فقط, و حصرياً, و لأول مرة: فيديــو النظـرة الأولى على مشتت Zalman CNPS10X Performa

[HuLkY]

الله ينور يا جوهرى ,

الفصحى انا حسيت انى فى درس عربى قوى جدا , ما أحلى الفصحى لكن شطارتك فى انك تستعمل اللغة بمرونة , لكن ممتاز

العامية حدث ولا حرج , عامية مقفين , ممتازة

الانجليزية ! مش حعلق , استااااااااذ! :D

ممتاز يا محمد بك , مفيش اى كلمة أقدر أوفيك حقك بيها , يكفى مجهوك وتعبك

صحيح , الفيديوهات مش HD1080P ليه؟!

[Bloody Wolf]

ما شاء الله تبارك الله

اللغه جميله و الصوره روعه

و الاداء فوق الوصف

بارك الله فيك

المشتت هذا قتل بحثا لكنه يستحق

[tarekforall]

ماشاء الله عليك أخي محمد ، الفيديوهات روعة وتستحق المشاهدة بالفعل :ah7:

[mahdi611]

بسم الله ما شاء الله مجهود اكثر من رائع
عارف يا استاذ محمد ايه اكتر حاجه باسطاني في الموضوع ده؟ انه يعتبر اول موضوع علمي يختص بالكومبيوتر على مستوى الوطن العربي وان شاء الله تكون بدايه لتقدم ورقي العالم العربي على مستوى اليوتيوب وهو المستوى العالمي

بارك الله فيك وجعله في ميزان حسناتك :ah39:

[المحب لدين الله]

بسم الله ما شاء الله اخي

ابداع وفكرة رائعه

جزاك الله الف

[محمد الجوهري]

@ Torrentleech

إزيك يا حودة ... الغالي اللي على اسم الغالي:D

ان شاء الله قريبا مفاجأة كمان

@ bika08

أحمد بك ... أو بيكــا مش مشكلة :D

الله يبارك في عمرك, شكرا على مرورك, و الحمد لله ان كلنا فرحانين

@ mramzy

عمي و عم العيال
مش كتير عليك يا ريّس, و فعلا لو كنت في القاهرة ما كناش سبنا قطعة واحدة الا و عملنا عليها مراجعات, بس أرجع و
أقول البركة فيكم برضو, أنتم الأساتذة.

@ vmidov

السعر غير قابل للتفاوض أخي, منوّر يا محمد.

@ أحمد الصبّاغ

منوّر يا أبو حميد
مشكلتي إني بحب آخد معظم الأمور بجدية, خصوصا لو هأقف أدام الكاميرا.
و بعدين مانا كنت ببتسم يا عمنا, و قلت لكم كل سنة و انتم طيبين :D:D

@ elite gamer

بقى كده بتسرب الخبر على وسائل الإعلام :D :D
lما يهمكش يا ريّس, شرفت الموضوع

@ المديـــــــر

جيت في وقتك و الله, أنا حالياً عاطل, و مش طمعان أكون سفير, أنا مش طمّاع يا حمام ...
خليهم يعينوني قنصـــــل, لو حتى في سفارة كوالالامبو :D
نورت يا مدير

@ الأيوبي

حبيب قلبي

سلام صعيدي شحط محط مربع لعمك الأيوبي يا إبني, و نزل مشاريب للناس دي على حسابي :D:D

منوّر يا مستر أيوبي, و ان شاء الله المرة الجاية هأحاول أظبط اللكنة أحسن من كده, دي مشكلة جيل كامل يا أخي

@ وائل

شكراً يا مان, منتظرين مراجعتك الجديدة


@ The Dark Side

هلا سعيد بك ...

فكرتك عبقرية, و مش عارف إزاي ما جاتش في بالي.
إن شاء الله المرة الجاية أطبقها.

@ خيــــــر

هلا يا ريّس, هلا و غلا
و الله انت اللي حلو, و سيبك من سمعة و التقييمات. ردك لوحده شرف كبير

@ محمد أبو حجلة
:D
خلص بصبصة براحتك ... و نحن في الإنتظار

@ جمعـــــــة

منوّر يا ريّس

بالنسبة للغة العربية أتفق معك تماما, أنا فعلا مش كويس في العربية, ولا الإنجليزية حتي.

بس السبب مش مني و الله, السبب من النظام الفاشل اللي اتعلمنا فيه, خليني أسألك سؤال و جاوب:

هل عمرك أو عمري أنا إتكلمنا عربية فصحى غير في درس القراءة ؟!

أقول: اننا عمرنا ما مارسنا الكلام بالفصحى, لا في حياتنا العملية ولا في حياتنا المدرسية. مما كان له عظيم الأثر
في موت قواعد اللغة في عقولنا, و تشكيل صعوبة بالغة في توجيه ألسنتنا لنطقها بشكل سليم.

و الموضوع ده: مخليني زعـــــــلان جداً.

@ هيمــا event88

حد يوقف للراجل ده تاكسي يا جماعة, بدال ماهو عمال يدخل موضوعات غلط كده :D :D :D
منوّر يا هيمـــا

@ رامي جورج

محترف مين بس يا عم رامــي
د أنا غلبــــــــــــان :D:D

منوّر يا ريّس

@ Gainward

تسلم أخي عمّر على المرور العطر.

وفقنا الله و إياك, و كل عام و أنتم بخير


@ إبراهيم

كيف احوالك يا هيما, و أخبار الدراسة معك ؟
الحمد لله ان اللكنة المصري عجبتك
شكرا على مرورك


@ Extreme2

نــــواف باشـــا

منوّر الدنيا كلها يا أخي

مرورك في موضوعي و تقييمك شرف كبير ليا أخي العزيز.

بالنسبة لما تفضلت بذكره, أنا إستندت هنا الي الكتيب المرفق مع المشتت و كان كلامهم كالتالي, تأكيدا على كلامك:

1. مقبس 1366, و مقبس 1156

تركيب شريط لاصق ذو وجهين فقط كما ذكرت دون تركيب القطعة البلاستيكية.

2. مقبس 775 من إنتل

تركيب القطعة البلاستيكية + تركيب شريط لاصق ذو وجهين فوقها.

3. معالجات AMD

تركيب القطعة البلاستيكية + تركيب شريط لاصق ذو وجهين فوقها.

كما ذكرت بالضبط, بارك الله فيك.


@ sniper2000

سامــح باشا المديـــر

منوّر يا باش مهندس الموضوع و القسم كله

مانا قلت لك: CNN يا بلاش .. قناة غيرها ما تنفعناش :D:D


@ mohammedpchell

أهلا و مرحبا بك أخي العزيز محمد

كل تعليقاتك و إنتقاداتك محل ترحاب دائما أخي دون زعل

بالفعل سقطت مني بعض الأشياء في كل المقاطع تقريباً, و بخصوص المخدات كان الأولى أن أسميها: شرائط عازلة
للإهتزازات مثلاً ... و سرنجة هي بالفعل كلمة أجنبية و لكني لم يات على بالي كلمة محقن ( أول مرة أسمع بيها)

شكراً لك على التعليق, و من قال ان النقد البنّاء يمكن تسميته "تعنت"

بخصوص المقطع بالإنجليزية فالهدف منه كان جذب الأجانب الى عرب هاردوير. فكما ترى سلمك الله كتبت إسم الموقع
في أول المقطع و في آخره + دعوتهم للزيارة في آخر المقطع.

و فكرت الترجمة عبقرية جدا, رغم انها متعبة, و لكني ربما أطبقها فيما بعد.

شكرا لتعقيبك أخي محمد, كل عام أنتم بخير.


@ Hesha2015

معك حق أخي هشام فيما ذكرت, ياريت كل واحد يعمل مراجعة لحاجته.
و لكن المشكلة تكمن في أن عمل المراجعات أمر ليس هيّن كما تتخيل.

[محمد الجوهري]

@ Goldsmith

هلا بالغالي

أخبارك يا ريّس

س سؤال: مين 3DGoharyMan اللى انتو بتتكلمو عنه ده ؟

ما تشكرش الكاميرا مان, لأنه ما كانش حد معايا, انا كنت بصوّر نفسي.
ماعدا مقطع المصرية العامية الأول, فكانت أختي هي التي صورتني Camera Girl :D:D

حلوة حته ال Color Theme بتاعة القميص و الحيطة دي :D آل كلر ثيم آل :D:D

فعلا كان فيه جرار غبي معدي من تحت البيت, بلاش أتكلم أصل تعيطو لما أحكيلكم على المعاناة
يكفي أقول لكم ان بعض المشاهد عدتها أكثر من 8 مرات بسبب:

تليفون يرن, الباب يخبط, حد من البيت ينسي و ينادي عليا, جرار زراعي, توكتوك ...

شكراً على مرورك ساهــر بك


@ mi99doo

مشكور أخي ميدو على المرور و الرد
بارك الله فيك, و وفقنا جميعا الى ما يحب و يرضى




@ Bionicman

ولد عمي الغالي

إفرشو الموضوع ورد يا جماعة, إبن عمي نوّر المكان

هو جدو جوجو السابع عشر تُوفى ؟ إنت بتهزر ولا بتتكلم جد؟ الراجل لسة في عز شبابة:D:D

انت اللي شرفني ردك و مرورك يا ولد العم, كل سنة و انت طيب, و الجوهرية كلهم طيبين


@ D3Vi0US

ازيك يا أحمد بيه ؟

إيه حصة المصطلحات اللي إحنا قاعدين فيها دي :D

للأسف صعب جدا, لأني لا أملك كاميرا ولا إتصال نت سريع و دول أهم حاجتين

شكرا على مرورك


@ mohmet

إيه ده ؟ هما الإسكندرانية إحتلو الموضوع ولا ايه ؟ :D

تسلم يا ريّس, و انت اللي جميل و الله :D


@ Khalil@1

مشرفنا الغالي ... هلا هلا

أشكرك على مرورك الكريم, بالفعل الفيديو بالعربية به كثير من التكلف في النطق, ولا أنكر عليك
السبب في ذلك هو أنني كنت خائف و أنا أتحدث من وجود أر أخطاء لغوية ( و هو ما كان موجود بكثرة)
و أحمد الله إنها جات كده ( بالنسبة لأول تجربة يعني :o )


@ HulKy

مش بقول لكم: الإسكندرانية إحتلوا الموقع :D


معاك حق بخصوص الفصحى, أنا كنت قاعد متنشن شويتين. بس راجع ردي فوق و انت تعرف سبب
ضعفنا في الفصحى. انت فاهمني بقى

يعني ايه عامية مقفين صحيح ؟ :D:D


الإنجليزية: انت اللي استاذ يا أستاذ

كنت عاوز الفيديوهات 1080p ... روح, روح, روح و الله يسامحك :D

على فكرة كان بغمكاني تأمين كاميرا تسجل بدقة 1080p و لكن المشكلة انها مش موجودة في بلدي
و كنت هأحتاج أسافر و أنا بجيبها و أنا برجعها لصاحبها.

و طبعا لو كنت عملته 1080p كنت هتشرفني في البيت تتفرج عليه, لأن رفعه على النت شبة مستحيل :mad:

إن شاء الله كمان 7 سنين لو عشت هأعمل لك فيديوهات 1080p :D:D

@ Bloddy Wolf

يا ستير يا رب

إيه الإسم الدموي ده :D:D

شرفت و نورت الموضوع أخي الكريم, اخجلتم تواضعنا


@ دكتور طارق

نورتنا مشرفنا العزيز ... كل عام و أنتم بخير


@mahdi 611

بلاش أستاذ دي يا عم مهدي الله يكرمك

أشكرك على المرور و الإطراء الذي لا أستحقه. و ان شاء الله يكونا لموضوع فتحة خير لموضوعات أحلى.

@ المحب لدين الله

أحبك الذي أحببت دينه

مشكور على المرور, جزاكم الله خيرا, كل عام أنتم بخير

مشكورين جميعا على المرور و الردود الكريمة.

أي تعليقات على الفيديوهات مرحب بها.



+



للرفــــــــــــع :D:D

[MOHAMED HIGHEND]

مجهود ممتاز تشكر عليه يا جوجو وكل مراجعه وانتا طيب :D:D
للرفع والتزكير :p:p

[daruis]

مجهود رائع ومتعوب عليه وخاصة انها كثر من اللغة وبصراحة اعتقد ان فيديو كان يجب ان يكون بالانجليزي فقط لان اجزاء الحاسوب كلها بالانجليزي وما ينفع بالعربي لان رح تحكي مواصفات القطع بالانجليزي وياريت يكون HD عشان احلى وسوف تزيد المشاهدات

[TorrentLeech]

فى انتظار المفاجأة :ah51:

[-M7mD]

رائع أخي محمد أستمر ...

ابن عمي الغالي بقي علي اليوتيوب :eek: فينك يا جدو جوجو تيجي تشوف احفادك عاملين ايه في القرن الــ21 :D

هههههههههه :D:D

[Hardware Geek]

جوهري حبيب هارتي .. :p
ألف ألف مبرووووك يا كبير علي المشتت ,, تتهني به يا رب و ربنا يبارك لك فيه ..

ما شاءالله الفيديوهات ممتازة للغاية :ah7: ,, أداء و صوت وصورة 100% ,,

الجرار الزراعي ده فعلآ خنيق أوي ,, ظهر مش في وقته ,,
بس لا يمنع ذلك من جمال الفيديو و أداء المذيع الهمام

جزاك الله كل خير علي الفيديوهات دي ..

ملاحظة ; ما رأيك في أكمال موضوع المشتت بتصوير الجزء الخاص بتركيبه علي المازربوورد نفسها ؟
أعلم انك شرحت التركيب بعد فتح علبة المشتت ,, بس عمليا هتكون ممتازة جدا + هتبقي حصرية كأول فيديو Live لتركيب مشتت ..

[محمد الجوهري]

@ مديـــــر شركة High End

متشكر يا رئيس مجلس الإدارة على المرور الطيب

@ Daruis

شكرا على المرور أخي الكري, بارك الله فيك.
بل يجب عمل فيديوهات بلغتنا الجميلة حتى يستفيد منها من لا يعرفون الإنجليزية.

@ محمـــــود

أصبر على رزقك يا جودة.

@ محمد

مشكور على المرور, أخبار الدراسة ايه ؟
كل سنة و انت طيب.

@ دكتور أيمن

هلا دكتورنا الغالي, ان شاء الله تكون بخير.
عاوز طريقة التركيب فيديون ؟ :D :D
لازم تحرقو لنا المفاجأة يعني :D :D :D

أبشر يا سيدي ...

الطريقة متصورة فيديو, طريقة تركيب المشتت على لوحات إنتل بالفيديو التفصيلي الممل, و مدته 20 دقيقة.
و كمان طريقة التركيب فيديو على لوحات AMD بطريقتين, و مدته تقريبا 20 دقيقة.

لكن في الفيديو التاني حصلت حادثة
الكاميرا وقعت على المشتت و تسببت في كارثة خفيفة ... و ...... ولا أقول لك خليها في الفيديو أحسن.

معلومة كمان: الشرح تم تجهيزه مع الفيديوهات التي تم رفعها, و لكني لم أرفعه خوفا من تسريبه, حكم أنا عارف الشباب :D

على فكرة: كنت ناوي أبعت لحضرتك رسالة فيها تفاصيل الخطة المتينة و ما تم فيها, بس أظبط الأمور الأول.

كل التحية

[Maged-Z]

أستاذ / محمد

قليلون جدا الأشخاص الذين يتوافر فيهم (حب الكاميرا لهم ) ...ولكنك تتمتع بهذا ...وكذلك صوتك يتميز بنبره محببه للأذن ..بالأضافه لحسن تعبيراتك ..وأجادتك ماتفعل.
على قدر سعادتى عند رؤية الفيديو ...على قدر حزنى لأنى لم أكن أول المهنئين .
أنت تستحق التهنئه والأشاده ..لقد كنت رائعا ......وموضوعك جديد وجذاب .

*لقد فتحت بموضوعك هذا آفاق جديده للمراجعات بعرب هاردوير*

أهنئك ياصديقى العزيز.

[QDS Egypt Support]

السلام عليكم و رحمه الله و بركاته

احب ابدا كلامي بـ ..
( بسم الله ما شــاء الله )

لا كلمه اخري تكفيـك حقك أ / محمــد

مجهود اكثــر من رائـــــع فعلا , و شرح ممتـــاز للغــــــــايه
و تعدد لغــات ما شاء الله

بارك الله فيك اخي الكريم علي هذا المجهـود الاكثـر من رائــع

و شكر خـاص من ا/شريف عبدالعظيم
لك و لمجهودك الموقر

ارجو من الله ان يعطيك العون لمواصله ابداعاتك المميــزه

و اسمحلي باضافه هذه الفديوهات الي صفحتنا الرسميـه علي Facebook

https://www.facebook.com/home.php?#!/pages/QDS-Egypt/120843407932753

دمت بكل خيـر