يسعدنى ان يكون اول من يرد
منتظر التجربة بشغف
السلام عليكم ورحمة اللع وبركاته
منذ قديم الازل ونحن نريد تبريد اجهزة الحاسب الالي بطريقة ذات كفائة عالية حتي نستطيع كسر السرعة الي اكبر حد ممكن وكان من افضل طرق التبريد هو التبريد السائل ولكن اغلبيتنا لا يستطيع تحمل ثمنه ولكن الحاجة هي ام الاختراع فقد استطعت اليوم انا وزملائي في صنع تبريد مائي محلي بسيط لمعالج 8350 وهو في نظرنا ذو كفائة عالية حيث لم تتعدي درجات الحرارة 60 مئوية بتردد 4.3 GHZ
وبعد هذه المقدمة باللغة العربية الفصحي نرجع لاصلنا تاني ونهيس مع شوية هزار
ولكن قبل البدء ارجو عدم الضحك او التريقة علي المكونات لاني زي ما قلتلكم مكونات بسيطة ومحلية وللعلم فيها حاجات تضحك جامد لدرجة اني احنا كنا بشتريها ونخبيها ونضحك لغاية ما بطننا توجعنا انا حاولت استخدم الطريقة الصعبة وهي الخراطين والحدادين وما الي ذلك وفشلت لكن هحط الطريقة الصعبة في موضوع تاني (للعلم مكلفة وصعبة جامد)
نبدء علي بركة الله
المكونات
1- طرمبة ماء
ودي بقا لو دورت وتعبت نفسك مش هتلاقيها الا في مكان واحد وهو محلات احواض السمك تحت اسم فلتر حوض السمك وسعرها يتراوح من 25 الي 75 جنيه وده علي حسب كمية الماء اللي بتضخها فهناك 500 لتر في الساعة و 750 و 1000 و 1500
وانا استريت ال 1000 لتر في الساعة وكان سعرها 40 جنيه ودي صور ليها
2-خراطيم ماء صغيرة ومنشار
ودي مفروض تبقي زي اللي في الصورة دي وهي دي صورة من خطوات التصنيع والخراطيم عند محلات السمك بردو اما المنشاء من عند بائعين ادوات البناء او اي منشار عادي
3-تانك ماء
وبصراحة ده علي زوقك قزاز او بلاستيك وانا استخدمت قزازة بيبسي بلاستيك ودي الصورة بتاعتها بعد التركيب
4-مشتت قديم
ويجب ان يحتوي علي انابيب نحاسية ظاهرة وانا استخدمت مشتت hyper tx3 وكان اكثر من رائع ووصل درجة حرارة معالج amd fx 8350 الي 11 درجة في الخمول و58 مع الكسر الي 4.3 وممكن تشتري مشتت 2B وده بيتباع ب 95 جنيه من اي مول كمبيوتر وهو زي ال tx3 في الشكل لكن مش في الاداء ويفضل ال tx3 لانه هيعمل كاردياتير كمان ودي الصور
وهذه هي كل ما تحتاجه من مكونات
خطوات الصنع والتركيب
1-قطع الجزء العلوي من مواسير النحاس كما رأيتم في الصور السابقة وللعلم انا ازلت بعض الرقائق المعدنية من اجل زيادة طول المسورة النحاسية لوضع الخرطوم بها
2-توصيل المواسير بطريقة زجزاج حتي تستفيد بكل برودة الماء الداخل للمعالج لان نظام التبريد هيدي اداء احسن ولو عايز تعرف ازاي ارجع للصور السابقة ودي صورة عشان خاطر عيون الاعضاء
3-توصيل الطرمبة بالخراطيم وبصراحة ده كان اصعب جزء لان الخراطيم صغيرة جامد وفتحة الطرمبة كبيرة لكن صديق ليا حل المشكلة وهوا اننا اشترينا خرطوم الشيشة وخدنا الجزء الخشبي منه ووصلناه بالطرمبة والناحية المعدنية وصلناها بالخرطوم الصغير وعشان نمنع التسريب عملنا سيليكون حوالين الماسورة كلها والصور فوق
4-توصيل المشتت بالخرطوم الخارج من الطرمبة وتوصيل الخارج من المشتت يالتانك ووضع الطرمبة داخل التانك والتجربة
النهاية
سامحوني لقلة جودة الموضوع ولكني اول مرة اعمل موضوع شرح واي سؤال انا في الخدمة علطول
التعديل الأخير تم بواسطة cosmo2 ; 28-05-2013 الساعة 23:21
يسعدنى ان يكون اول من يرد
منتظر التجربة بشغف
موضوع رائع
و انا كنت شوفت احد الاخوة كان عمل نفس الموضوع من قبل
و كانت تجربة ناجحة ايضا
لكنه استخدم بدل القطعة الخشبية من الشيشة
مسلوب تم خرطه فى ورشة خراطة
سؤال بس هو حضرتك جبت الماء منين
يعنى ماء حنفيه عادى
و الا اشتريت ماء من برا و الا ايه بالظبط
ممتاز و لكن الماء من الحنفية ولا ماء شارية ؟ لان ماء الحنفية خطورتة انه جيد التوصيل للكهرباء فلو لا قدر الله سقط على اى قطعة فى الجهاز بيتلفها انما الماء الية بيجى مع مشتتات الماء او التبريد الاحترافى فى الماء بيبقى ماء ردئ التوصيل للكهرباء و هو تقريبا نفس الماء المستخدم لتبريد قلب المفاعلات الننوية لكن الماء العادى شديد البخر مع درجة الحرارة العالية و جيد التوصيل للكهرباء و دة خطر جدا على الجهاز
انا فاهم حضرتك لكن انا عندما استخدمت ماء الحنفية كنت عارف كل الاخطار دي كويس وخليت كل اللي جوا الجهاز خراطيم بس وربطها بسيلكون عشان التسريب اما الطرمبة وكل شئ تاني بره الكيسة وده ساعد في التهوية وبعدين المشروع قيد التطوير وده النجاح الاول بس ومع بعض هنطوره اكثر من كده ولكن انا دلوقتي بطور الفكرة الاساسة والشكل الخارجي بأني اشيل عصاية الشيشة واحط المسلوب اللي قال عليه احد الاعضاء وهعمل تانك ماء زجاج شكله حلو وهضيف ردياتير بسيط خارجي لان الجهاز تحت الضغط 58 بعد الكسر وانا عايز اكسر اكثر ومهما عملت عمر الفلوس اللي هدفعها للمشتت المائي h100 تبقا هي نفسها وهبقا اتحديت نفسي ونجحت
مشروع عظيم بالتوفيق اخى و بالنسبة للتبريد H100 ليس هو الاقوى على الاطلاق يوجد التبريد المائى المفتوح ! و ممكن بالنسبة للخراطيب بيبقى فى التكيف ذى خراطيم اسفنج بيتم وضع مواسير الفريون بداخلها لكى لا يحدث بخر على سطح المواسير و لكن بالنسبة للمعاج و المشتت من الممكن مع تبريد الماء يحدث بخر على المشتت ذى ما بتحط اى ذجاجة ماء فى داخل الثلاجة بتلاقى عليها بخار ماء من الخارج
يا اخي ده تكثف لبخار الماء علي السطح الخارجي اللي بتقول عليه وانا لا اظن اني هوصل لدرجة البرودة دي عشان يحصل تكثف علي المشتت وبعدين ده حل موقت لغاية ما اشتري تبريد ذي اللي انت عارضه لانه عجبني بس المشكلة مش موجودة مكوناته عندنا واتمنا من متجر عرب هاردوير يوفر قطع تبريد الماء المفتوح وهكون اول من يشتريها
تجربة ممتازة أخي الكريم
بالتوفيق يا غالي
والفكرة ما شاء الله أكثر من رائعة
موضوع رائع فعلا مع قليل من الابداع يصبح افضل تبريد مائي بتكلفة رائعة
عندي فكرة صغيرة جدا لو تطبقها لكي نرى كفائة هذا التبريد الذي قمت بصناعته
التجربة ان تقومب الضغط على المعالج لمددة نصف ساعة مثلا وتراقب درجات الحرارة ومن ثم تقوم باضافة قطع ثلج
الى الحوض المائي ( زجاجة البيبسي ) :D وتخبرنا كم انخفضت الحرارة لكي نرى كم هي كفائة هذا المتبريد
تم التقييم طبعا
تجربة جميلة جداً، بس عشان تكتمل لابد من عرض النتائج بالمشتت العادي ومقارنتها بالمشتت المائي الجديد
بالتوفيق...
المشكلة ان الفرق في درجات الحرارة مش كبير اوي حوالي 10 درجات في الضغط اما في الخمول 20 درجة فرق وانا جربت حركة الثلج ونفعت الحرارة في الضغط لم تتعدي 40 درجة ولكني لم اصور هذه التجربة للاسف واريد ان اعرف لو انا هشتري تبريد للجهاز كامل يكلف كام
ده سائل التبريد الية بيتباع على سبيل المثال ده ذى الية من الحنفية ؟
المفضلات