احداث يوم 10 - 2 - هنا تكتب الأخبار...

**mohamedpchell** · 10-02-2011, 21:41

ابليس شاف مليون بيصلوا جمعة بالتحرير، قال منك لله يامبارك بقالى 30 سنة بغويهم وبعمايلك السودة هديتهم طيب بقا يسقط يسقط :D:D:D

**S@M** · 10-02-2011, 21:41

المشاركة الأصلية كتبت بواسطة a.ewais

مصطفى بكرى لعمرو الليثى : الرئيس حالته الصحية ساءت أمس وغادر البلاد فى نفس اليوم

:rolleyes:

اعتقد ان سيناريو رحلة العلااج الطويل قد بداء الان

**Mr. Nova** · 10-02-2011, 21:43

المشاركة الأصلية كتبت بواسطة ™Phantom

وأين كانت نزاهته وشرفه واحترامه عندما كان يحفظ بلاغات قضايا الفساد الكبرى ولا يبدأ التحقيق فيها إلا بعد أن يأخذ الضوء الأخضر من النظام ؟

+100000

على قدر علمي لما سالت محاميين عن الموضوع ده عرفوني ان النائب العام ليس عليه سلطات.. يعني يقدر يحرك الاتهامات والقضايا في اي وقت ومش محتاج امر من فوق يبقى اشمعنى دلوقتي!!
يكفي انه كان بيسيب ظباط الشرطة يضربوا وكلاء النيابة بتوعه ويهددوهم ويلزم الصمت!!
ان شاء الله النائب العام يروح مع بقايا النظام.. طبعاً كلنا عارفين هم رايحين فين ان شاء الله..

**MF88** · 10-02-2011, 21:44

مصطفى بكرى لعمرو الليثى : الرئيس حالته الصحية ساءت أمس وغادر البلاد فى نفس اليوم

:rolleyes:

اعتقد هيفوض السلطه لعمر سليمان و يقول انا سبتها عشان تعبان

ولا هيجيب سيره المظاهرات خااالص

الله اعلم ايه اللى هيحصل

لكن اللى متاكد منه - ان الناس فى التحرير واخده عهد ان مظاهره بكره مستمره حتى لو مبارك فجر نفسه فى البيان القادم

**a.ewais** · 10-02-2011, 21:47

المشاركة الأصلية كتبت بواسطة MF88

اعتقد هيفوض السلطه لعمر سليمان و يقول انا سبتها عشان تعبان

ولا هيجيب سيره المظاهرات خااالص

الله اعلم ايه اللى هيحصل

لكن اللى متاكد منه - ان الناس فى التحرير واخده عهد ان مظاهره بكره مستمره حتى لو مبارك فجر نفسه فى البيان القادم

ولو مبارك تنحى..هتعملوا مظاهرة ليه ان شاء الله؟؟..
.لو مشى اعتقد كل واحد يرجع لبيته وشغله..والدنيا تهدى بقى..

**MF88** · 10-02-2011, 21:49

https://www.facebook.com/video/video...omments&ref=mf

ادعوكم لسماع هتاف ملايين المتظاهرين فى ميدان التحرير ( الصوت لوحده يدعو للرهبه و الخوف

)

شبكة رصد
مصادر للجزيرة : القوات المسلحة تؤكد ثبات مواقفها من مطالب الشعب

**S@M** · 10-02-2011, 21:49

"إن بى سى": الشرطة تنسحب من بعض المواقع تزامناً مع خطاب مبارك

اجرى يا معلللللم .................:D

---------------------------------------------------------------------------------------------------

**MF88** · 10-02-2011, 21:50

ولو مبارك تنحى..هتعملوا مظاهرة ليه ان شاء الله؟؟..
.لو مشى اعتقد كل واحد يرجع لبيته وشغله..والدنيا تهدى بقى..

مبارك رمز النظام الأول

الشعب يريد رحيل النظام بأكمله و ليس الرمز فقط

**Mr.pOPo** · 10-02-2011, 21:50

ولا عمر سليمان و لا شفيق يا راجل ، لازم يكون الانتقال لرئيس المحكمة الدستورية العليا بعدها يتم تشكليل الحكومة التى ستتولى المرحلة الانتقالية لحين الانتخابات الرئاسية ، خبراء قانونيين قالوا ان مفيش حاجة فى الدستور اسمها "تفويض" صلاحيات "رئيس" الجمهورية ل "نائب" الرئيس.

حسنى مبارك هو مجرد "رمز" النظام كما قال الاخ MF88 ، و رحيله لا يعنى رحيل النظام. قلنا مراراً و تكراراً ، لا يستقيم بتاتاً ان يتولى أحد من النظام السابق الفاسد المرحلة الانتقالية التى ستحدد مصير البلد و التى ستتولى تنظيم الانتخابات الرئاسية.

**MF88** · 10-02-2011, 21:51

المشاركة الأصلية كتبت بواسطة S@M

"إن بى سى": الشرطة تنسحب من بعض المواقع تزامناً مع خطاب مبارك

اجرى يا معلللللم .................:D

---------------------------------------------------------------------------------------------------

لا و انت الصادق - الكل رايح القصر الرئاسى لأن الخطاب احتمال أللا يكون على هوى المصريين و المتظاهرين

السيناريوهات كثيــــــــــــره و لا نستطيع ان نجزم

لكنى سآخذ بالأسوأ لحين ثبات عكس ذلك

**S@M** · 10-02-2011, 21:53

لا و انت الصادق - الكل رايح القصر الرئاسى لأن الخطاب احتمال أللا يكون على هوى المصريين و المتظاهرين

دة لو كان لسة موجود فى مصر ............يا محمود ...

-------------------------------------------------------------

**HuLkY** · 10-02-2011, 21:53

الأولى المصرية! كله يفتحها!

**Dr Mohammad** · 10-02-2011, 21:54

هذا ما اخشاة ........ان يدفع سليمان ...بالجيش لطحن الشعب اذا رفض الشعب التفويض

عمر سليمان لا يملك أدنى سلطة على الجيش , البيان رقم 1 للقوات المسلحة و غياب مبارك عن اجتماع القوات المسلحة يعنى استقلالها التام عن مؤسسة الرياسة , هذا انقلاب .

ولو مبارك تنحى..هتعملوا مظاهرة ليه ان شاء الله؟؟..
.لو مشى اعتقد كل واحد يرجع لبيته وشغله..والدنيا تهدى بقى..

يوجد فرق كبيييييير جدا بين تفويض السلطات للنائب و التنحي , هذا أمر و هذا أمر آخر .
التفويض بعني أن مبارك لا زال رئيسا للجمهورية و هذا لا نقبله أبدا أبدا و لا يحقق مطالب الشعب , أما التنحي فورا فهو ما نطلبه .
كما أن الشعب لا يريد عمر سليمان بأي صورة , هذا الرجل عار على مصر , عمر سليمان أمر و أسوأ من مبارك , يكفي أنه كان يريد من الجيش استخدام العنف ضد المتظاهرن سلميا .

المشاركة الأصلية كتبت بواسطة Dr Mohammad Ibrahiem

لا نريد "تفويض" , هذه الخطوة مضى وقتها منذ زمن , نريد تنحي

**Mr.pOPo** · 10-02-2011, 21:56

يا جماعة صحصحوا: أكرر...

ولا عمر سليمان و لا شفيق يا راجل ، لازم يكون الانتقال لرئيس المحكمة الدستورية العليا بعدها يتم تشكليل الحكومة التى ستتولى المرحلة الانتقالية لحين الانتخابات الرئيسية ، خبراء قانونيين قالوا ان مفيش حاجة فى الدستور اسمها "تفويض" صلاحيات "رئيس" الجمهورية ل "نائب" الرئيس.

حسنى مبارك هو مجرد "رمز" النظام كما قال الاخ MF88 ، و رحيله لا يعنى رحيل النظام. قلنا مراراً و تكراراً ، لا يستقيم بتاتاً ان يتولى أحد من النظام السابق الفاسد المرحلة الانتقالية التى ستحدد مصير البلد و التى ستتولى بتنظيم الانتخابات الرئاسية.

شاهدوا هذا: https://www.youtube.com/watch?v=CxntDscznfA