بسم الله الرحمن الرحيم
-----------------------------------------

احب انبهكم ان التقرير دة من حكم استخدامى للموبيل لمدة شهرين



1/ التاتش
جامد اخر حاجة وعامل زى الايفون وسريع فى الاستجابة مجرد لمسة خفيفة تكفى

2/ الشكل والكفر
انا حابب شكلوا قووى وشيك قوى فى مسكه
بالنسبة للكفر الخلفى طول ما هو راكب فى الموبيل مفهوش اى مشاكل
اما عند فكوا من الجهاز بتلاحظ انوا بلاستك ردىء ليس فى الشكل ولكن من مرونته
انا شايف ان دة عادى ومش عامل معايا اى مشاكل خالص وشكلوا حلو وهو راكب فى الجهاز

3/ الكاميرا
الكاميرا 5 ميجا
ممتازة فى التصوير النهارى

بالنسبة للتصوير الليلى فى الاضاءة الضعيفة وعند تشغيل الفلاش هتلاحظ ان الفلاش عامل ابيض فى العين
فعشان كدة انا بلغى الفلاش عند تصوير الاشخاص وطبعا بتطلع الصورة غامقة ومبتبقاش حلوة

وانا لاحطت انوا مش سريع فى التقاط الصورة وال 95 اسرع منوا
ومقارنة بينوا وبين ال 95 فا صور ال 95 الوانها اوضح من ال x6 لان الاخير الوانه فاتحة او هادية
ولو انت مش مثبت ايدك كويس وانت بتصور ف ال x6 هتطلع الصورة مهزوزة

الفديو جاااااااااااااااامد جدا


4/ البطاريا
بتخلص فى ققل من يوم وعشان تتجنب دة بقلل قوة الاضاءة وبكدة ممكن تعد يومين من غير مشحن الموبيل
وخلال اليومين تقريب الموبيل مكنش بيطفى وع طول شغال

وانا ف الرحلات بقلل الاضاءة عشان البطاريا تكفينى اليوم كلوا لان الواحد بيصور فوق ال 150 صورة

5/ الجى بى اس
جااااااااااااااااااامد وملهوش حل

6 /الصوت
نقى جدا بس مش عالى زى ال 95

7/ سماعة الاذن
صوت قوى وواضح جدا دة غير انوا نقى ومبيجبش صداع

8/ الكابل
سريع فى نقل البيانات من الكمبيوتر للموبيل والعكس
هو الكابل صغير جد ودة مش عاجب ناس كتير
بس دة مش عملى مشكلة
دة بالعكس انا باحط الكابل فى جيبى وبعامل الموبيل زى الفلاشة
وع طول الكابل بيبقى فى جيبى


كابل نقل البيانات و سماعة الاذن الرائعة

ملحوظة

- عند تشغيل الاغانى
لما تيجى تطلع القايمة وتختار اغنية تانية بتحس ان الموبيل بطىء شوية و هتلاحظ ان القايمة مش بتطلع بسلاسة
- اما بالنسبة للشمش فهى زى اى موبيل مبتبقاش الصورة واضحة قوى




---------------------------------------------------------------------------------------
لمعرفة امكانيات الموبيل
اضغط هنا


مجموعة صور بكاميرا الموبيل






على ضؤ الفلاش فقط (الفلاش قوووووى جدا)

---------------------------------------------------------------------------------

مقارنة سريعة بين كاميرا ال x6 و n95


x6

n95




x6


n95

فى الوضعmicro
صور ال x6 افضل بكثير واوضح بسبب الفلاش القوى
بس للاسف لو هنصور بيه اشخاص هيظهر ابيض ف العين والصورة هتبقى وحشة

بالنسبة للصور العادية فى ضؤ النهار
فتقريبا الفرق لا يذكر

اما بالنسبة للتصوير فى الاضاءى الليلية
فكاميرا ال 95 تكسب هنا لان فى ال x6 هنضطر نلغى الفلاش وبكدة يكسب ال 95


تقيمى العام
الموبيل انا حبوا كتير
بس بدايق منوا عند تصوير الاشخاص ليلا فى ضؤ الفلاش بسبب ظهور ابيض فى العين


وفى النهاية ارجو ان ينال الموضوع اعجابكم
وانا مستعد لاى استفسار من الاعضاء
اذا اعجبك الموضوع اكتب
سبحان الله وبحمده....سبحان الله العظيم