ان شاء الله بتاريخ 18 - 10 - 2007 .. انتل هتنزل معالجاتها الجديدة المصنعة بتكنولوجيا ال 45nm (بدون الخوض في التفاصيل التقنية) و هينزل منها Dual Core و Quad Core ..

و التاريخ دا شايفو مهم في نقطتين:

1) تكنولوجيا جديدة و اداء افضل و استهلاك طاقة اقل هتوفروا هذه المعالجات الجديدة..
2) هبوط اسعار معالجات ال Core2Duo و ال Core2Quad المصنعة بتكنولوجيا ال 65nm و ال 90nm و هي المتوفرة حاليا في السوق.. بمعنى انه اللي ناوي يجيب جهاز جديد و محترم, يستنى على الأقل لغاية التاريخ دا او بعده بقليل عشان نشوف الدنيا هتمشي ازاي و الاسعار هتعمل ايه .. خصوصا ان AMD كمان هتنزل معالجاتها الرباعية النواة (Phenom) .. فاسعار المعالجات من الشركتين لازم هتنزل الفترة دي..

و كاتبين في موقع انتل انهم متفائلين جدا بالرقم 45, شوفوا عشان ايه:
1) في عام 45 قبل الميلاد, انتصر يوليوس قيصر على جيوش الأعداء انتصار كبير جعله حاكم روما الأعظم !!
2) في عام 1945, جيوش الحلفاء Allies انتصرت على جيوش المحور Axis !!

و بيقولوا في الموقع ان الانتصارين دول عملوا تغيرات كبيرة جدا في العالم و جعلته يتجه اتجاه جديد.. و طبعا كل دا عمالين يلمحوا ل AMD بمناسبة الحروب و الانتصارات و كلام الدعاية الكبير اللي شغالة فيه انتل دا !! .. يا ريت فعلا AMD تستفيد من انتل في موضوع الدعاية لان فعلا مفيش دعاية و لا تسويق كافي يبرز اداء معالجات AMD .. و ربنا يسهل و نشوف معالجات Phenom الرباعية النواة من AMD تقدم أداء منافس, لان كل دا في مصلحة المشتري.. اللي هو احنا...

تعديل و خطأ غير مقصود:
يبدو اني أخطات في فهم ما قصدته انتل بهذا التاريخ و التصحيح هو انه سيفتح خط انتاج جديد بهذا التاريخ و ليس نزول المعالجات للأسواق.. بس بالنسبة للي كاتبينه على تفاؤلهم برقم 45 فهو صحيح..و هذه هي لينك الخبر و لكن من موقع cnet
https://news.com.com/8301-10784_3-9775443-7.html

و اعتذر عن هذا الخطأ الغير مقصود.. و تحياتي للجميع