السلام عليكم..

عندى أستفسار هام بخصوص كارت HD 5850 لآنى أريد تحديث كارت الشاشة الحالى وهو HD 4850

وأذكر أنى شوفت موضوع إن كارت HD 5850 أفضل من HD 6850.. إزاى رغم إن المفروض الفئات الطبيعى أنها تتدرج بأرقام أعلى حسب القوة وليه الشركة تنتج كارت أضعف من كارت وتحطه فى رقم تسلسلى أكبر أيه الحكمة يعنى..الموضوع هو ده
https://www.arabhardware.net/forum/s...d.php?t=157101


أولا ياريت لو حد من الآعضاء يعرف سعره بالتحديد كام وياترى ينفع يركب على الماذرر بورد P35 ولا لا مع العلم إن كارتى الحالى يعمل عليها مع باور سبلاى HEC 500 أصلى..هل الفرق هيكون كبير..لآنى لما بشغل لعبة زى مافيا 2 البينش مارك بيجى حوالى فى المتوسط النهائى 23 فريم وباخد تقييم D..كمان كرايسس ور هيد بتقطع لو عملتها على أقصى إعدادات فى مراحل معينة خصوصا اللى فيها أجسام متحركة كتير أو مساحات واسعة فيها أشجار كتير زى منطقة الجزر على البحر لما بلف الكاميرا ناحية جبل كبير مليان بالنخيل..فهل HD 5850 يقدر يشغل ألعاب من النوعية دى على أعلى إعدادات بدون أدنى تقطيع ؟..مع مراعاة مكونات جهازى بالآعلى هل تناسب الكارت ولا لا..بروسيسور E8400 وممكن أزود الرامات ل4 جيجا..

الأستفسار التانى هو انى كنت بزود الأوفر كلوك لكارت HD 4850 من البرنامج الرسمى لشركة أيه تى أى..الطبيعى هو 625..لما بزوده مرة واحدة ل700 بيهنج الكارت تماما وبضطر أرستر الجهاز وألحق أقفل البرنامج قبل ما يبدأ مع بداية الويندوز لآنه لما بيبدأ تانى بيهنج الكارت..العجيب أنى لما عملت الأختبار تدريجى مثلا 625 ثم 635 ثم 645 إلى 700..بيستحمل الكارت وينجح فى الأختبارت أما لو قفزت 20 نقطة فى المرة ممكن يهنج تماما أو يفشل الأختبار وتظهر النقاط البيضاء..فهل فى حل للمشكلة دى وهل فى ضرر؟..كل الكلام ده طبعا على الGPU..وساعات برفع الذاكرة من الطبيعى لها 933 إالى 1000..فأنا فكرت فى التحديث أفضل بالكارت الجديد للآسباب دى لآن أحيانا الآلعاب تفصل على أعلى الآعدادات ..

أسف على الآطالة..ومنتظر ردودكم وأرائكم..