▓ مراجعة شامله للجهاز Dell Inspiron N5110 + التعريفات + فيديو خاص ▓

[dr.ahmed shahin]

على فكرة ابن خالتى اشترى نفس الجهاز من مول سوق الكمبيوتر فى مصر الجديدة من شركة تقريبا اسمها الدولية ب 4000 جنيه فقط

[Ĩ ф И_ Ĥ Ξ λ Я Ŧ £]

يا ريت احد الاعضاء من اصحاب الجهاز يتكرم بوضع صورة من ال gpu-z للكارت gt 525m

هي مواصفات كرت GeForce GT 525M 96@600MHz

Pipelines 96 - unified
Core Speed * 600 MHz
Shader Speed * 1200 MHz
Memory Speed * 900 MHz
Memory Bus Width 128 Bit
حسب الموديل طبعا Memory Type GDDR5, DDR3
Max. Amount of Memory 1536 MB
Shared Memory no
DirectX DirectX 11, Shader 5.0

[amrfire]

علي فكره هو جهاز كويس ومحترم انا جبته بي 4200 بس ياريت لو في تعريفات جديده تقولوا عليها و انا عايز اجيب كولار حد يقولي بكام واحسن نوع فيه

[dr.ahmed shahin]

قريبي اللى بقولك اشترى الجهاز ده جاب كولر ب 65 جنيه المهم ان الاب عشان رفيع حبتين كل ما يتحط على الكولر يتزحلق مينفعش يتحط بميل
فانت لما تروح تشترى كولر يفضل انك تاخد اللاب توب معاك عشان تجيب كولر مناسب

[MMS-AMMMK]

مبارك عليك اخى الحبيب على هذا الجهازم الرائع وتقرير ممتاز
واتمنى ان تضع لنا صورة لكارت الشاشة اثناء اللعب مع درجات الحارارة

[alone_301]

السلام عليكم علي احلي اعضاء

لو سمحت عندي استفسار محيرني جدا هل الموديل 5110 ده كل الكارت نيفيديا وانتل بس اصل لقيت محل بيبيعه بكارت ATI ويقولي انه 5110
دورت علي مواقع كتير ملقتش من 5110 نازل بكارت ATI قولت اكلم الدعم في ايجبت لابتوب قالي 5110 الي موجود منه نيفيدا بس

فنا محتار مش عارف مين الي بيشتغلني بصراحه فيهم ارجو الافاده :ah26:

[Ĩ ф И_ Ĥ Ξ λ Я Ŧ £]

السلام عليكم علي احلي اعضاء

لو سمحت عندي استفسار محيرني جدا هل الموديل 5110 ده كل الكارت نيفيديا وانتل بس اصل لقيت محل بيبيعه بكارت ATI ويقولي انه 5110
دورت علي مواقع كتير ملقتش من 5110 نازل بكارت ATI قولت اكلم الدعم في ايجبت لابتوب قالي 5110 الي موجود منه نيفيدا بس

فنا محتار مش عارف مين الي بيشتغلني بصراحه فيهم ارجو الافاده

وعليكم السلام اخي
بنسبة لكرت الشاشة والموديل ليست مشكلة بان يكون هنالك ATI بدلا من انفيديا ولكن تاكد من نوع الكرت اي رقم الرقاقة الرسومية مثل 1GB ATI MOBILTY READOM 5470

[zoro9091]

كنت عايز اجيب نفس الجهاز بس بروسيسور i7 و ram 4g هارد 500
وكنت حابب اسئل عن سخونة الجهاز (فى العادى بدون العاب وبالعاب حتى لو سخن فى ضرر عليه) وينفع يشتغل فترات طويلة (10 او 12 ساعة متعدش:D)اكيد بالشاحن
ولو حابب اشتريه اجيبه منين ارخص سعر وفى نفس الوقت يبقى الضمان محترم (مع العلم انى فى القاهرة)
معلش هتعبك معايا بس اخر حاجة انا مش بحب ويندوز سيفن 64 بت لانه متعب جدا فى برامجه ولما دخلت على موقع ديل ملقتش تعريفات غير لل 64 بت ده معناه انه مفيش تعريفات لل 32 بت ولو فيه هلاقيها فين شكرا جدا لتعبكككككككك

[MPIXAPP]

اخي zoro9091 .. انا عندي نفس الجهاز Core i7 - Ram 4GB - Hard 500GB الجهاز ممتاز , بيشتغل كل الالعاب على HIGH , لم اواجه اى مشكله فى التعريفات !!
يعني اتوكل على الله واشتريه , السخونه بتبقى فى الالعاب وده شىء طبيعي ( لا تتعدى 60 عندي فى الالعاب وهذا شىء ممتاز ) , انا بفتحه طول اليوم وبقفله قبل مانام ,ومين قال 64 بت متعب فى برآمجه ؟؟؟!!!! انا لم اواجه مشكله فى اى برنامج .. كما انك لو سطبت 32-bit الرآم هبقى 3.25 جيجا بدل 4 !!

انا اشتريته من CompuMe بـ5.200 .. وبصراحة منصحكش غير المكان ده !!!
ممكن تلاقيه ارخص بـ500 جنيه فى مكان وبيبقوا لاعبين فى الجهاز !!

[mre_24806]

عزيزى ناشر الموضوع احب اقولك أولا مبروك ع الجهاز وثانيا الف شكر ع المجهود الرائع , انا جبت الجهاز ده بعد ما شوفت مراجعتك التفصيليه عنه
بالنسبه للتعاريف الناقصه انا عرفته من ع الموقع وكل حاجه اتعرفت معايا بالنسبه للوايرلس والبلوتوث ليهم تعريف واحد مع بعض وهو " Wireless 1702 802.11 b,g,n, BT3.0 +HS "
بس انا كان ليا طلب ممكن ترفعلى رابط لنسخه الويندوز ديل اللى بتستخدمها لو جربتها ومافيهاش مشاكل معاك ؟؟؟

[Hany Mohamed Nigma]

عزيزى ناشر الموضوع احب اقولك أولا مبروك ع الجهاز وثانيا الف شكر ع المجهود الرائع , انا جبت الجهاز ده بعد ما شوفت مراجعتك التفصيليه عنه
بالنسبه للتعاريف الناقصه انا عرفته من ع الموقع وكل حاجه اتعرفت معايا بالنسبه للوايرلس والبلوتوث ليهم تعريف واحد مع بعض وهو " Wireless 1702 802.11 b,g,n, BT3.0 +HS "
بس انا كان ليا طلب ممكن ترفعلى رابط لنسخه الويندوز ديل اللى بتستخدمها لو جربتها ومافيهاش مشاكل معاك ؟؟؟

https://msft-dnl.digitalrivercontent.../X15-65805.iso

ده رابط مباشر من موقع ميكروسوف لنسخة win7 pro 64 bit
انا نزلت النسخة وهي اللى على جهازى و عملت لها اكتف و شغالة 100 100 و بتنزل الابدايت update من موقع ميكروسوفت عادى
يعنى نسخة اصلية
وكمان موقع ميكروسف تحقق منها وقال انها اصلية

[zoro9091]

شكرا جدا على ردك mpixapp
بس انت جبته بويندوز ولا دوس من كومبيو مى
ثانيا من انهى فرع بالظبط لانى نزلت فرع ميدان لبنان ملقتش ديل خاااالص :mad:
وبعدين عايز افهم يلعبوا فى اللاب ازاى خصوصا لو كان متبرشم وعليه علامة الوكيل

[purity]

شكرا جدا على ردك mpixapp
بس انت جبته بويندوز ولا دوس من كومبيو مى
ثانيا من انهى فرع بالظبط لانى نزلت فرع ميدان لبنان ملقتش ديل خاااالص :mad:
وبعدين عايز افهم يلعبوا فى اللاب ازاى خصوصا لو كان متبرشم وعليه علامة الوكيل

مفيش لعب في اللاب ان شاء الله طالما ليه علبة وعليها service tag
بتاخد الرقم وتكتبه في موقع ديل , يقولك مواصفات جهازك بالظبط وكل بقطعة فيه ولو لقيت اي شئ مخالف بتروح ترجعه ولذلك محش يقدر يلعب فيه علشان يخافوا من شئ زي دا بجانب انه مش مستفاد من شئ من لعبة فيه

[MPIXAPP]

انا جبته بدون نظآم تشغيل ولم اواجه مشكله فى تنصيب ويندوز 7 من خلال DVD .. تآبع موضوع المناقشه الي فى القسم ..
انا اشتريته من فرع 6 اكتوبر ..

ده اماكن الفروع كلها :
https://www.compume.com/index.php?ta...page_id=stores

وانصحك تكلمهم الاول على رقم 19127

[zoro9091]

شكرا purity وبصراحة بفكر زيك
الميزة الوحيدة اللى شايفها فى compume ضمانهم لانه ضد الحوادث ومحترم جدا
بس بصراحة يا mpixapp شايف انهم غاليين شوية :D نفس النوع ده موجود بالضمان سنة ب 4800 شايف انهم يستحقوا 400 جندى فرق
فعلا حابب اسمع رايكوا لانى محتااااااااار جدا