[ مراجعه شخصيه ] تعديلاتي على الصندوق المتواضع [Gamma 6C29] وإضافه مروحه اماميه و فلاتر للأتربه

السلام عليكم و رحمة الله و بركاته

الكثير منا لا يستطيع ان يشترى كيسه جديده احترافيه بسبب غلاء الاسعار الفاحش
و لذلك الكثير منا يفضل صرف ما يملكه من ميزانيه قليله على اجزاء اخرى هى اولى مثل المعالج المركزى و البطاقات الرسوميه
و غيرها من الاجزاء و لكن بما اننا دخلنا فصل الصيف فان ارتفاع الحراره هى مشكله كبيره و المعروف ان الحراره هى العدو للأجزاء الالكترونيه
و لذلك من المهم جدا ان توفر اسباب التهويه الجيده للجهاز لديك للحفاظ عليه
و لكن من المعروف ايضا ان من اسباب الحراره المرتفعه هى الاتربه و التى هى من اقوى المسببات لارتفاع الحراره
ناهيك عن دخولها الى محركات المراوح ذاتها لتعطيلها عن العمل و فى افضل الظروف تقصير عمرها
و هنا تظهر الحاجه للحصول على كيسه توفر شيئين رئيسييين على الاقل فى وجهة نظرى المتواضعه جدا و هى التهويه الجيده و فلاتر الاتربه
و خاصه لنا فى الوطن العربى فالاتربه لدينا اكثر من البشر ;) (اه تصدق D-:)

و لذلك كان الحل لى شخصيا هو القيام بعمل تعديلات على الكيسه التى املكها لكى توفر تلك الميزات دون اصرف الاموال الطائله
التعديلات رغم بساطتها الا انها بالتجربه العمليه فرقت بشكل فاجئنى شخصيا و اليكم التوضيح التفصيلى دون اطاله:

اولا الكيسه التى املكها و هى على طبيعتها و هى كيسه متواضعه جدا و هى من نوع Gamma :
(صوره من الانترت)
ملحوظه هامه جدا الكيسه تأتى بدون اى مراوح اماميه و لا جانبيه!
https://s30.postimg.org/romn8bd75/d3...2.original.jpg

و الان الى التعديلات التى تمت باضافة مروحه اماميه و اخرى جانبيه فى اسفل الباب من الداخل بالاضافه الى فلاتر الاتربه
فالمروحه الاماميه تم تركيبها و تم عمل لها زر امامى للتحكم فيها كما سترى من الصور و لكن اولا يجب توضيح ان الكيسه بها مكان متوفر خلف الواجهه الاماميه
و لكن طبعا المكان المخصص لتركيب مروحه خلف واجهة الكيسه هو مخنوق تماما لأنه يقع اسفل خلف الواجهه الاماميه للكيسه و لذلك قمت بتثبيت مروحه اعلى المكان الأصلى المخصص خلف الواجهه
و اليكم الصور و الشرح اولا هذه صوره كانت قادمه مع الكيسه
(مجرد اننى وجدت لدى هذه الصوره هى معجزه لأنها الوحيده التى اتتنى بالفكره لرؤيتى على الرسم انه يمكن فك الواجهه الاماميه و ملاحظتى انه يمكن تركيب مروحه خلفها
و المعجزه الاكبر ان الكيسه لدى منذ حوالى 9 سنوات و هذه الصوره اتت مع الكيسه !!!)

https://s17.postimg.org/dta7tzrtb/Final1.png
https://s17.postimg.org/zd5co6mq7/20...59_Burst01.png

https://s17.postimg.org/x2bvxr1cf/front-Final.png
القطعتين البلاستيكيتين كانت قادمه مع الكيسه

و الصوره القادمه توضح المروحه بعد تثبيتها:
تم تثبيتها باستخدام الفتحتان العلويتان المخصصتان لمكان المروحه الاصلى فتم تثبيت المروحه بمسماران فقط فى اسفل المروحه ليكون وضعها اعلى المكان الأصلى كما فى الصوره:
(لأن المكان المثبت فيه المروحه غير مخصص لمروحه فلا يوجد فتحات لتثبيت المسماران العلويان للمروحه)

https://s17.postimg.org/rblpk0tcf/Final2.png

و هذا الشكل من الامام بعد تركيب المروحه و القطعتان البلاستيكيتان و وضع عليهم فلتر عباره عن قطعة قماش رقيقه جدا لحجب الاتربه و هى فعاله للغايه:
قطعة القماش هى من شراب حريمى

https://s17.postimg.org/69h4rxymn/1.png
https://s17.postimg.org/y8fvwjpn3/P1.png


شكل الواجهه قبل تركيب زر التحكم:
https://s29.postimg.org/5pz2neot3/connectors.jpg



ثم الى باقى نظام التهويه داخل الكيسه:

https://s17.postimg.org/jsxyxnclr/D1.png
https://s28.postimg.org/95vbkzd65/original.png
https://s17.postimg.org/d8zs51nyn/Inside.png

و اخيرا الى النتائج العمليه :
الكيسه نظيفه للغايه و لا احتاج الا لتنظيفها كل شهرين و حتى عند فتحها اجدها نظيفه و لا استهلك غير 5 دقائق للتنظيف السريع.
و فى فصل الشتاء اقوم بغلق المروحه الاماميه عند عدم الحاجه لتقليل الضوضاء باستخدام الزر الامامى
قبل تلك التعديلات كنت احتاج للتنظيف كل اسبوعين و كنت اجد الكيسه مردومه بالاتربه!!

ولكن ماذا عن اهم شئ ؟؟ درجات الحراره؟؟
الحراره كانت قبل التعديلات مرتفه باستمرار و قد عانيت من ارتفاع درجه الحراره للمعالج المركزى حتى فى حاله الخمول
و لكن بعد التعديلات اصبحت درجات الحراره طبيعيه جدا بل و ممتازه خاصه اننا الان فى فصل الصيف
و اليكم درجات الحراره و قد فرقت ايضا مره اخرى بعد تركيب المروحه الاماميه و التى تحافظ على حراره الهاردات لدى بشكل ممتاز
حيث وصلت الحراره قبل التعديلات لأحد الهاردات الى 44 درجه !!

اليكم الحراره دون عمل المروحه الاماميه و بعد تشغيلها ب10 دقائق فقط:
(مع وضع فى الاعتبار ان التعديلات ضبطت الحراره ككل داخل الكيسه حتى بدون تشغيل المروحه الاماميه
فالتعديلات الاخرى ساعدت بشكل كبير على ضبط الحراره)

قبل التشغيل:
https://s7.postimg.org/uvhn4px0r/001.png

و بعد تشغيل المروحه الاماميه:
https://s7.postimg.org/gqbu2wnzf/002.png

تم بحمد الله لعلى وفقت فى الطرح و اتمنى الافاده للجميع
و تحيه خاصه للذى شجعنى على عمل هذا الموضوع الاستاذ (عبد الحليم D-:D-:)

ماشاء الله يااخ مصطفى ابتكار جميل مايجيش غير من واحد بيحب جهازه فعلا وموفق فى اختيار نوع القماش للفلتره ....وهل مازلت موصل مروحه الطرد الخلفيه ذات رمز N ؟

أولا شكراا جزيلا أخى الكريم

لمشاركتنا تجربتك

بمناسبه التعديل على الكيسه الأفكار لاتنتهى

وفى حقيقه الأمر لأدرى ماذا تقصد بالفلتر

أهو نوع من الشاش مثلا

بكل الأحوال سيعيق الهواء

مهما كان خفيف

أنا أعلم تماما أن رأييى لن يعجبك

( زى بعضه راجل دقه قديمه خليها عليك أنت المره دى )

أنا من أنصار الهواء المتجدد الغير مرتبط بمكان محصور ( الكيس )

طبعا من يهمه الشكل الجمالى لن يستهويه هذا الأمر

لكن الغالبيه العظمى من أنصار الكيس المغلق

خطوات دائما أتبعها أن يكون الكيس ذو حجم كبير


https://arabhardware.net/wp-content/...0315e7ea27.jpg




وأن يكون توصيل الكابلات بطريقه أحترافيه

وذلك من الجانب الخلفى للكيس

حتى لايسبب حجب للهواء


https://arabhardware.net/wp-content/...0315e80221.jpg




وطالما الغرفه ليست حاره وبها مروحه على الأقل

لاتوجد أى مشكله

حقيقه الأمر أنا دائم الأستغناء عن الباب الجانبى

ودرجات الحراره أخر همى

كما أن الأتربه لاتتراكم كما يخيل لك

لأن المراوح نفسها من أكبر الأسباب الجالبه للأتربه

وموضوع الفلتر الذى تتحدث عنه وهو كالشاش

سيعيق الهواء كما قولنا مهما كان رقيقاا

عموماا سلمت يداك أخى الحبيب

وشكراا جزيلا مره أخى على مشاركتك لنا

تجربتك الرائعه جعلها الله بميزان حسناتك

سؤال جانبى أذا سمحت

( مين الأستاذ عبد العليم ده والنبى مين هه ):):):)

اقتباس:

---

المشاركة الأصلية كتبت بواسطة yassernageb62

ماشاء الله يااخ مصطفى ابتكار جميل مايجيش غير من واحد بيحب جهازه فعلا وموفق فى اختيار نوع القماش للفلتره ....وهل مازلت موصل مروحه الطرد الخلفيه ذات رمز N ؟

---

شكرا جزيلا يا اخ ياسر و جزاك الله كل خير على التقييم,
و المروحه الخلفيه تم الغائها و تم تركيب فقط فلتر مكانها و اعتقد ان مكانها خاطئ لأن فى مقابلها مباشره مروحة الباور و اللى بتحتاج تسحب هواء و ايضا مروحه المعالج المركزى قريبه منها و تحتاج ايضا لسحب هواء :)
فلو تم تركيبها الهواء و هى فى الاساس تسحب الهواء لخارج الكسيه فأعتقد ستكون غير جيده لأن هاتسبب خنق للهواء اللى بيحتاجه مروحة الباور و هى مروحه 120 بالاضافه لمروحة المعالج المركزى .
لاكن صراحه لم اجرب انى اركبها و لكن بفكر اجرب لرؤية النتائج العمليه.

شرفنى مرورك اخى ياسر و كل عام و انت بخير.

اقتباس:

---

المشاركة الأصلية كتبت بواسطة abdalhaliem

أولا شكراا جزيلا أخى الكريم
لمشاركتنا تجربتك
بمناسبه التعديل على الكيسه الأفكار لاتنتهى
وفى حقيقه الأمر لأدرى ماذا تقصد بالفلتر
أهو نوع من الشاش مثلا
بكل الأحوال سيعيق الهواء
مهما كان خفيف
أنا أعلم تماما أن رأييى لن يعجبك
( زى بعضه راجل دقه قديمه خليها عليك أنت المره دى )
أنا من أنصار الهواء المتجدد الغير مرتبط بمكان محصور ( الكيس )
طبعا من يهمه الشكل الجمالى لن يستهويه هذا الأمر
لكن الغالبيه العظمى من أنصار الكيس المغلق
خطوات دائما أتبعها أن يكون الكيس ذو حجم كبير


وأن يكون توصيل الكابلات بطريقه أحترافيه
وذلك من الجانب الخلفى للكيس
حتى لايسبب حجب للهواء


وطالما الغرفه ليست حاره وبها مروحه على الأقل
لاتوجد أى مشكله
حقيقه الأمر أنا دائم الأستغناء عن الباب الجانبى
ودرجات الحراره أخر همى
كما أن الأتربه لاتتراكم كما يخيل لك
لأن المراوح نفسها من أكبر الأسباب الجالبه للأتربه
وموضوع الفلتر الذى تتحدث عنه وهو كالشاش
سيعيق الهواء كما قولنا مهما كان رقيقاا
عموماا سلمت يداك أخى الحبيب
وشكراا جزيلا مره أخى على مشاركتك لنا
تجربتك الرائعه جعلها الله بميزان حسناتك
سؤال جانبى أذا سمحت
( مين الأستاذ عبد العليم ده والنبى مين هه ):):):)

---

اهلا بالأستاذ عبد الحليم
مش تقول يا راجل انك نورت الموضوع :)

و الله انا ذكرت فى الموضوع ان الفلاتر عباره عن شربات حريمى لأنها اخف ماده لا تحجب الهواء وتعمل فى نفس الوقت كفلتر جيد للأتربه :)
و طبعا انا الكيسه متواضعه جدا يعنى لا يوجد امكانيه لعمل Cable Management او تحريك الاسلاك من خلف اللوحه
و عموما قد نختلف فى وجهات النظر لاكن انا شخصيا اجد الاختلاف ميزه من الله عز وجل لاثراء الافكار فوجود اكثر من فكره واحده هو شئ ايجابى جدا

و نورت الموضوع استاذنا عبد الحليم ...

طبعا بعد كلام عملاقة المنتدى عن تهوية مفيش كلام تانى انا من نوع الابحب كيسة مغلقة اكرة موت التراب وغبار فى كيسة وكان معى ومازلت كيسة ميد تك مش احترافية قمت بتركيب مروحة من وراء كيسة بس بعكس دخول الهواء للكيسة لان الباور لاسفل ويقوم بشفط الهواء فلو الاستاذ مصطفى عمل هذة الفكرة هتكون احسن وقمت بتركيب مروحة من فوق بعد عمل فتحة فى سطح الكيسة تقوم بطرد الهواء ايضا فى باب كيسة مروحة دخول هواء مثل الا اخر الكيسة وبعد عمل وجد الكيسة انخفضت درجة الحرارة بس تراب بالكوم واشتريت كيسة الرائعة كولر ماستر k550 بعدمشورة اعضاء المنتدى وخصوصا الاستاذ محمد وكان فرق كبير بين كيستين وقمت بتركيب مروحة من فوق فى الكيسة ومروحتين فى الباب دخول هواء زى ماذكر ايتاذى الفاضل عبد الحليم قمت بترتيب الاسلاك من الباب الجانبى للكيسة تهويتها تمام بس الازعاج فى التراب وغبار وشكرا

كبدايه هي فكره رائعه اخي مصطفى وبسيطه بدون تكلفه
ولكن لي عوده بعد الإتطلاع

ما شاء الله فكره ذكيه وجميله بصراحة (y)(y)

تسلم أخ مصطفي على الموضوع والفكره الجميله :)

بس ما شاء الله الكيسه فعلا نضيفه جدا ومفيش اى تراب او حاجه فى الجهاز ما شاء الله .. انت بتنضف البورده وكارت الشاشه والكيسه من جوا بالبلاور فقط ولا بحاجه تانيه ؟؟

ضهر الكيسه اسوأ مكان في الكيس كله بالرغم ان مفيش مساحه خاليه لكن عندي التراب بيدخل من المكان ده تحديداً ( Expansion Slots ) و طبعاً مروحة الريير
معرفشي التراب بيجي منين اساساً بس اعتقد بسبب المروحه مع فتح الشباك

بصراحه الفكره جميله وسهله يمكن افضل من الاسفنج نفسه اللي بيبقى موجود ورا الشبك لانه بيسد الهواء بشكل ملحوظ وحرارته بترتفع اساسا هي كانها شبك بالضبط
طالما جابت مفعول شكلي هعملها يا راجل يا طيب
كده العمليه متوقفه يا نشتري يا نسرق شرابات حريمي بدون ما حد يحس بينا :)

اقتباس:

---

المشاركة الأصلية كتبت بواسطة zozo 22

طبعا بعد كلام عملاقة المنتدى عن تهوية مفيش كلام تانى انا من نوع الابحب كيسة مغلقة اكرة موت التراب وغبار فى كيسة وكان معى ومازلت كيسة ميد تك مش احترافية قمت بتركيب مروحة من وراء كيسة بس بعكس دخول الهواء للكيسة لان الباور لاسفل ويقوم بشفط الهواء فلو الاستاذ مصطفى عمل هذة الفكرة هتكون احسن وقمت بتركيب مروحة من فوق بعد عمل فتحة فى سطح الكيسة تقوم بطرد الهواء ايضا فى باب كيسة مروحة دخول هواء مثل الا اخر الكيسة وبعد عمل وجد الكيسة انخفضت درجة الحرارة بس تراب بالكوم واشتريت كيسة الرائعة كولر ماستر k550 بعدمشورة اعضاء المنتدى وخصوصا الاستاذ محمد وكان فرق كبير بين كيستين وقمت بتركيب مروحة من فوق فى الكيسة ومروحتين فى الباب دخول هواء زى ماذكر ايتاذى الفاضل عبد الحليم قمت بترتيب الاسلاك من الباب الجانبى للكيسة تهويتها تمام بس الازعاج فى التراب وغبار وشكرا

---

شكرا جزيلا على مرورك و على الاقتراحات لكن هى الفكره ببساطه انى لا اقوم بعمل تغييرات فى جسم الكيسه نفسه و تكون التعديللات بدون تكاليف و خصوصا ان الكيسه معدنيه فلا احبذ عمل فتحات فى جسم الكيس.
و لكن كما قلت سابقا الافكار تثرى المواضيع و يستفيد منها الجميع فربما شخص اخر يجد فكرتك مناسبه له فينفذها و يستفيد و شاكر ليك اضافتك عن تجربتك و اقتراح المروحه الخلفيه افكر فى تجربته بالفعل لمعرفة النتائج.

اقتباس:

---

المشاركة الأصلية كتبت بواسطة Black_Spy

ما شاء الله فكره ذكيه وجميله بصراحة (y)(y)

تسلم أخ مصطفي على الموضوع والفكره الجميله :)

بس ما شاء الله الكيسه فعلا نضيفه جدا ومفيش اى تراب او حاجه فى الجهاز ما شاء الله .. انت بتنضف البورده وكارت الشاشه والكيسه من جوا بالبلاور فقط ولا بحاجه تانيه ؟؟

---

شكرا جزيلا على الكلمات الطيبه جزاك الله كل خير
صراحه لا املك بلاور و لكنى كنت فى السابق انظف بقطعة قماش جميع القطع
اما الان فأنا افتح الكيس فأجدها نظيفه الى حد كبير فمجرد افصل التيار الكهربى ثم امر علي الاسطح بقطعة قماش و انفخ فى المراوح فقط
و احيانا ان وجدت اتربه ملتصقه بريش المراوح فانى انظفها باصبعى.

اقتباس:

---

المشاركة الأصلية كتبت بواسطة phenomenon

ضهر الكيسه اسوأ مكان في الكيس كله بالرغم ان مفيش مساحه خاليه لكن عندي التراب بيدخل من المكان ده تحديداً ( Expansion Slots ) و طبعاً مروحة الريير
معرفشي التراب بيجي منين اساساً بس اعتقد بسبب المروحه مع فتح الشباك

بصراحه الفكره جميله وسهله يمكن افضل من الاسفنج نفسه اللي بيبقى موجود ورا الشبك لانه بيسد الهواء بشكل ملحوظ وحرارته بترتفع اساسا هي كانها شبك بالضبط
طالما جابت مفعول شكلي هعملها يا راجل يا طيب
كده العمليه متوقفه يا نشتري يا نسرق شرابات حريمي بدون ما حد يحس بينا :)

---

هذه حقيقه فعلا فتح الشبابيك فى بلدنا مصر يأتى بكميات مهوله من الاتربه و من ثما تقوم مراوح الكيس بالمهمه لادخال الاتربه الى داخل الكيس
و ملحوظه نوعية القماش ده لازم يتشد على الجزء المراد فلترته لكى لا يمنع دخول الهواء و هو قماش مرن بالاساس.
بالنسبه للشرابات ممكن لو شخص متزوج يعمل مهمه مستحيله لزيارة درج الشرابات الخاص بزوجته بس انا اخلى مسؤليتى من اى شئ هايحصله D-:D-:
اما لو مش متزوج فيروح للست الوالده و معاه بوكيه ورد ويقولها كل سنه و انتى طيبه ده النهارده عيد الام .. ممكن اطلب منك طلب؟D-:D-:
شرفتنى اخى ابراهيم و شكرا جزيلا على المرور.

ما شاء الله اخى فكره حلوه وهنفذها قريب بس عاوز احطك فى الصوره انا الكيسه تجاريه بحته بس قايمه بالغرض اسمها ماتركس
دلوقى البور بدون مروحه ومعنديش غير الفتحه واحده فى الباب امام المعالج والتانيه فى خلف الكيس مراوح صغيره طبعا وممكن احاول
اعمل واحده اماميه مثلك ايه اللى شيفه احسن اعمله. والمروحه الاماميه كانت اتجها لايه بالظبط

اقتباس:

---

المشاركة الأصلية كتبت بواسطة ahmed_sky8

ما شاء الله اخى فكره حلوه وهنفذها قريب بس عاوز احطك فى الصوره انا الكيسه تجاريه بحته بس قايمه بالغرض اسمها ماتركس
دلوقى البور بدون مروحه ومعنديش غير الفتحه واحده فى الباب امام المعالج والتانيه فى خلف الكيس مراوح صغيره طبعا وممكن احاول
اعمل واحده اماميه مثلك ايه اللى شيفه احسن اعمله. والمروحه الاماميه كانت اتجها لايه بالظبط

---

اهلا و مرحبا بيك اخى العزيز,
لو ممكن تصور الكيسه من الخارج والداخل صور تظهر المراوح و اماكنها و ايضا الواجهه الاماميه للكيس يكون افضل ان امكن
و المروحه الاماميه فى الكيسه عندى تهويتها للداخل يعنى انها تسحب الهواء من الخارج و تدفعه لداخل الكيسه.

شرفتنى بمرورك اخى العزيز و سعيد جدا بافادتك و رمضان مبارك عليك.

اقتباس:

---

المشاركة الأصلية كتبت بواسطة N3V3RMiND.2016

اهلا و مرحبا بيك اخى العزيز,
لو ممكن تصور الكيسه من الخارج والداخل صور تظهر المراوح و اماكنها و ايضا الواجهه الاماميه للكيس يكون افضل ان امكن
و المروحه الاماميه فى الكيسه عندى تهويتها للداخل يعنى انها تسحب الهواء من الخارج و تدفعه لداخل الكيسه.

شرفتنى بمرورك اخى العزيز و سعيد جدا بافادتك و رمضان مبارك عليك.

---

ومبارك عليك اخى وجميع المسلمين
ده رابط موجود على الموقع لنفس الكيس تماما لاحد الاخوه الاعضاء
https://arabhardware.net/forum/showthread.php?t=439210
اما باب الكيس فتحة مروحه وحيده امام المعالج وفى اعلى الكيسه
من الداخل يوجد فتحات ايضا ولاكن ليسة لمروحه اعتقد ترها فى الصوره الثانيه
مش عارف ممكن اعمل اعمال ثقب للكيسه بحرص لتسمح لمراوح اخرى ؟؟

سلمت يداك أخي على تجربتك الرائعة

اقتباس:

---

المشاركة الأصلية كتبت بواسطة ahmed_sky8

ومبارك عليك اخى وجميع المسلمين
ده رابط موجود على الموقع لنفس الكيس تماما لاحد الاخوه الاعضاء
https://arabhardware.net/forum/showthread.php?t=439210
اما باب الكيس فتحة مروحه وحيده امام المعالج وفى اعلى الكيسه
من الداخل يوجد فتحات ايضا ولاكن ليسة لمروحه اعتقد ترها فى الصوره الثانيه
مش عارف ممكن اعمل اعمال ثقب للكيسه بحرص لتسمح لمراوح اخرى ؟؟

---

انا من خلال الصور على قد ما هو واضح عملت اقتراح ليك
انت ممكن توسع الفتحه الأماميه كما موضح فى الصوره رقم واحد و هى بلاستيك فسيكون التوسيع سهل تابع الصوره:
https://s17.postimg.org/j4blpdmzz/main.png

ثم تقوم باضافة مروحه اماميه لدفع الهواء لداخل الكيسه و يتم تثبيت المروحه الاماميه فى الجزء المعدنى اسفل الدرايفات الضوئيه مباشره فى مواجهة الفتحه التى قمت بعملها
يعنى تلصق المروحه من اعلى فى الجزء المعدنى اسفل الدرايفات ال5.25 بوصه مباشره و ممكن تستخدم مسدس شمع للصق المروحه (و هو يستخدم للصق) و كما موضح فى الصوره رقم 2:
(توضيح للمكان الذى يلصق فيه المروحه)
https://s17.postimg.org/fjfq65igf/main_).jpg

و اخيرا تقوم باضافة فلتر اتربه على الفتحه الاماميه التى قمت بعملها
و أنا ملاحظ انه يوجد فتحات فى اعلى الكيس فيمكن استخدامها لتركيب مروحه لطرد الهواء الساخن لخارج الكيسه ايضا بسهوله عن طريق استخدام الفتحات نفسها لادخال مسامير التثبيت للمروحه

اتمنى تكون الفكره وصلت ليك اخى الكريم.

اقتباس:

---

المشاركة الأصلية كتبت بواسطة neztiti

سلمت يداك أخي على تجربتك الرائعة

---

جزاك الله كل خير اخى الكريم على المرور و الرد الرائع
مبارك عليك الشهر الكريم.

اشكرك اخى على تعبك وطبعا الفكره وصلت
طب بالنسبه للباب الكيس والفتحه الخلفيه للكيس؟
مراوح الطرد مش بتحط فلاتر وله ايه؟