أنا مش عارف إذا كان مسموح لي بالإجابة على الأسئلة أنا وباقي الأعضاء ولا إيه ولذلك إذا كان ممنوع فبرجاء تنبيهي لذلك وحذف المشاركات.
في هذا السؤال لازم تبص كويس على عدد الهوست وتشوف الماسك المناسب
الأول خلي بالك من الأرقام الجايه ( قوى 2) وهتعرف فايدتها بعدين
4 - 8 - 16- 32 - 64 - 128 - 256-
2 - 6 - 14 - 30 - 62 - 126 - 254
تعالى نحل المسألة
معلوم إن ip بيتكون من 32 بت ، 30/ معناها عدد 1 = 30 يبقى عدد 0 =2 ومن خلال الأصفار أنا بحسب عدد الهوست الممكنة بالطريقة التالية:
30/ ip يعطيني (32-30 = 2) نقول 2أس 2 = 4 ، 4-2 =2 يبقى هذا الماسك يعطيني 2 ip فقط ، صحيح هم 4ip بس فيه واحد لل subnet وواحد للبرودكاست مش هستعملهم علشان كده أنا طرحت 4-2 ، وبالتالي يوضع هذا ip/30 على s0/0 للراوتر floss
ip/28 يعطيني (32-28= 4) نقول 2أس 4 = 16 ، يبقى عندي 16-2 = 14 ip شغالين يبقى دا ينفع لل fa0/0 للراوتر floss
ip/27 يعطيني (32-27 = 5) نقول 2أس 5 = 32 ، يبقى عندي 32 - 2 = 30 Ip شغالين يبقى دا ينفع fa0/0 للراوتر tooth
ip/29 يعطيني (32-29= 3) نقول 2 أس 3 = 8 ، يبقى عندي 8-2 = 6 ip شغالين يبقى دا يصلح ل fa0/0 للراوتر Gum
أكيد كده عرفت إيه فايدة الأرقام اللي أنا كتبتها فوق
4-8-16-32 ..... دي مقدار الزيادة بين كل subnet وأخرى والأجهزة المتاحة هتكون أقل دايمًا بـ 2
يعني لو مطلوب منك 16 جهاز مش هينفع تاخذ 28/ لأنه يعطيك 16ip ولكن 14 فقط هم الي صالحين وبالتالي لازم تاخذ الماسك اللي يعطيك عدد أكبر من 16 وهو /27.
أتمنى أن أكون قد أفدتك
المفضلات