السلام عليكم
لقد ترددت كثيرا فى كتابة هذا الموضوع الشائك و الذى ممكن أن يثير البعض من الأخوة فى هذا المنتدى المتميز و مستعينا بالله حيث انا لا اخاف فى الحق لومة لأم و كل ما اريد هو الأصلاح لما أراه خاطئا من بعض ما رأيت فى المنتدى
(أولا لازم نتفق على قاعدة : لا يوجد شىء ممتاز بالمطلق ولا شىء سىء بالمطلق كله له عيوب و مميزات لأنه لاشىء كامل و ذكاء الأختيار يكمن فى الرضا بالعيوب ( اى انها ليست عيوب خطيرة لهذه الدرجة بالنسبة لى ) والأستفادة القصوى من المميزات )
حدث فى الفترة الأخيرة من اختلاف فى الأراء من بعض الأعضاء و ذلك حول قطبى البطاقات الرسومية و حدث أيضا ( انقسام ) بين الأعضاء الى : فريق Ati و فريق nVidia و فريق اخر - وهو قليل العدد جدا ان لم يكن معدوما - محايد .
قد يقول البعض : و ماله دى حاجة مفيدة و أرد و أقول انها مفيدة فعلا و لكن بشروط للأسف الأغلبية تخطوها,الموضوع هو ظهور لوبى للفريقين أى جماعات من الأعضاء تضغط على ادارة المنتدى وبعض المشرفين ( للأسف ) المنتمين لأحد الفريقين و الدليل : حد يقدر دلوقت حالأ يطلع يقول أن : بطاقات Ati سيئة من وجهة نظرى ؟؟ تجد المنتمين للفريق الأحمر ردوا عليه بسرعة بالنفى القاطع و ربما العيب فى العضو صاحب الموضوع بقله خبرته وعدم معرفته بالحقائق وينسى الموضوع بعد 4 صفحات بالكتير ! نرجع لموضوعنا : ما يحدث الأن عندما يسأل شخص خبرته قليلة عن ماذا يختار يجد لوبى الفريقين كلا منهما يعلى من قدر المنتج المتعصب له و يحط من قدر الأخر و بدون ابراز عيوب المنتج الذى يفضله او مميزات المنتج الأخر و بالتالى و كنتيجة طبيعية يختار هذا الشخص المنتج صاحب الشعبية الأكثر و المميزات الأكثر ( بالعدد ) دون النظر اذا كان هذا الأختيار يتماشى مع متطلباته أو لا بل و ربما يدفع أكثر من مقدرته خوفا من المنتج الأخر الأقل شعبية و السبب : التعصب .
و فى الواقع لا يوجد متعصب حقيقى لشىء ما فالذى يتعصب يتعصب لنفسه و من أجل الدفاع عن أخياراته أمام الأخرين حتى لو كان يعلم فى قرارة نفسه أن المنافس أفضل و لكن خوفا على كبرياؤه و شخصيته القوية يظل على ماهو عليه و يظل يوهم نفسه و من حوله بأن اختيار كان وسيظل الأفضل للأبد.
حب المنتج لا يعنى أن تكره الأخر (هل لو بتحب المشمش تكره الخوخ ؟ ) فاءذا كنت تحبه توضح عيوبه ايضا عند سؤالك عنه لأنها أمانة .
رساله للمسؤلين عن المنتدى : بسكوتكم عن هذا الخطأ المهنى والفنى الفادح فانكم تخونون الأمانة التى أأتمنكم عليها أعضاء المنتدى عندما أشتركوا فيه و أيضا بسكوتكم عنه تشتركون فى هذا التضليل و تحيدون عن الحياد المطلوب والضرورى فى تنظيمكم للمنتدى و ليس الحياد كما تفعلون بسكوتكم و المراقبة من بعيد و التدخل بعد وقوع الكارثة فقط.أنتم بذلك تساهمون فى تداعى المنتدى و فقدان مصداقيته و ليس التنافس المطلوب يكون هكذا أبدا .
رسالة للوبى Ati و لوبى nVidia : أنتم معروفون بالأسم لدى الجميع و أحب أن اقول لكم : لقد فقدتم مصداقيتكم الى الأبد و لقد أصبح مشاهدتكم تتصارعون مشهدا مملا جدا فاتقوا الله فى أنفسكم و فكر جيدا : ماذا ستكسب من تعصبك هذا ؟ اثبات قوة الشخصية و استقلالها ؟ ابدا أنت لم تحدث جديدا فقط اتبعت من قبلك فأنت تابع تجرى وراء مايجرى وراءه اقرانك ليس لك شخصية و هذا يدل على تفاهتك ففكر من جديد و أعد حساباتك لأنك الخاسر الوحيد فى نهاية الأمر.
اتمنى أن تكون الرسالة وصلت و ارجوا من الجميع تفهم الأمر لأنه جد خطير .
شكرا.
ملحوظة : ترتيب الشركات أبجديا حتى لا أتهم بالتحيز.
لا اله الا الله
عندما كتبت هذا الموضوع كنت متوقع بعض الردود ولكن هناك ردود تدل على عدم قراءة الموضوع بشكل جيد (لفتراض حسن النوايا) من أصحاب الردود المحيرة و لأن الموضوع ممكن ينسى و يهمل زى غيره من المواضيع اللتى انتهت بدون حسم سأرد على كل واحد على حده لأيضاح اللبس و لعدم تسيس الموضوع و ازاله غبار المعركة. وسأضعه داخل الموضوع نفسه فى أول رد .
msshadow.man : ليست مشكلتى مع النقاش (لو كنت قراءت الموضوع جيدا ) ولكن المشكلة مع التعصب الأعمى لحد سيطرته على مجريات الأمور فى المنتدى (مش بيرشوا الأدارة ولا حاجة ) باعطاء معلومات مضلله للأعضاء الجدد و هى مبنية على أراءهم الشخصية فقط و أذا كان ذلك فى الغرب بنفس الطريقة فليذهبوا الى الجحيم , لا يمكن ان نقلد الغرب فى كل شىء تقليدا أعمى , المناقشات كانت مفيده فعلا حتى سيطر لوبى Ati على كل المناقشات و أصبحت أحادية الأتجاه و ذلك بسبب شراء معظم الأعضاء لكرت Ati بسبب تأخر الفيرمى و لم يعد هناك حرية حقيقية (قول رأيك بكل حرية بس خد بالك حتتقطع بعدها) و كلنا نعلم ما كان يفعله لوبى أن فيديا فى السابق . ايوة الموضوع كبير و مؤثر.
yazan soft: يا جماعة ياحلوين أنا لم اقل انى أمتلك دليلا على رشوه الأدارة أو فيلما لأبتزازهم كل ما قلته أن سكوتها على الوضع هكذا هو دليل مشاركتها فيه أى أن الشاهد عن الحق شيطان أخرس و أيضا بعض المنحازين (مبسوط كده يا عم مينا ؟) من المشرفين لأحد الفريقين و معظمنا يذكر ما حدث فى موضوع أخبار الفرمي القديم عندما قال أحد المشرفين مامعناه أن من سيشترى الفيرمى سيكون من فئران التجارب (لأنه بيسخن و الحركات دى + فيرمى 2 ) طبعا انا و لحد دلوقتى خايف أشترى و 50% من أسبابى الكلمة دى ده مش تحيز للAti ؟ ويكفى سكوتكم , اه يعنى ايه سكوتكم ؟ سكوتكم على تحكم المتعصبين فى المنتدى (متحكمين ازاى ؟) بأنهم بس اللى بيردوا و بدون تدخل الأدارة لتصحيح الموقف و ترك الباب مفتوحا للتضليل (على فكرة أنا قلت كل ده قبل كده بس كله هجم على الرد بدون قراءة جيدة أو ربما أنتوا تعودتوا على اللغة بتاعت حميدو من أشرف أعضاء المنتدى )
بالنسبة للمواضيع أذكر منها هل يوجد مشكلة فى ال 5770 ؟ هما اتنين أو أكتر و الراجل صاحب المشكلة معرفش ايه السبب أو الحل لحد دلوقت كل الى شافوا دخول كل من يمتلك الكارت وشكره فيه و فقط وده مثال على عدم تدخل الأدارة فى هذه المواضيع .
هقولها بالمختصر المفيد : لو عايزين نظام اللوبى ده يبقى لازم تتدخلوا عند ضعف اللوبى المضاد . وصلت ؟ و الا بتعرضوا سمعة المنتدى للأنحياز و بتضللوا الرأى العام (فى المنتدى هودونى فى داهيه )
أنا واحد من الناس أصبحت أؤمن بأن كروت Ati كاملة و عيبها الوحيد أنها رخيصة أكثر من الأزم و هوه ده اللى طمع الناس التانية فينا و بالنسبة للفيزكس فأنا لا أعرفه و ملوش لازمه نهائى (ده ضحك على الناس من نفديا ) و ملوش لعب كتير !!! ولما خرجت من المنتدى (العربى الوحيد اللى مننا اللى المفروض أول واحد أثق فيه ) اكتشفت أنى قد أكون مخطئا و أن فيه عيوب كتييير تانية وده أكيد بس للأسف معرفتهاش من هنا . بس . الأسباب : المتعصبين ل Ati و الأدارة الساكته عليهم .
HD5870X2 : (أقرءا الرد على الغرب فوق شويه + الرد على الأدارة ) + لوبى أنفيدي اختفى بسبب تأخر الفرميى + مواضيعك للتحذير منه ) و على فكرة فى نهاية الأمر أختفاؤه مش فى مصلحتك (انت كانسان مش كقائد لوبى Ati !
mustafa811 : أنا مش فاهم يعنى حضرتك (مكسل - مستحقر) ترد ؟ وفيها ايه لما ترد ؟ أنا هاخد منك فلوس مثلا لو رديت ؟ و أبوس ايد و حيات عنيك و عفايتك تقولى : ايه الحق المراد به باطل ؟ و أنا ايه مصلحتى فى كده ؟
S@M : ( الرد على الأدارة فوق ) + انها لا تتدخل الا بعد وقوع الكارثة مش بتمنعها من الأساس + أنا قلت أن الحب لا يجعلك تقطع الأخر (يعنى وعلى بلاطة مينا بحب Ati بس ؟ وممكن يقول مميزات أن فيديا وعيوب ا تى أى فى يوم من الأيام ؟) + مش فرض رأى بقدر ما هو تضليل لقليلى الخبرة الذين أتمنوا أموالهم (ايوه امولهم ) و طلبوا نصيحة أعضاء المنتدى دون تمييز . وده حرام .
Coolman4now: أنا لست مع أى لوبى وأكره العصبية و المتعصبين و ايه دليلك على كده ؟
+ (الرد على الأدارة ) + قولتلى ليـــــــه ؟ ليه ساكتين ؟ الواقع أن نظام اللوبى (كتل من أعضاء المنتدى تتصارع ) نظام مربح نعم مربح ناس اكتر يشتركوا كل من يمتلك بطاقة يدخل للدفاع عنها نسبة الأعضاء والزوار تزيد و بالطبع و هو الأهم نسبة الأعلانات تزيد ) كل ما قلته لا أملك دليل على صحته (ياترى ايه ممكن يكون الدليل ؟؟ ) بس هيا نظرية مقبولة منطقيا ولا ايه ؟ و مستعد الأقتناع بغيرها فى حالة وجود أدلة على نفيها .
لا يوجد ضغط على الأعضاء و انما تضليل . و لا اتحدث عن الألفاظ وأنما سوء التصرف منكم .
وأبوس ايدك انت رأخر : بشعل النار الزاى و أنا بنتقد كل الناس دون تمييز أى فئة و هدفى هو الوعى و قديمة قوى حتة اشعال النار هوا أنا هستفيد ايه بذمتك ؟؟؟؟
Amarantine: نفس الكلام فوق .
بالنسة لعلاقتكم القوية ببعض : ده مش الموضوع المثار أصلا ولو سمحتوا أقراءوووووووا
bob_bob : ايه علاقة ده بالموضوع أصلا ؟؟؟؟ ولو كان حصلك انك حرقت الكارت (لما النور قطع ) مفيش شركة فى الكون هتداخده منك .
M7mD : هوا دليل على نظرية الأعلانات .
المفضلات