكنها منطقية للغاية

على رأي أهل الخليج:
"ناويلك على نيّة"?.. :D

تمّت إضافة رابط المقال و موقع الشّركة إلى المشاركة السّابقة.

[alayoubi]

مينا مساء الفل

نفسي أعرف انت بتلحق تستخدم كل رزم الاسطوانات الي يتشتريها امتى ؟! :D

انت بتاجر بأفلام البلو راي الي بتنزلها ولا ايه ؟

[HD5870X2]

يا مينا عندى أستفسار هام لو سمحت

نظرآ لخبرتك الكبيرة والواسعة عايز رأيك
أنا جبت علبة أسطوانات DVD+R من نوع 50 أسطوانة TDK
بس لاقيت مكتوب عليها أنها مصنوعه فى هونج كونج مش ماليزيا
ديه تكون كويسة ولا أيه
وسعر العلبة 70 جنية

Hong Kong DVD = Bad bad bad

ابعد عنها أحسن

و منين نجيب الVerbaim Made In Taiwan

راديو شاك في شارع الخليفة المأمون أمام سوق العصر ولم أجد أيضاً ولكن الرجل أخبرني على محل بجوار راديو شاك اسمه "أحبار اليوم" (أحبار وليس أخبار:D)

Verbatim 50 Disc spindles Made In Taiwan

مينا مساء الفل

نفسي أعرف انت بتلحق تستخدم كل رزم الاسطوانات الي يتشتريها امتى ؟! :D

انت بتاجر بأفلام البلو راي الي بتنزلها ولا ايه ؟

مساء الفل أيوبي باشا

انت مش مصدقني ليه ؟

صدقني : تعاطي مش اتجار :D:D

أي فيلم عندي حد عايزه يا اما بياخده على هارد أو بيجيبلي أسطوانة فاضية أنسخهوله

وكله : Free of charge

وبصراحة أنا بقالي فترة كبيرة جداً مش بنسخ أي حاجة علشان مفيش وقت لكن ده لا يمنع اني أشتري كميات من الأسطوانات عالية الجودة كل ما ألاقيها لحين الإحتياج إليها

مشفتنيش أيام زمان (من سنة أو سنتين) ..... كنت Media Hunter زي ما بيقولوا على CDFreaks

كنت بخلي أخويا في أمريكا أو أصحابي اللي في ولايات تانية يشترولي أسطوانات عليها عروض وتخفيضات ممتازة جداً وكنت بكلمهم من الإنترنت عن طريق برامج ال VOIP وبديهم ال Directions اللي يروحوا بيها المحلات عن طريق Google Earth :D

[M Z]

وبعد كل هذا لو ضاعت البيانات من الشخص فمن الأفضل إعدامه لأنه سيكون الأكثر "نحساً" على وجه الأرض :D

فكرتني بالفيلم بتاع Beyond a reasonable doubt
لما الواد كان حاطت الفيلم اللي هايثبت براءة صديقه وينقذه من الإعدام على نسختين بس
نسخه عنده في البيت ونسخه في لوكر في بنك ودمتم على كده :rolleyes:
واحده اتسرقت والتانيه والتانيه استنوه لما خرج من البنك وعملوا معاه الصح :ah8:

كنت عايز ساعتها اشوف مخرج الفيلم ده قدمي بأي طريقه وهاديله تلتميه سته وتمانين قفا على سهوه
قمت ساعتها فضلت اخبط في المخده علشان افش غليّ بأي طريقه .. خصوصا وإن الفيلم مش انتاج سنة 1943 يعني !
اصلي مابحبش الغباء في اي مجال من مجالات الحياه عموما

:D:D:D


اه صحيح نسيت اقولك تسلم إيدك على الموضوع
بتعجبني دماغك جدا فعلا في إنك تحاول توصل للحاجه اللي بتدور عليها وبتلاقيها فعلا ومش بتكسل او بتٌحبط
تسلم إيدك مره تانيه .. وحسبي الله ونعم الوكيل في عم سُمعه :D

[ramy]

مينا بعد كلامك عن الأفلام و النّسخ و و ..إلخ، سؤال يطرح نفسه:
كم خطّ إنترنت يوجد لديك؟..:confused:

[HD5870X2]

فكرتني بالفيلم بتاع Beyond a reasonable doubt
لما الواد كان حاطت الفيلم اللي هايثبت براءة صديقه وينقذه من الإعدام على نسختين بس
نسخه عنده في البيت ونسخه في لوكر في بنك ودمتم على كده :rolleyes:
واحده اتسرقت والتانيه والتانيه استنوه لما خرج من البنك وعملوا معاه الصح :ah8:

كنت عايز ساعتها اشوف مخرج الفيلم ده قدمي بأي طريقه وهاديله تلتميه سته وتمانين قفا على سهوه
قمت ساعتها فضلت اخبط في المخده علشان افش غليّ بأي طريقه .. خصوصا وإن الفيلم مش انتاج سنة 1943 يعني !
اصلي مابحبش الغباء في اي مجال من مجالات الحياه عموما

:D:D:D


اه صحيح نسيت اقولك تسلم إيدك على الموضوع
بتعجبني دماغك جدا فعلا في إنك تحاول توصل للحاجه اللي بتدور عليها وبتلاقيها فعلا ومش بتكسل او بتٌحبط
تسلم إيدك مره تانيه .. وحسبي الله ونعم الوكيل في عم سُمعه :D

يا عزيزي

هذه الأشياء تحدث ولكن الكثيرون لا يصدقونها !

تخيل لو سقطت على الشرير في الفيلم بلكونة (شرفة) فمات ..... أو مات في حادثة سيارة أو قطار فهل ستسامح المخرج ؟ بالطبع لا

المثال الذي ذكرته واقعي أكثر من اللازم ولهذا كرهته :D

مينا بعد كلامك عن الأفلام و النّسخ و و ..إلخ، سؤال يطرح نفسه:
كم خطّ إنترنت يوجد لديك؟..:confused:

خط واحد 2Mbps لدي منذ ثلاث سنوات وقبلها 1Mbps لمدة ثلاث سنوات أيضاً وقبلها 512Kbps

وأول ما بدأت كان عام 1999 بخط Dial Up كان اعلان الفيلم ال quicktime "حقير" الجودة الدقيقتين يستغرق نصف ساعة Buffering .... ربنا ما يعيدها أيام :mad: :D

[SeeNoEvil]

أولآ شكرآ يا مينا على الموضوع الأكثر من ممتاز ده

وعندى معلومات ممكن تفيد الأعضاء و أنتظر تعقيبك بخبراتك عليهم

أنا كنت النهارده فى بابا اللوق لاقيت نوع أسطوانات أسمه SKC مصنوع فى الصين لما أشتريته لاقيته مصنوع
من نفس الشركة التى تصنع Verbatimوهى Mitsubishi Chemical Corp ببرنامججى
DVD Identifier و DVD Info pro
و قمت بالنسخ عليها وتمام
و بصراحة أنا متردد جدآ فيها لأن سعرها 35 جنية ال50 أسطوانة فى حين أن Verbatim ال25 أسطوانة فوق ال60 جنية
فهل تكون أسطوانات SKC معقولة من حيث الجودة




و وجدت أسطوانات 8 جيجا من شركة Ritek Corp
و هى RIDATA DVD+R DL
العشرة منهم ب30 جنية يعنى الواحدة ب3 جية و الأسطوانة شكلها جيدة جدآ
أنا لم أجربها حتى الآن



فما رأيك فى هذا يا مينا
أنتظر خبراتك فى هذا الموضوع وشكرآ

لقيت الريداتا فين بالظبط لاني بجيبها الواحده ب4.5 وهي ممتازه جدا للxbox360 ضروري اسم المحل من فضلك ؟؟؟

[ahmedelsabbagh]

مميز جدا التقرير ده . الف شكر لك ..
ولك تقييم منى( معلش لسة مش قد المقام )

[wolfe55]

لقيت الريداتا فين بالظبط لاني بجيبها الواحده ب4.5 وهي ممتازه جدا للxbox360 ضروري اسم المحل من فضلك ؟؟؟

بصراحة هى فعلآ ممتازة جدآ نسخت أتنتين منهم ممتازين جدآ فعلآ و صنع فى تيوان
أنا أشتريتهم من بابا اللوق بس أسم المحل مش فاكرة بس حافظ مكانه
أنا إن شآء الله رايح بكره و هعرفلك أسمه بالظبط

[HD5870X2]

لقيت الريداتا فين بالظبط لاني بجيبها الواحده ب4.5 وهي ممتازه جدا للxbox360 ضروري اسم المحل من فضلك ؟؟؟

فعلاً RiDATA ذات ال RiTek MID ممتازة لل XBOX 360 ولكن ال 8X DVD-R منها ذو RiteKG05 MID كان لها خاصية غريبة : كانت تفسد بعد شهر - شهرين من النسخ وتضيع البيانات من عليها والإنترنت مليء بقصص رعب عنها :mad:

[Hercules!]

اسعار اسطوانات باب اللوق

[SeeNoEvil]

الله ينور عليك يامعلم ليك اجمد تقييم