اولا اسف علي التأخير في الرد
الافكار كلها جميله
حلمنا هو انشاء وادي سيليكون اخر في الوطن العربي
السلام عليكم
السلام عليكم ورحمة الله وبركاته
استاذ جودة اخوانى اعضاء المنتدي الكرام انا اسمي محمد طالب بكلية هندسة منوف
احنا عملنا جروب اسمه learn to be عندنا في الكلية
غايتنا من الجروب دا اننا نعمل نهضة في البلد كلها
بدأنا بعمل كورسات مجانية للطلبة في المجالات اللي عندنا ناس قادرين انهم يشروا فيها
احنا كلنا طلبة في طلبة
يعني اللي بيشرح غالبا بيكون طالب متميز او اخد كورس او كدا يعني
وكمان اتفقنا مع جمعيه خيرية وفرت لينا الاب اللي نشتغل عليه وكمان اتعرفنا علي واحد قوي جدا في التنمية البشرية من الجمعيه دي وبيدي حاليا كورسات تنمية بشرية بردو مجانية للطلبة اللي بيحضروا كورساتنا
احنا عاوزين نعملل وادي سيليكون تانى غير اللي في امريكا بس يكون علي ارض عربية
هدفنا نعمل نهضة تخدم دينا وتخدم بلدنا
الكورسات اللي احنا شغالين فيها دلوقتى هي
لينوكس
VHDl
ويب ديزاين
C programming under linux
تنمية بشرية
مع بداية الدراسة هانبدأ ان شاء الله نفس الكورسات ومعاها هانحاول يكون في
جافا
شبكات زي ccna مثلا
انا شايف ان دا ممكن يكون ليه علاقة بجامعة عرب هاردوير اللي افضالها علينا كتيييييييييييير جدا
ممكن مثلا نصور الكورسات فيديو وﻷننا طلبة نعرضها علي المشرفين المختصين يقولوا رأيهم ولو عاجبتهم واقتنعوا فعلا اننا علي المستوي المطلوب ممكن نحطها في المنتدي
دا احد التصورات اللي في دماغي للتعاون بين الجروب بتاعنا وجامعة عرب هاردوير
يا ريت لو حضرتك شايف ان ممكن يكون في استفادة معينه او اننا ممكن نساعد بحاجه او ممكن يكون في تعاون او او او يا ريت تبعتلي علي طول
انا مش متأكد بس اعتقد ان حضرتك احمد جودة اللي كان بيشرح mcse
لو حضرتك هو الشخص دا فعلا فحضرتك تمثل نقطة بدايتى في عالم الاي تي واكيد حضرتك هاتفهم فكرتنا صح
قريب جدا هايكون للجروب بتاعنا ويب سايت بس حاليا احنا عملنا جروب علي الفيس بوك لو حضرتك تحب تاخد فكرة عنه
https://www.facebook.com/home.php?ref...id=79203082630
في جروب كمان كبير جدا ومشهور اسمه CAT في المنصورة وعاملين شغل كبير جدا علي اللينك التالي
www.cat-hackers.com
في جروب من فلسطين بردو اتعمل قريب اسمه NPFS ليه نفس الاهداف تقريبا اتعرفنا عليهم من مجتمع لينوكس العربي
كان في اتفاق بين الجروب بتاعنا والجروب دا اننا نشرح لينوكس بس نفس المنهج اللي يتشرح عندنا هو نفسه اللي يتشرح عندهم وفي الاخر نعمل امتحان موحد الطلبة اللي عندنا والطلبة اللي عندهم يمتحنوا علي النت في نفس الوقت ونفس الامتحان واللي هاينجح ياخد شهادة عليها اسم الجروب بتاعنا L2B والجروب بتاعهم NPFS وسمينا الشهادة بتاعت الكورس الاول
LEU او بمعنى اصح Linux Efficient User
هل هاينضاف اسم تالت للشهادة يديلها قيمة كبييييييييييرة جدا جدا جدا وهو اسم ArabHardware ??
وهل نقدر نجمع كل اللجروبات المتفرقة دي تحت راية واحدة علشان نعمل نهضة؟؟؟
انتظر رد حضرتك وباقي الاعضاء علي احر من الجمر
ضوابط المشاركة
المفضلات