نصيحة بخصوص بوردة Asrock h61 icafe أرجوكم

[essamz]

اشتريت هذه البوردة منذ عدة أيام مستعملة وللأسف لم اختبرها أمام من باعها لى لعدم وجود بروسيسور وقتها، المهم حين عدت إلى المنزل لاحظت وجود بناية pin فى سوكت البروسيسور تبدو كما لوكانت بارزة بنسبة بسيطة جدًا عن باقى البنات، الصراحة قلقت وأخدتها لمول سوق العصر، وحاولت أختبرها ولم استطع لعدم وجود بروسيسور برضو، لكن عرضتها على بتوع الصيانة هناك وشافوها بالنظر كدة وقالولى مفيهاش حاجة، وقالولى ركب البروسيسور وجرب وعادى، بس أنا مش واثق فى كلامهم وخايف على البروسيسور يتحرق لا قدر الله لو كانت البنايية دى مش مظبوطة.
السؤال الآن للخبراء / إزاى ممكن اعمل تست للبوردة والسوكت قبل ما اركب البروسيسور ؟ وهل لو ركبت البروسيسور ممكن يتحرق فعلاً لا قدر الله لو كان السوكيت معيوب؟

أرجو الرد سريعً لأن البوردة لو فيها مشكلة ألحق أرجعها لصاحبها.

[mmels]

ممكن صورة لسوكت ال cpu

[unexpected]

اخي من الافضل رفع صورة اللي شاكك فية
على اي حال لا تقلق ممكن تجرب المعالج عادي ولن يحصل شيئ ان شاء الله
لكن ما هو المعالج اللي تفكر في تركيبة بضبط؟؟؟

[essamz]

core i3 2100 إن شاء الله، وبالنسبة للصور هحاول أصورها وإن كنت لا اعتقد إن الصور هتوضحها

[unexpected]

core i3 2100 إن شاء الله، وبالنسبة للصور هحاول أصورها وإن كنت لا اعتقد إن الصور هتوضحها

ارفع الصورة ولا مانع من تجربة المعالج

[essamz]

هذه هى صورة البناية ، لكن أعتقد أنها ليست واضحة بما فيه الكفاية، البناية تشعر أن درجة ميلها أقل بعض الشىء عن باقى البنات : وشكًرا لاهتمامكم وردكم السريع

[unexpected]

في الكثير من الاحيان يعمل المعالج بدون اي مشكلة لو كان سن مكسور لكن انظر جيدا الى السن ان كان مثني حاول تعديلة بأبرة صغير
وانما ان كانت مكسورة ركب المعالج وشغل الجهاز واريد منك التأكد ان كانت الرامات تقرأ بحجمها الكامل

[M o h a m a d]

اخي ركب معالجك وبعون الله لن تحصل مشاكل
وعن تجربة كان لدي لوحة بسوكت 775 ومعالج c2d e7500 وكانت في السوكت بن مكسورة والجهاز شغال من دون مشاكل

[essamz]

شكرًا جزيلاً لكم جميعًا وربنا يطمنكم زى ما طمنتونى

[mmels]

علي فكرة الصورة مش واضحه اخي الكريم ويبدو ان الة التصوير لا تحوي علي اوتو فوكس

ممكن ان يعمل المعالج اخي دون مشكلة جرب اذا كانت متنية حاول تعدلها بجفت او ابرة صغير

[essamz]

ألف شكر مشرفنا العزيز وعذرًا على ردائة الصور

[mostafaeng_2011]

أخي الفاضل لو السن مايل كانوا عدلوه في سوق العصر ممكن جيفت أو أبره وعدسه مكبره وحاول تعدله وعلى فكره لو البروسيسور ركب واشتغل يبقى مش معووج لأنه مش هيقفل لو معووج هتلاقي البروسيسور بارز والدراع مابيقفلش

[essamz]

الحمد لله البروسيسور ركب واشتغل وأنا دلوقتى بكتبلكو من الجهاز ... الحمد لله طلعت حاجة بسيطة

[unexpected]

الحمد لله البروسيسور ركب واشتغل وأنا دلوقتى بكتبلكو من الجهاز ... الحمد لله طلعت حاجة بسيطة

الحمد لله

[Ahmed Elbrbry]

يا راجل ده انا كان عندى بوردة فيها 3 بنات معوجين و 2 مكسورين و 4 محروقين و الجهاز كان شغال و مكسور سرعته
بس اعطيته لشخص ما و جبت جهاز جديد دلوقتى