بسم الله الرحمن الرحيم
إزيكم ياشباب أنا من زمان وأنا نفسى أقولكم انى انتقلت من القلعه الخضراء الى القلعه الحمراء لكن الظاهر ان القلعه الخضراء مش عايزه تسيبنى
ماحدش بصراحه لحد الآن قادر يقنعنى ب amd ولكنى من المراجعات الاجنبيه ومراجعات المنتدى واحتكار nvidia اقتنعت تماما ب ati بس هو فى الاول والآخر نصيب و Nvidia شركه عريقه ولها احترامها
نظرا لقلة الفلوس وانى طمعان اجيب شاشه 22 او 23 فى المستقبل ان شاء الله فده خلانى اجيب كارت مستعمل وأول ماقالى محمود(محدود الدخل) ان عنده الكارت ده ماترددتش فى شرائه خصوصا انه يقال انه يعادل ال 5750 وقد يتفوق عليه وبكده ماطلعتش من القلعه الخضراء
مكتوب على الكرتونه ان أقل مزود طاقه مطلوب 450 وات بخط 12 فولت 24 أمبير وانا الحمد لله كنت جايبه برضه من محمود من شهر ونوعه Hec وبيعطى 30 أمبير للخط 12
وكنت عامله مراجعه عتلاقوها فى توقيعى
ده صورة الكارت اول ماجه وتغليف عم محمود اللى مالهوش حل واللى عايز أشكره جداا لصدقه وحاجته اللى ماتقدرش تقارنها بالجديده
من ضمن الحاجات اللى خلتنى آخد الكارت انه من صناعة XFX وده شركه محترمه جدا فى صناعة ال PCB والتبريد بتاعها حلو أوى أسيبكم مع الصور
الكارت معاه كونفرتر الباور بس لانه مش محتاج كونفرترات تانيه لانه يحتوى على Agp DVi HDMI
ده حاجه ظريف جدا من XFX علشان تعلقها على الباب زى مافى الصوره بس ده أكيد مش ظريفه للوالدين لانها هتستفزهم جدااااااااا:D:D:D
المروحه ماشاء الله كبيره جداااااااا مقاسها 92mm وتتكون من 11 ريشه
بكده تبأه انتهت صور الكارت وندخل على البنش مارك وبالمناسبه أصعب قطعة هاردوير تعملها مراجعه هى كارت الشاشه وخصوصا كمان لو هتجنن فى ودانك:D وتعملها كسر سرعه زي ماكل اعضاء عرب هاردوير بيعملم الغرض من الكلام ده انى اشكر كل الناس اللى بتعمل مراجعات لكروت الشاشه وربنا يهدى كل الناس اللى عماله تسرق المواضيع:ah32:
المفضلات