قائمة بأسعار قطع الكومبيوتر في سوريــة

[The Mysterious]

أعتقد هي نفس التّقنيّة..
OLED=Organic LED
الشّاشات المضاءة بالدايودات تختلف عن الشّاشات التي تعمل عن طريق الدّايودات نفسها،لكن أعتقد أنّ كلاهما يستخدم الدّايودات العضويّة الضوّاءة، و السّبب الذي يدفعني لذلك الاعتقاد أنّه إذا دخلت لموقع SAMSUNG(على ما أذكر) فستجد أنّ الشّاشات الحديثة مسمّاة LCD OLED..

هلا أخي رامي كلامك صحيح، لكن الديودات العضوية المستخدمة مع OLED فقط، تختلف بنيانيّاً عن التقليديّة المستخدمة مع الـLED..
إذا كنت من هواة التبحّر، راجع هذا المقال العلمي للدكتور حازم سكيك، بحثتُ لك عنه حتى وجدته، هات لشوف شو بيطلعي :D
https://www.trgma.com/index.php?opti...id=9&Itemid=14

[ramy]

المقال موجود لديّ (راح تعبك على الفاضي :D لكن مشكور ) لكن عموماً هو مقال ممتع و مفيد أنصح الجّميع بقراءته..
لكن هل تقصد أنّه يوجد شاشات مضاءة بالـ LED و أخرى مضاءة بالـ OLED و أخرى تعمل فقط عن طريق OLED؟
أعتقد (و غير متأكّد) أنّ الدّايودات غير العضويّة غير قابلة لأن تصنّع بأحجام صغيرة جدّاً، و الشّاشات التي تعتمد على الـ LED هي عادة شاشات رقميّة مضيئة مثل شاشات الميكرويف، بحيث أنّ الكتابة المضيئة التيي تظهر عليها هي عبارة عن دايودات مسطّحة..

[The Mysterious]

ولو شو مو مستأنس أساسا انتو شمعة هالليل وأهلا وسهلا بأخي SK8ER BO1

لا أنا بس حبيب ارمي هالخبر متل القنبلة واهرب :D أساسا انا ما عندي فكرة عن السواد الي بتحكو عنه

لكن بحب تكون عندي شاشة مثلها , الله يرزقنا .

ههههههههههههههه...

صاير من جماعة الفتيشات :D :D..بالنسبة للسواد أنا شفتو بس ما قارنتو بشكل مباشر مع الـLCD ..بالمناسبة عمبحكي علتلفزيونات.

الله يرزقك ويرزقنا يارب، على فكرة أخوي أنا LCD ماعندي حتى لسه :D :D، الله يديم علينا الـCRT واضل عيونا عمتتأعور :D :D..

ربي يديمك أستاذنا الأيوبي والله اتعلمت منك واستفدت كتير ، وتسلم كلّك ذوق على هل الكلام الحلو، بس والله كنت عمبمزح معك لا تاخد عخاطرك ها .

[The Mysterious]

والله أبو الرام مادام عندك المقال وقرأته واستمتعت فيه فأنا عاجز عن الرد عليك، يعني بالألم نشرح لا بقه تسألني خيّو :D :D..

[The Mysterious]

لعمه طيّرنا مشاركة أبو الخل بسرعة ولسه مالحق حدا يشوفه :D، ضروريّة ..

أسعار ذواكر SILICON POWER :
512 MB DDR1 PC400 BOX = 850 S.P
1 GB DDR1 PC400 BOX = 1575 S.P
2 GB DDR2 PC800 BOX = 2050 S.P
2 GB DDR2 PC1066 BOX = 2650 S.P
2 GB DDR3 PC1333 BOX = 2650 S.P
ويتوفر أيضا من هذه الماركة هادات خارجية وفلاشات.
ومتوفرة عند محل فيوتشر هاوس في حلب.

[Kh@LiL]

لعمه طيّرنا مشاركة أبو الخل بسرعة ولسه مالحق حدا يشوفه :D، ضروريّة ..

:D:D مو مشكلة كلو في سبيل العلم بيهون

[ramy]

والله أبو الرام مادام عندك المقال وقرأته واستمتعت فيه فأنا عاجز عن الرد عليك، يعني بالألم نشرح لا بقه تسألني خيّو :D :D..

المشكلة في المقال أنّه لا يوضّح هذه النّقطة و كلّ ما ذكرته بردودي مجرّد تكهّنات قد تصحّ و قد تخطئ..

[SK8ER BO1]

لعمه طيّرنا مشاركة أبو الخل بسرعة ولسه مالحق حدا يشوفه :D، ضروريّة ..

أنا اسف أخي خليل - روحتلك قائمه أسعار الذواكر بسؤالي
----------------------------------------------------------------
ألف شكر للشباب - ما قصرتو و الله
شايف صار في تفاعل رهيب بموضوع ال LED عكل حال و للأسف حتى لو كانت عنجد أحسن
و أفضل ( متل ما قلتلكن : الحاله تعبانه يا ليلى مصاري ما فيش )
رح دورلي شوي اسا بلكي بشوف شي شاشه متل الخلق و العالم و للأسف الخيارات محدوده
لأن التجار الكبار (الله يخليلنا ياهن) مختصرين الطريق علينا
و ما جايبين إلا يلي بينفع جيبتهن و بيطور أرصدتهم بالبنوك
و ألف شكر على التفاعل مع سؤالي و ردودكم المفيده
----------------------------------------------
سؤال ماذا عن ال BenQ
هل يوجد شاشات BenQ جيده في سوريا (و سعرها مقبول):D
عحد علمي في وكيلين بالشام للشركه

[Kh@LiL]

أنا اسف أخي خليل - روحتلك قائمه أسعار الذواكر بسؤالي
----------------------------------------------------------------
ألف شكر للشباب - ما قصرتو و الله
شايف صار في تفاعل رهيب بموضوع ال LED عكل حال و للأسف حتى لو كانت عنجد أحسن
و أفضل ( متل ما قلتلكن : الحاله تعبانه يا ليلى مصاري ما فيش )
رح دورلي شوي اسا بلكي بشوف شي شاشه متل الخلق و العالم و للأسف الخيارات محدوده
لأن التجار الكبار (الله يخليلنا ياهن) مختصرين الطريق علينا
و ما جايبين إلا يلي بينفع جيبتهن و بيطور أرصدتهم بالبنوك
و ألف شكر على التفاعل مع سؤالي و ردودك المفيده
----------------------------------------------
سؤال ماذا عن ال BenQ
هل يوجد شاشات BenQ جيده في سوريا (و سعرها مقبول):D
عحد علمي في وكيلين بالشام للشركه

مو مشكلة أخي، المهم توضحت الفكرة
اذا كانت ميزانيتك محدود فP 2370H هي الخيار الأنسب ضمن هذا السعر.
بالنسبة ل BenQ فهي خيار جيد للحلول الاقتصادية وسمعتها جيدة ضمن الاسواق المصرية

[The Mysterious]

ههههههههههههه...أخي SK8ER BO1، يا سيدي طوّل بالك وفش قهرك على كيفك، فرّغ هلشحنة ولا يهمك، بالنسبة لمحلاّت حلب والله أنا لما بدي اشتري قطعه معينة بفتل عكم محل متل الطحان والأفندي والأصيل وفيوتشر هاوس وبالأخير باخد من عند واي فاي (صحابي الجماعة كتير وأسعار خاصّة لإلي)، وهو فرع ثاني لشركة تُهامة (الجميليّة) ومحلّه في المحافظة (حاج مشان ماتصير دعاية :D)، بالمناسبة لاحظتُ أنّك متحمّس جداً وينتظرك بإذن الله إذا بقيت على هذا المنوال مستقبل مهني مشرق وسيساندك في ذلك أهل اللاذقية لوقوفك ضد جشع التجّار عندكم واعتبارك للتحصيل المالي في درجةٍ أدنى وبإذن الله ستكبر تجارتك مع الوقت وتصبح ذائع السيط إن شاء الله وتربّي التجّار يلي عندكن ، لكن برأيي أن تهتمّ بدراستك وبتحصيلك العلمي حاليّاً حتى تبلغ الجامعة، وإن كنت فعلاً تودّ بلوغ هدفك بشكلٍ جاد عليك بفرعٍ يختصُّ في مجال الحاسوب فمن المؤكد من أنّك سوف تبدع ووتفوّق فيه إن شاء الله، ولا مانع من بعض الطقطقة متل ما بقولو بشويّة أجهزة وكم بنتشمارك هون وهنيك :D، موفق إن شاء الله في مسيرتك .

[ماجدالمهندس]

ياريت اسعار القطع في السعودية

[Kh@LiL]

SK8ER BO1:
بالنسبة للمحلات فيوجد منها الصالح والطالح وبالطبع الأغلب يمشي مع التيار أي ما اعتادت عليه الناس من طلبها لقطع ذات أرقام عالية (P4 - GPU 1GB .......) والقليل منهم من هو متابع للمجال الذي يعمل به على الصعيد العالمي...يعني بمعنى آخر في حق عالمستهلك كمان لانو بالنهاية التاجر بدو يربح شو ماكان طلب الزبون بس لما الزبون بيكون واعي وبيعرف شو عم يشتري رح يجبر البائع على استيراد مثل هذه القطع النوعية وبالتالي ستكون هناك منافسة على الأسعار أيضا وبالنهاية يصبح الزبون هو من يختار قطعه عن معرفة كاملة ونتخلص من استغلال التجار لجهل الزبائن.
والله يجزيك الخير عالمجهود الي عم تعملوا وان شاء الله تستفيد منها وتكوّن خبرة واذا مفكر تعمل مشروع ضمن هاد المجال فأتمنى لك كل التوفيق بس بدك تصبر كتير على الزبائن لانو انا جربت وعرفت الوضع بشكل عملي .
بالنسبة للشهادة...يبدو انو حظك كان سيء عندما تحدثت مع أولئك الطلاب، هناك نسبة جيدة من من يحملون الشهادة بالاسم فقط ولكن يوجد أيضا نسبة كبيرة من الذين لديهم إطلاع كبير ضمن مجال دراستهم وخبرة كافية لذلك لاتحكم على شيء ما بمجرد تجربتك لفئة قليلة....
وبالنهاية الخبرة العلمية + الدراسة الأكاديمية تعطيك أفضل النتائج وتسهل عليك الكثير من الطرق.

ياريت اسعار القطع في السعودية

راجع هذا الموقع:
https://www.gltsa.com/forum/forumdisplay.php?f=25

[ramy]

وبالأخير باخد من عند واي فاي

لا أريد أن أذكر أسماء، و لكن هل تعلم أنّه أحد أعضاء المنتدى كان يعمل كمدير الصّالة هناك؟..

[EN.AhMeD]

لو انني اعرف ان ترشيحي لهذة الشاشة سوف يعمل مناقشات مكوكية لما ذكرتها:D
امزح فقط...
بصراحة انا لم اشاهد هذة الشاشة تعمل على ارض الواقع لحد الان...لكن الارقام المذكورة بمواصفاتها تغري العينين
واعتقد ان 90%من الشركات بدات بتصنيع جميع الشاشات بتقنية الاضاءة led ..لاسباب ذكرها الاخوة..

[ramy]

أنا بشتغل بمحل إنترنت و المحل جنب جامعة تشرين

أنت بتشتغل عند No Proxy؟