::مراكز ميكروسوفت المعتمده فى مصر::

**cpanel** · 03-10-2006, 15:01

السلام عليكم
نشكركم جميعا على الاضافات الطيبة

**daghash** · 21-10-2006, 09:23

إلى الإخوة الأعزاء
هل يوجد مراكز معتمد بمدينة طنطا وأيهاما أفضل

**الفقير** · 21-10-2006, 11:53

مراكز معتمدة فى طنطا

ارابيسك شارع سيف الدولة من بطرس
بينرى ستريم دلتا سيتى مول الدور السابع
يات شارع معاوية من البحر
سبتشرى 21 شارع معاوية من البحر
هاى كيو شارع محب (مش عارف إعتمدت اخيرا ولا لأ )

هذا ما اعرفه ويوجد مراكز اخرى غير معتمدة (ليست بارتنر)
كلهم زى بعض لان المحاضرين فيهم جميعا خبرتهم واحدة (تقريبا)

انت اختار ما يناسبك وافضلهم من ناحية المواعيد (((((((و الانتظااااااااااااااام))))))))
اذا كنت لسه محتار راسلنى على الخاص (ارسل لى رسالة داخل المنتدى ) وانا احدد لك افضلهم من وجهة نظرى
وربنا يوفقك

**daghash** · 21-10-2006, 19:08

أخي العزيز الفقير
الف شكر على اهتمامك وسرعة ردك وجزاك الله كل خير
أرجو أن ترشح لي أيهما أفضل من وجة نظرك

**الفقير** · 21-10-2006, 23:32

يا استاذ (daghash)
قلت لك ارسل لى رسالة على الخاص وانا احكى لك قصتى الشخصية مع معظم المراكز
الطريقة
1-كليك شمال على اسم الفقير
2 - ستظهر اربع اختيارات اختار ارسال رسالة خاصى الى الفقير
3- ستفتح الصفحة
راسلنى

**semsem2005** · 29-10-2006, 00:46

إخوانى الأعزاء ..
أنا واحد من الناس اللى درسو فى إنتلجنت وعلى فكرة هو مش سيء للدرجة دى وكمان فيه مزايا مش موجودة فى غيرة مثل إنك تقدر تدخل اللاب فى أى وقت وتشتغل بإيدك عكس مراكز تانيه .
أما عن باقى المراكز اللى تفضلتم وذكرتوها فدائما لايوجد شيء كامل وإنما الكمال لله وحده . مش معنى إن مدرب واحد سيء يبقى كل اللى فى المركز مش كويسين .
وعلى فكرة انا من اسماعيلية وكنت بسافر عشان أحضر الكورسات على حسابى فى انتلجنت ولكنى اتعلمت ان الكورس والإمتحان مش هم كل حاجه .. فالكورس بيعرفك فقط من أين تبدأ والإمتحان عشان تحصل على الشهادة العالمية لكن الأهم إن الواحد يشتغل ويطبق بإيده ودائما يقرأ ويطلع ويتابع والإ أصبح ( كالحمار الذى يحمل أسفارا ) .
وأمنية حياتى إنى أفتح مركز هنا فى اسماعيلية وهو ده حلمى وأعلم الناس وبخصوص الماديات ( لايكلف الله نفساً الإ وسعها ) كما إنك مش بس بتكسب دخل مادى دنيوى وإنما بتكسب ثواب وحسنات فى الآخرة . وعموما الجزاء من جنس العمل بصفة عامه فإذا وصّلت علمك للناس صح حتاخد أجرك اللى ربنا كتبه لك صح .
وكل عام وأنتم بخير . وإذا أخدتم الكورسات عندى لكم عزومة سمك من القنال

**elmadysm** · 09-01-2007, 10:37

**mohand123** · 02-03-2007, 18:55

ياريت ياجماعه حد يدلنا علي المراكز المعتمده في مدينة المنصوره...وماهو افضلهم

**أبو عمـــــــر** · 15-03-2007, 22:26

عزيزي : أنا أيضًا من الإسماعيلية وأتواجد بمصر شهرين فقط كل عام ؛ حيث أنني مقيم بالخارج فبماذا تنصحني هل ممكن يكون في دورات مكثفة خلال هذين الشهرين فقط ؟

**certMC** · 16-03-2007, 10:14

أولآ تحياتى للجميع من عضو جديد و أتمنى قبول عضويتى أو مشاركاتى
ثانيآ أنا كنت عاوز أشكر كل القائمين على هذا المنتدى و المشرفين و أيضآ الأعضاء و بجد أنا مبسوط أن في منتدى عربى بمواضيعه المميزة ديه
ثالثا أنا كنت عاوز أستفسر عن مركز موجود فى مصر بصراحة فى ناس كتير أوى بيشكروا فيه و بيقولوا عليه كلام كتير كويس مش بس بحلاوة المكان و خدماته لكن أيضآ بوجود عدد من الأنستراكتور المميزين و آيضآ على كفاءة و خبرة عالية
أنا اولآ عاوز أبتدى كورسات MCSE and CCNA مع العلم أن MCSE تكلفتهت 3600جنيه و CCNA تكلفتها 3000 جنيه تقريبآ و أ، حبيت أحط الأسعار ديه لبيان حاجة مهمة أن المبلغ بالنسبة لى مش قليل فأتمنى الرد عن سابق تعامل مع المركز أو ما سمع عنه و كنت قبل ما أبتدى عاوز اسأل عن المركز دهه اذا أى حد من الأعضاء أو المشرفين أخذ كورسات هناك أو أى أنستراكتور يسمع عنه أو درس هناك مثلآ
المركز هو تبع الجيش و مكانه فى أول مدينة نصر أمام طيبة مول أنا معرفش أسمه بصراحة لأنى ماخدش بالى من أسمه بس هو مشهور
على العموم أنا منتظر ردكم عليا بس أتمنى الرد السريع لأنى ناوى أبتدى فى الCCNA و كنت محتاج مشورتكم أوى
وأسف جدآ على الأطالة

**baobi** · 19-03-2007, 07:21

plz i want the site of YAT

**elmadysm** · 19-03-2007, 14:36

اخر كلام
ادخل موقع ميكروسوفت التالى
https://directory.microsoft.com/mprd...geDropDown=173
اختار PARTNER
ثم ابحث
ستجد عدد الشركات حوالى 710 شركة
منهم بارتنر
و منهم جولد بارتنر
و منهم ريجسترى بارتنر