أسعار أحدث الهاردوير في مصر ( متجدد ).

[| Fusion |]

لسلام عليكم انا عضو جديد ومعجب اوى بالمنتدى ده اوى وكنت عايز اجمع كمبيوتر فى حدود 4000 جنيه ويكون امكانياته كويسة و كنت عايز اعرف مول يكون سعره مناسب اشترى منه هذه الحاجات

اخي احمد الديب.. ميزانيتك كويسة جدا...

بس يا ريت اعرف ايه استخدامك للجهاز ؟؟ .. عشان نختار افضل حاجة تناسب احتياجك

[wxxycd]

والنبى عايز اعرف سعر البوردة الجيجا بايت 865بكام بسرعة الله يبارك فيكم

[شريف فرغلى]

الف الف الف شكر ياباشا على متابعه الاسعار وفعلا انا استفدت جدا من اسعار مكونات الهاردوير للكمبيوتر ياريت تتابع على طول الاسعار لمساعده الاعضاء الف شكر مره تانيه

[yasser_mohsen]

سلامو عليكم
ممكن اعرف سعر كارت xfx 8800 GTS 320MB , 8800 GTS 640
و كنت عايز اعرف من حيث نوع ال motherboard انهي احسن XFX 680i LT or MSI 975X
شكرا

[| Fusion |]

كلم توكيل XFX على الرقم دا: 19499

لان الكارتتين دول بييجوا بالطلب .. اتصل و استفسر

و بالنسبة للبوردات.. بوردة ال680i LT XFX اداءها اقوى من ال MSI 975X .. و هتلاقي سعرها اعلى

بالتوفيق..

[cyber007]

يا جماعه عاوز اخد رايكو فى جهاز كده وسعره كويس والا لا

بروسسور AMD 4200+ ATHLON X2 ب 550 جنيه
ماذر GigaByte S3 V+S+L بس محددتش نوعها ومكتوب ب 550 جنيه وفيها كارت 6100
رامات 512 DDR2 وطبعا مش مكتوب نوعها ومعموله 110
كارت الشاشه بقه لقيت حاجات كتير مش عارف انسب حاجه فيها ايه
XFX 7300 GT 256MB ب 625 جنيه
XFX 7200 GS 256-512 =385LE
XFX 7300LE=128-512=370
XFX7300GS 256-512 = 440 LE


CASE DOLPHIN = 155LE

انا طبعا من زمان مش متابع اخبار كروت الشاشه ومش عارف انهى اللى معقول فى دول باعتبار انه فتره وهيتغير تانى وهل خاصيه ال Turbo-Cash اللى فى الكروت دى بتاثر على ادائها ياعنى ال GS مثلا فيه 256 وممكن يوصل ل 512 من رامات الجهاز وارخص من ال GT اللى مفهوش الTC دا هل كده انا فاهم الموضوع صح والا ال GS و ال GT بتفرق فى ال Chip من الاساس مش موضوع رامات وبس ؟؟؟


ياريت يا جماعه عاوز رايكو لو فيه حاجه احصن او حاجه ملهاش لازمه وسعرها عالى تقترحو ايه

وبعد الجهاز دا برضو هل ال intel بنفس السعر تقريبا هيبقى كويس والا ال AMD احسن ؟

[cyber007]

اسف نسيت اسال على الكروت ال ATI هل افضل برضو فى نفس مستويات الاسعار دى وال nVidia كويسه ؟؟؟

[hamido]

البروسيسور ال amd ده سعره ممتاز توكل على الله و اشتريه .. بالنسبة لبوردات amd فانا معنديش فكره عنها لكن لو ناوي تجيب كارت شاشة منفصل يبقى من الافضل تجيب بوردة خالية من كرت شاشة مدمج لأنه بيحد من قدرات البوردة.

الرامة أفضل اشتري رامة 1 جيجا ماركة زي كينجستون او هينكس او اليكسير او ابوجي( من توكيل شينتك ) .. على انك ممكن تزود عليها في المستقبل كمان 1 جيجا و تبقى شغال DUAL CHANNEL

الكيسة الدولفين كويسة خاصة الجديدة اللى بها مروحة جانبية 12 سم. ,و السعر جيد جدا بس اعتقد هتحتاج تغير الباور بتاعها

كرت الشاشة انا ارشحلك
CHAINTEC 7300 GT 256MB DDR3 580 LE
XPERTVISION 8500 256MB GT 520 LE

و من ATI
PALIT X1600 PRO 128MB DDR3 350 LE
و في كذا موديل تاني من ATI بس مش عارف اسعارهم

و اخيرا موقع يحتوي على بعض الاسعار ممكن يساعد
https://www.pcegypt.com/index.asp

[cyber007]

الف شكر يا hamido على الرد
بس عندى ملاحظة هوا كارت الشاشه التانى ال 8500 ارخص من ال 7300 ازاى ؟

[love_mido]

سعره كام فى مصر

INTEL CORE 2 DUO E6420 2.13GHz FSB 1066MHz 4Mo cache socket 775

GIGABYTE G33-DS3R
:confused:

[hamido]

انا كنت شفته من حوالى شهر في محل في سوق العصر الدور الأرضي بالسعر المذكور .. بصراحة لقطة و انا لي مشاركة في هذا الموضوع في صفحة 13 من تلات اسابيع ذكرت فيها الكلام ده.

و على فكرة أداء الكارت يعتبر زي 7300 Gt العادي مش ddr3 و لكن ميزته عنه انه بيدعم DX 10 و التقنيات الحديثة.
بس مش عارف اذا كان الكارت لسه موجود بالسعر ده و لا لا

بالتوفيق

[someone2010]

يا جماعة ممكن بس أي حد فايت على مول السخاوي يجبلنا ورقة أسعار الهاردوير و يقولنا على الأسعار الجديدة أو يعملهلنا سكان ؟؟(BB)(B)

[someone2010]

هوه شريف مش بيجي ليه؟؟
أحنا محتاجين الأسعار الجديدة!!!!!!!!!!!

[| Fusion |]

عايز اسعار ايه بالضبط؟

[smartf]

ممكن أسعار كروت الستالايت ؟