السلام عليكم ورحمة الله وبركاتة
أعرفكوا بنفسي الاول
اسمي أحمد محمد من اسكندرية .. مصر
تم شراء جهاز بالمواصفات الاتية

Intel® Core™ i3-3240 Ivy Bridge 3.4GHz Processor
Gigabyte GA-P75-D3 Socket 1155 Motherboard
Kingston ValueRAM 4GB DDR3 1333MHz CL9
Seagate Barracuda ST1000DM003 1TB 7200 SATA 6Gb/s
SAPPHIRE VAPOR-X HD 7770 GHz Edition OC 1GB GDDR5
Cooler Master Elite 250 Desktop Case + 460w PSU

المهم
الراجل حطلي ويندوز 7 التميت 64 بيت
روحت بالجهاز البيت
جيت بجرب كول اوف ديوتي مودرن ويرفير 2 اصدار 2009
يا دوب بلعب ساعة وقيت فجأة كدة شاشة بيضاء بخطوط سوداء والجهاز هنج ومش عارف أطلع من اللعبة
فبطر ادوس على زرار اعادة التشغيل من الكيسة نفسها

جيت بعد كدة سطبت لعبة باتل فيلد 3
ولعبتها وكمان قفلتها
وملعبش في الاعدادات
هي كانت متظبطة لوحدها
على رزليوشن 1024*768
شاشة crt 17 بوصة سامسونج

جيت بقى العب مافيا 2 .. لقيت فجأة نفس المشكلة اللي حصلت مع كول اوف ديوتي حصلت مع مافيا 2
وهي برضة بعد نصف ساعة كدة لقيت الشاشة ابيضت وعلمت خطوط سوداء والجهاز يهنج

جيت وديت الكيسة للراجل
وشرحتلة كل حاجة
قالي غلط انك تلعب الالعاب متسطبة جاهزة ولازم تسطبها من جديد
وكمان تحمل اخر تعريفات ودريفرات والبرامج للالعاب

روحت وحملت البرامج واتحديات وكلة وستطبتهم
وجيت سطبت كو اوف ديوتي مودرن ويرفير 3 اصدار 2011
ولقيت اللعبة بتدخل وتشتغل وكلة تمام بس علشان تلعب تيجي اللعبة تقف وبرضة تدي شاشة سوداء والجهاز يهنج
مسحتها وسطبتها تاني وبرضة نفس الكلام
وجيت فجأة لقيتها فعلا بدأت العب
وبرضة جت عند حتة معينة ووقفت والشاشة اسودت والجهاز هنج
على فكرة الاصدار ريلودد للنسخة ايزو

اشتكيت هنا مع الله يكرمة شريف باشا وفي منتديات اخرى
والكل بيقول ما دام باتل فيلد 3 اشتغلت يبقى انت في السليم

غيرت كيبورد والشاشة بشاشة ال سي دي 19 بوصة رزيليوشن 1440*900
وشلت الهارد القديم وفصلت الدراعات من اليو اس بي
وبرضة مع الثلث العاب
مافيا 2 وكول اوف ديوتي مودرن ويرفير 2 و3
عملت شاشة سوداء
ومع باتل فيلد 3 اشتغلت تمام وغيرت الرزليوشن لحجم الشاشة ولعبت من النص كدة وقفلت اللعبة

روحت للراجل تاني
حطلي برنامج
MSI Kombustor 2.5
وعمل ضغط عى الفيجا وكان مديني مستطيلين
واحد اخضر ودة كان مدي 99%
والثاني احمر وكان مدي 60%
وشغل البرنامج لمدة 3 دقائق وشوية
وقالي لو عمل خطوط او شاشة سوداء يبقى فية عيب في الكارتة لو معملشي يبقى انت جهازك سليم
وكان عامل دة على اعدادات شاشة 19 بوصة ال سي دي

روحت وبرضة سطبت البرامج تاني وقفلت الكاسبر
وهوة قعد يقولي العب حدي متلعبش قديم ال يعني باتل فيلد لعبة حديثة

المهم
لعبت كول اوف ديوتي مودرن ويرفير 3 وبرضة قطعت والجهاز هنج
وجيت بقى سطبت كول اوف ديوتي مودرن ويرفير 2 نسخة بلاك بوكس
ومستني ساعة الا ثلث
وفي الاخر عند نفس المرحلة اللي هي الثانية وعند نفس الحتة وقفت برضة اللعبة وادت شاشة سوداء والجهاز هنج
هنج دي يعني تدوس اللت وتاب او اللت واف فور او اللت وكنترول وديليت ومش بيعمل حاجة
فبطر اني ادوس زرار الريستارت من الكيسة نفسها

طبعا بعد كل دة غيرت الويندوز وحصل برضة نفس المشكلة
فقولت يمكن العاب دايركت اكس 9 الفيجا بتعمل فيها مشكلة

================================================== ==
في الاخر كدة دة عيب ايةةةةةةةةةةةةة ؟؟؟
وطبعا الجهاز كدة بقالوا اسبوعين ونص
ولحد دلوقتي محاولات لتفسير هذا العيب
ومحدش عارف العيب فين
وشريف باشا قالي اسأل هنا يمكن يعرفوا
ويارب تعرفوا
العيب فين ؟؟؟؟؟؟؟؟؟؟؟
ازاي كارتة اشتغلت مع باتل فيلد 3 تمام ومن غير اي تقطيع وعلى الشاشتين تمام
وكول اوف ديوتي مودرن ويرفير 3 و2 ومافيا 2 قطعت معاهم
دة تفسيرة اية ؟؟؟؟؟؟؟