السلام عليكم ورحمة الله وبركاته
إخواني ... أخواتي ( مع اني لا أرى أي أخوات في المنتدى ... ) المهم :
انا يا جماعة كتبت الكلمتين دول مش علشان كل واحد يدخل يجامل أو يقول بؤين حلوين والسلام
لأ يا اخواننا
انا عايز كل واحد يقول رأيه ويبحبح ... يعني يقول ويستريح ويرحرح ويكتب بالتفصيل الممل
لكن بشــــــــــرط أساسي
وهو انك ماتخافش ... أيوا مرة من نفسنا نكتب بدون مجاملات ، نقول رأينا بكل صراحة ووضوح
اكتبوا واتوكلوا على الله
عارفين هاتكتبوا إيـــــه ؟؟
هاتكتب رأيــــك
عارف هاتكتب رأيك في إيه ؟؟؟
اها ... هاتكتب رأيك في المنتدى ده
اه المنتدى ده ... رجعت ليه ؟؟ مش قلنا ماتخافش وماتجاملش !! ؟؟
اكتب رأيك يا عم وقول اللي على كيفك واللي انت شايفه
اكتب وقول توقعاتك للمنتدى لما سجلت فيه
واكتب وقول انت لقيته زي ما توقعت ولا لأ
اكتب وقول المنتدى دلوقتي حاله إيه ؟
اكتب وقول انت عايزه يبقى إزاي ؟
مش هاقول تاني واكيد انت فهمتني ... وانت كمان .. وانت وهو
وانا برضو هاكتب ... بس مش دلوقتي
عارفين ليه ؟
عشان عادتنا ان هايطلع لي احد الإخوة ويقول ... اكتب انت الأول وبعدين هانكتب
صح !! لكن مش معنى اني اكتب موضوع يبقى لازم ابدأ ، مش كفاية اني صاحب فكرة ؟
كده كده مش هاتأثر بأي رأي مهما كان صاحبه عزيز علي او حتى عكس كده
اتفقنا ؟؟
يبقى نقول بسم الله .........