خير يا شباب
مفيش حد عنده معلومه ؟؟
السلام عليكم ورحمة الله وبركاته
أولا : أحب أشكر القائمين على موقع عرب هاردوير وأهنئهم على قناة اليوتيوب الجديده
ومن نجاح الى نجاح باذن الله
ثانيا : عاوز آخد رأيكم ومشورتكم فى موضوع كده
وزارة الاتصالات المصريه بتعمل منحه سنويه وبتدرس فيها بعض التراكات .. زى مثلا :
Database Development and Administration
Graphics Design & Development
Networking System Engineer & Security
Networking Infrastructure & Security
Linux/Unix System Administration
Object Oriented Applications Development
Web Applications Development
Java Mobile Applications Development
فا كنت عاوز اعرف اكتر تراك مناسب لاسواق العمل من ناحية فرص تواجده والمقابل المادى ؟؟
ياريت اللى عنده معلومه يفيدنى بيها
وشكرا جزيلا
خير يا شباب
مفيش حد عنده معلومه ؟؟
اعتقد يا اخى والله اعلم
ولكن اولا الارزاق بيد الله
ولكن هذا على حد علمى ووجهة نظرى المتواضعه التى لا قيمه لها
Linux/Unix System Administration
Networking System Engineer & Security
Closed
شكرا كابتن جاك للرد
وفعلا الارزاق على الله
انما احنا مطالبين بالأخذ بالاسباب
وانا بصراحه ميال لليونكس ... انما فى ناس قلقونى منه وقالولى مش موجود تقريبا فى مصر ومالوش سوق
عشان كده بتأكد .. وياريت لو حد اشتغل فى المجال ده يطمنى اكتر
بارك الله فيك اخى على الشكر
ولا شكر على واجب طبعا
لكن ما دمت حابب مجال الليونكس فادخل فيه على بركه الله ولا تقلق
وباذن الله اللى ربنا مقسمه لك سوف تراه حتى ولو لم تدرس الليونكس
بالنسبه للعمل على اليونكس واللينوكس فى مجال سوق العمل اصبح كبيرا ويزداد يوما بعد يوم
واصبح الان الحاصلون على احدى شهادات الليونكس او اللينوكس اصبحو مثل العمله الصعبه
اذن ادخل فى الموضوع بقلب اسد :D
وميهمكش اى شىء تانى
ولو فى اى استفسارات او مساعدات لا تتاخر ممكن تراسلنى على العام او الخاص او اى شىء
وصدقنى لو هقدر اساعدك لن اتاخر عنك
نحن هنا اخوه
Closed
شكرا لسرعة الرد
بعد اذنك انا كنت عاوز أعرف ايه الخطوات اللى امشى عليها عشان اكون ملم على اد ما اقدر فى المجال ده
عاوز اسستم نفسى .. لانى حاسس انى تايه شويه
وشكرا مره تانيه
وجزاك الله كل خير
باذن الله يا اخى لى عوده فى الموضوع
لعمل لك خطه ما تخرش الميه
وباذن الله تفيدك فى الدراسه
تحياتى لك وانتظر ردى
Closed
باذن الله
وانا على أحر من الجمر وفى انتظارك اخى الفاضل
معلش يا اخى هتنطظر معى شويه يعنى باذن الله بكره هيكون عندك شرح مفصل من البدايه الى النهايه
لانى سهران من امبارح لحد دلوقتى ما نمتش ولسه حالا جاى من صلاه الفجر
فاعذرنى اول ما اصحى هتلاقى عندك فى الموضوع وفى الرسايل الخاصه
شرح تفصيلى وهبعتلك كمان اسماء الماتيريالات اللى هتحتاجها وروابط تحميلها كمان
واازى تبتدى فيها وايه هةو الاول والتانى وهكذا
فاعذرنى الموضوع هيبقى طويل شويه
ارجو التماس العذر لى
بارك الله فيك اخى الحبيب
Closed
السلام عليكم اخى العزيز اليك الخطه التى من الممكن ان تفيدك فى دراستك ان شاء الله
اولا السلام عليكم ورحمه الله وبركاته
ثانيه ما سأقوله لك الان ليس اللزاما عليك ان تسير عليه لانه من الممكن ان يكون خطأ
ومن الممكن ان يكون صحيحا ولكن ما ساقوله لك هو من واقع تجربه شخصيه مررت بها من قبلك
اولا لا اعتقد انك لسه مبتدأ لدرجه انك لا تعرف عن هذا العلم
فاسمحلى هبدأ معاك من الخطوه التاليه وهى الدخول مباشره الى المذاكره
والطريقه التى من الممكن ان تسير عليها
اولا بالنسبه للكتب الهامه فى دراستك والتى ستحتاجها
هى بالتاالى كما فى الموضوع هذا
اولا هذا الكتاب لانه الاهم جداجدا جدا
فى دراستك
من هناااااااا
وبعدين ادخل على الموضوع ده هتلاقى فيه كتب اضافيه هتفيدك بردو فى الدراسه
https://www.arabhardware.net/forum/s...d.php?t=243481
ثانيا بالنسبه للفيديوهات التى قد تفيدك واعلم ان المنتدى ملىء بالشروحات
لكن سامحنى هذه الخلاصه على هذا الرابط وبها ايضا الشرح وطيقه استخدامها بالترتيب ان شاء الله
https://www.arabhardware.net/forum/s...d.php?t=215333
ثالثا بقى وده المهم ازاى اجمع ما بين الاتنين الفديوهات والكتب وازاى امشى صح
اليك الخطوات
اولا هعتبر انك حملت الفديوهات والكتب
قبل ما تبدى بالكتب والفديوهات اقول لك ادخل على هذا الرابط وشوف محتواه هيفيدك قبل ما تبدى مقدمه شيقه هى طويله لكن مفيده جدا
https://www.arabhardware.net/forum/s...d.php?t=238195
تمام قوى لحد كده
يبقى بعد ما قريت المقدمه عن اللينوكس والليونكس
نبتدى
اولا تشاهد فيديوهات البشمهندس مصطفى طنطاوى هيفدك جامد جدا فى تراك الاسينشيال
تمام
بعد كده ارجع للكتب
هتلاقى الدنيا سهله جدا معاك والاجمل بقى فى الكتاب الاول اللى هو اهم كتاب
بعد كل وحده اسئله ولابات اختبارات على كل وحده جامد جدا
تمام
بكده انت هتذاكر الفيديوهات بعدين الكتب
هتلاقى نفسك بقيت بروفشتنال ان شاء الله وافضل من اى حد
بعد كده هتدخل فى فيديهات الباشمهندس احمد حسن ده يعتبر الوحيد اللى بيشرح تراك الادمن وهتلاقيه شرحه ممتاز جدا وهتلاقى فيديوهاتو فى الموضوع بتاع الفيديوهات او الرابط التالت فى هذا الرد
وبعدين بردو ترجع للكتب
اخى العزيز هذه خطه بسيطه وهديه منى ليك ولكل واحد عايز يبتدى صح وحاسس انو تايه
ارجو انها تفيدك وتفيد كل شخص عايز يحترف اللينوكس
فى النهايه ارجو انى اكون قد وفقت فى عمل هذه الخطه المنهجيه
لو عندك اى استفسار من اى نوع
انا جاهز باذن الله
تحياتى لك اخى العزيز
Closed
اخى العزيز تم ارسال رساله لك على الخاص بها ايضا محتوى
ما تطلبه حتى يسنى لك رؤيتها وقرأتها ايضا
تحياتى لك ويا رب يكون مفيد لك باذن الله
ولا تنسانا من صالح الدعاء اخى العزيز
Closed
جزاك الله كل خير وحقق لك كل أمانيك الخاصه
شكرا جزيلا أخى الفاضل
وبارك فيك اخى العزيز
انا تحت امرك انت بس تؤمر واحنا ان شاء الله فى الخدمه يا غالى
Closed
راجو ان تكون رسالتى وصلتك
وربنا يوفقك يا اخى العزيز فى مشوار الدراسه باذن الله
Closed
وصلت يا فندم
وجارى التحميل والمتابعه باذن الله
وجزاك الله كل خير
المفضلات