تقرير بعد تجربة 3 مازر بورد Gigabyte GA-H61M-S2P

[ayoub_bob]

بشكر كل الاعضاء اللي سعدوني في المشكله دي
والحمد لله يا شباب تم حل المشكله وكانت المشكله ف المازر بورد

جزاكم الله خيرا

طيب الحمدالله
ممكن سؤال ماهى كانت المشكلة ياريت الرد عشان لو ظهرت لاخ اخر يعرف السبب
تحياتى

[نينجا]

طيب الحمدالله
ممكن سؤال ماهى كانت المشكلة ياريت الرد عشان لو ظهرت لاخ اخر يعرف السبب
تحياتى

المشكلة كانت في المازر بورد غيرتها والجهاز الحمد لله تمام

[zoro00]

مسالةدعم الرام من البيوس ده امر طبيغي انك تغيرها الاول من البيوس ما فيش مشكلة في دي وليست بالامر الخطأ فكل البورد او معظمها بتعمل معها كده في الشرائح الدنيا فلا تظلم الشركة لذنب لم تقترفه

احترم وجهة نظرك لكن اختلف معك فى الرأى ودا مش طبيعى ابدا ولا كل البوردات لازم تعمل كدا
البوردات المحترمه زى الاسوس والاز روك بتقرا الرامات مظبوطه بكامل مواردها مباشرة بدون اى تعديلات فى البايوس وبتتقرا من الوندوز برضه مظبوط

وعندى لو افترضنا ان دا طبيعى فى الجيجا بايت مازال فى الوندوز ببرامج قرائة خصائص الرام بتتقرا 1333 باص لكن فى بايوس البورده بتتقرا 1600 باص

ودا شىء غير طبيعى طبعا فى البورده وانا متأكد انه بج او خطأ من جيجا بايت

وفعلا انا ملاحظ ان منتجات جيجا بايت فى الماذر بورد بالاخص لازم بتلاقى عيوب وليا اصدقاء كتير غيروا برودات كتير جدا فى الضمان لعيوب مختلفه

فعلا جيجا بايت تفتقد الاتقان فى العمل وعدم التركيز بالمقارنه مع عمالقة التصنيع اسوس واز روك

ومبروك لصاحب الموضوع لحل مشكلته وكنت متأكد انها مشكله فى البورده نفسها

بالتوفيق للجميع

[real madrid2012]

يا أخ سؤالي لك كيف يجيب ويندوز 7 نسخة اصلية مو ملعوب فيها ؟!؟! لأن النسخة الاصلية غالية جدا علشان كذا كلنا نستعمل مكركة .

[real madrid2012]

ممكن شرح لذي الإسطوانة تعبت افمهما والله وياليت روابط تحميل .

[Manch]

من وقت شرائى لها و يوجد بها مشكلة وهى التهنيج عند فتح الجهاز
و لابد من رسترت الجهاز أكثر من 7 مرات حتى يعمل بشكل جيد وصحيح
و مرة تفاجأت بالشاشة الزرقاء والجهاز لا يعمل مطلقاً

قمت بتغيير الباور سبلاى و تم حل المشكلة الحمدلله
وهى الآن بفضل الله تعمل بشكل ممتاز

[GTX]

الله يعينك دا طبيعى .. الجيجا بايت طول عمرها لازم تلاقى عيب رخم فى اى منتج للماذر بورد خصوصا .. امخاخ جزمه مش مركزين
فعلا عرفت ليه الاسوس والاز روك الاشهر لان مبيحصلش بجز او عيوب فى صناعتهم

عندك بوردتى جيجا بايت Gigabyte GA-P75-D3 البورده كأداء جيد صراحه لكن برضه لازم تلاقى فيها حاجه زفت وهيه فى مشكله فى قرائة الرامات الباص 1600
مكتوب فى الخصائص انها بتدعم ال 1600 باص فى حاله البروسيسور يكون 22nm
وعندى جهازى فيه كل المتطلبات اللى ماشيه مع تدعيم 1600 باص وبرضه كانت قرياها فى الديفلت 1333 باص لحد مدخلت عدت فى البيوس ورفعت القيمه اتظبطت القرائه فى البايوس ل 1600 لكن جوه الوندوز فى برامج قرائة خصائص الرامات مازالت بتقرا 1333
وطبعا بحثت فى الموضوع دا فى مواقع اجنبى لقيت ناس بتشتكى من نفس المشكله
ارسلت اميل لدعم جيجا بايت على موقعم منفضين وتطنيش ولا ردو باى شىء
ودا واضح انه بج او عيب فى البورده نفسها حتى مش مكلفين نفسهم ويردو مكسوفين دول ولا ايه الله اعلم

فى النهايه يتضح ان جيجا بايت لازم هتلاقى لامؤخده خازوق فى اى برودكت منهم وانتا وحظك

هي الرام العندك kingston hyperx؟

[H_KIMO]

الموديل ده تحديدا فيه مشاكل عن تجربة

[GTX]

الموديل ده تحديدا فيه مشاكل عن تجربة

هو في اصداريين للوحة rev 2.0 و rev 2.1
هل جربت الاصداريين؟

[GIGABYTE Egypt]

فيما يتعلق بالرامات المعالج الساندي بريدج يقرأ أى رامات 1333 حتى لو كانت 1600 والطبيعي إن المستخدم يغير القيمة إلى 1600 من داخل البايوس. ودي حاجة من انتل مش متعلقة بمصنعي الماذربورد.
الحاجة التانية مش نسبة طبيعية ان 3 ماذربورد فيهم مشكلة مش بنقول انك بتدعي لكن بنتكلم على نسب وارقام موجودة عندنا.. بالنسبة لمشكلة الشاشة الزرقاء المحل اللى باع لك الجهاز يقدر يساعدك فيها لانه وارد ان المشكلة تكون بروسيسور، رامات، باور سبلاى مش بالضرورة ماذربورد.
نشكركم جميعا على مساعدة الشخص الذي واجهته المشكلة...

مكتب جيجابايت له فرع فى مصر ولينا اكونت هنا على المنتدي اى حد عنده مشكلة فى بوردته ابعت لنا وحنساعدك بكل الطرق على حلها...