مراجعه متواضعه للاب توب HP ProBook 4530s اتمنى ان تنال اعجابكم

[A Beautiful Mind]

الف شكر علي المراجعة والاب بالفعل جميل

شكرا لك على مرورك يا باشمهندس
يا ريت تجاوب لنا على السؤال الاخيرالذى سبق مشاركتك هذه وتثرينا من خبراتك

[Black-]

السلام عليكم اخى
انا أشتريت اللاب دا امبارح الحمدالله
بس حاسة فيه بحاجات غريبة فممكن تساعدني فيها ؟
اول حاجة اللاب كور اي فايف ورام 4 جيجا يعنى المفروض انه سريع
لما جربت انقل بعد الداتا لاقيته بطيء فى النقل عن الكمبيوتر العادى اللى الرام فيه 2 جيجا وكور تو ديو
دا غير ان سرعة النقل مش ثابتة بمعنى انها بتبدأ وبتقل بالتديجى انا عارفة ان دا طبيعى بس المفروض انها بتقل فى البداية
وبتثبت بعد شوية لرقم معين لا هى بتقل كل شوية ومعرفتش احدد ليها رقم ثابت

ولاحظت امبارح من خلال أيقونة على جانب الشاشة تابعة لويندوز 7 والايقونة دى بتحدد نسبة استخدام الرام والاجهزة لتانية
ان الرام شغالة بمعدل 35 % ، فهل فيه طريقة انى أزود سرعتها بمعنى أنها تشتغل بكل طاقتها ؟؟

-------------------------
سؤال تاني هو... أنا بعانى فى تشغيل الفيديوهات على الجهاز لما شغلت الكوديك لاقيت البرنامج شغال بالمقلوبة
والشاشة غير واضحة المعالم بالمرة ... قولت ممكن لأن الفيديو عالى الجودة وعايزة كارت شاشة عالي زى الألعاب
وممكن يكون شغال على الكارت الافتراضي أنتل ، فممكن تقولي ازاى احول كارت الشاشة للنوع التاني Ati

بالنسبة للبطئ فى الجهاز ممكن تبص على "power plan" ودى تقدر تجبها من الايقونه بتاعت البطارية جنب الساعة فى شريط المهام فى الغالب هتكون balanced ودى بتتعمل علشان تحافظ على الشحن مع تحجيم حكم من امكانيات الجهاز ممكن تتحول الى high performance دى بتستخدم امكانيات الجهاز كلها
لو فضلت المشكلة كما هى ممكن تبصى على التعريفات وتتاكدى ان كلها مظبوطة وبالذات المخصصة للهادر
بالنسبة للسؤال التانى اعتقد ان اى ملف فديو ملوش علاقة بكارت شاشة الكارت الانتل فى الجهاز قادر على تشغيل الفديو عادى وبالنسبة للتحويل للكارت التانى بتقدرى تحدديها من برنامج ATI الى بينزل مع التعريف ويستحسن يستخدم مع الشاحن ، يعنى لو هتشغلى العاب يفضل طبعا تكون على الكارت ATI والشاحن يكون واصل

ياريت تكونى الاجابات مفيدة

[a 2012]

مراجعة جميلة جدا وخلتني افكر في فئة البروبوك جديا
ولكن عندي استفسار لو سمحت هل اداء الجهاز جيد في الملتي تاسكينج وايه راي حضرتك في جودة الشاشة من حيث الالوان وزوايا الرؤية وهل البروسيسور فيه خاصية التربو بوست ولا لا واسف للاطالة
تحياتي