شكرا ليكم جدا
و اتمنى ان يكون الجهاز عجب الناس كلها
و احب اقول رايى الشخصى فى الجهاز

فى الاول مكنتش حابب اللون الابيض و مقتنع جدا باللون الاسود و ده راجع لسبب قديم

ان الكمبيوتر البى سى اللى عندى لونه ابيض و مع مرور الوقت اصفر و انا خايف على اللاب انو يصفر زيو و بعد كده هيبقى شكلو وحش


تانى حاجه اللى مخلينى مقتنع اكتر ان اللاب HP DV6-1390 لونو اسود و من نفس الفئه و يوم ما يزيد سعره عن ده هيبقى بالكتير 100 او 200 جنيه عشان بس 400 ميجا هرتز فى المعالج

بس انا لما كنت بجيب اللاب ده صحابى شافوه و شهدو ان لونو حلو جدا
و علفكره هو مش ابيض ناصع البياض
هو زى ما تقولو كده سكرى تقريبا

زى بالظبط لون القمر
حتى تقريبا اسم اللون Moon light
بالنسبه للويب كام
كنت متوقع ان هيكون اداءها عالى اكتر من اداءها ده لكن مش بفارق كبير
بس الكاميرا ماشاء الله اداءها كويس

اللى عاجبنى فيه اوى السماعات
صوتها ما شاء الله روعه
و يمكن احسن من اللى اللى سمعت صوتها فى لابات تانيه كتير منهم ال HP G62

بالنسبه للمفاتيح اللى تعمل باللمس فحساسيتها عاليه جدا و الماوس باد دقتها عاليه جدا بردو
و لونها المعدنى اللى شبه المرايه ده فى راىى شيك جدا مع اللاب

طبعا ليها زرار بيوقف عملها و يشغلها و ده جمب اللمبه اللى موجوده فوقها فى الصوره فوق طبعا لون اللمبه بيتغير للبرتقالى و هى مش شغاله


و انا شايف ان من عيوبه
ان اللون ده بيبان عليه اوى البصمات
و ده بيشوه شكلو

من عيوب الزراير كمان انها لونها ابيض و ده بيبين اى نقطه غبار تنزل عليها
و بالتالى يومين او تلاته و هتلاقى اللاب شكله مشوه جدا و محتاج تنضيف

و كان الحل انى اشتريت طبقه كده عامله زى الجيلى بتلصق ع الكيبورد
و الطبقه دى شفافه بلون ابيض
بس عمليه جدا
بتلزق من نفسها على كل زرار على حدا
بتحدد الزراير و متحسش خالص انها ملزوقه ببعضها
و اهى نضافه




نيجى بقى للبصمه

كنت فى الاول شايف ان موضوع البصمه ده موجود او مش موجود مش هيفرق كتير
لكن لقيتو مهم لما عرفت انك ممكن تعمل اكونتاتك ع النت بيها
يعنى مثلا باسورد المنتدى او الفيس بوك او حتى لوحه تحكم موقعك الشخصى و دى حاجه حلوه جدا
يعنى البصمه مش بس خاصه بالجهاز

و ده مش معناه انك لو عملت الاكونت بالبصمه انك مش هتعرف تدخل عليه من غير جهاز فيه السكانر بتاع البصمه
لا
انت ممكن تدخل بالباسورد
بس و لنفترض انك نسيت الباسورد
الدنيا مش هتطير
صابعك معاك فى كل حته
الا اذا كنت ناوى تقطعو :D

و فى الحاله دى
انت ممكن تاخد بصمه اكتر من صابه للاكونت الواحد
متقلقش
ملكش حجه من الاخر
هههههههههههههههههههههههههههههههههههههه


الجهاز فيه 3 فتحات صوت بمقاس 3.5
اتنين خرج صوت للهيد فون
و واحده ميكروفون
و طبعا فيه الفتحه الاساسيه و مهمه عند ناس كتير HDMI



اداء الجهاز حلو جدا و حرارته اللى اعتقد انها كده عاليه مش بتاثر على جسمه
يعنى تاثير الحراره العالى مش بحسه اوى على الكيبورد ولا على جسم الجهاز لما بلمسه


اكتشفت ان قارئ كروت الميمورى فيه اسرع بمرااااااااااحل من الريدر اليو اس بى اللى احنا نعرفو

ال DVD اللى فى الجهاز ما شاء الله اداءه تمام و طبعا هو اكيد Light Scrip عشان شركه اتش بى هى اساسا اللى مخترعه الموضوع ده


من الحاجات اللى مش عاجبانى الريموت فى الاول كان بيطلع بصعوبه
بس مع الوقت بقى سهل جدا و مرن


انا كنت قرات ان اللاب فيه TV Tuner بس الحقيقه لسه معرفش فى الموضوع ده ولا اعرف وجودو من عدمه

طبعا باين ادامكو ان كارت الشاشه 2287 ميجا

دا عشان الوندوز 32 بت
انما الكارت على وندوز 64 بت بيبقى 3 جيجا
او بالاحرى 2800 و شويه
انا مش عارف كام بالظبط

و لو راماتك 8 جيجا الكارت هيزيد معاك تقريبا ل 5 او 4 مش فاكر بالظبط

بس دى حاجه كويسه اوى

و بالنسبه للجرافيك الحى
لو عاوزين تشوفو اللعب على كارت الشاشه فعلا
ادخلو ع اليوتيوب و اكتبو فى البحث

او
دوس ع اللنك ده
و هتشوفو فعلا اداء الكارت ع الحقيقه
 ATI 4650 1G
ما شاء الله اداء جميل جدا
و ده فيديو لواحد بيلعب على جهاز فيه كارت الشاشه ده

طبعا اللاب بيجى بوندوز 7 هوم بريميم 64 اصلى
و تكت السيريال مكتوب تحت

لكن انا سطبت وندوز 7 التيميت 32 بت
عشان طبعا الالعاب اللى بتعتمد على سيت اب فى الريجسترى فى الاول زى البرو مش بتشتغل فى ال 64 لاختلاف الريجسترى

و الهارد بيبقى متقسم 3 برتشنات
الاول للبايوس و تقريبا حجمو 100 ميجا
التانى للوندوز و الداتا و كلو
و التالت للريكفرى و بيبقى حجمو 13 جيجا تقريبا


البطاريه 6 خلايا تقريبا بتعد فتره تشغيل حوالى من ساعه و 50 دقيقه الى ساعتين و ربع حسب نوع الشغل عليه مع فتح البلوتوث و الوير ليس و اضاءه الشاشه عاليه اكتر من النص


صوت الجهاز لا يكاد يكون مسموع
و انا بكتب اهو الساعه 4.34 صباحا و الفجر لسه بيادن اهو
مش سامع غير صوت ايدى ع الكيبورد


سعر اللاب ساعت الشراء من حوالى اسبوعين تقريبا كان 4850 جنيه مصرى
من شركه سكاى توب المنصوره
طبعا بعيدا عن مساله الضمان و هل هو وحش او حلو
مبدئيا
الراجل ده الوحيد اللى شوفتو فى شركات المنصوره لما برجع له حاجه ضمان مش بياخد مصاريف شحن و ده طبعا مش بيعملو معايا بس عشان يعرفنى
لا مع كل الناس


ثانيا الناس اللى هناك يعتبرو صحابى و الحمد لله انا مرتاح انى لقيتو عندهم و ختو منهم
حتى لو طلع اغلى من السوق بس الواحد مطمن معاهم
اكيد طبعا الموضوع ممكن مع اى شركه يبقى حقى و حقك
بس فى فرق مع وجود الاطمئنان
و الراجل هناك ماشاء الله كان عاجبو اوى اداء الجهاز


انا بعتذر عن قله جوده التصوير
بس هى دى قدره الكاميرا اللى عندى
كاميرا موبايل Nokia N73
هى اه 3.2 ميجا بيكسل و دى كويسه
بس قدرتها على الرؤيه فى الاماكن المظلمه مش حلوه
و بالنسبالها اضائه البيت اماكن مظلمه :D



فى الاخر
انا بنصح اللى عاوز يجيب جهاز فى ميزانيه 5000 جنيه مصرى بالجهاز ده
كاداء و كا جرافيك كارد مقابل سعر

يارب يكون الريفيو عجبكم
و مستنى اراءكم