التليفون في صورة تانية, اللي انا عامل عليها كومنت :Dاقتباس:
وفين التليفون التيكنولوجي الخارق اللي كان محطوط علي الكرسي ؟؟:D
عرض للطباعة
التليفون في صورة تانية, اللي انا عامل عليها كومنت :Dاقتباس:
وفين التليفون التيكنولوجي الخارق اللي كان محطوط علي الكرسي ؟؟:D
- قابل بقى يامجوهر ، أنت الى جبته لنفسك.
1- كيف أصبحت مشرفا ؟؟؟ وهل تدخلت الواسطة فى الموضوعه ؟؟؟
2- هل تكون سعيدا عندما تحذف المشاركات ؟؟؟
3- هل تفرح عندما تجد موضوعا مخالفان ، وتقول هييييييييييه همسح ، همسح ؟؟؟
4- هل بتضايق لو فضلت المواضيع ملتزمة مدة كبيرة ومش لاقى حاجة تمسحها ؟؟؟
5- هل ضايقتك الأسئلة اللى فوق ؟؟؟
6- أذا كانت ضايقتك حتى ولو قليلا ، هل تتمنى أعطائى مخالفة ، حتى لو فى سرك ؟؟
7- هل أتخنقت منى بعد الأسئلة الخنقة دى ؟؟
8- أذا كان هناك مخالفة صريحة فى أحد المواضيع ولكن العضو اللى عاملها عضو مشهور ، هل هتحذفها ؟؟ أم تكتفى بالتنبية ؟؟
9- أذا أتاك شخصا لا تعرفه وقالك قييمنى أو بعتلك على الخاص بالعبارة الشهيرة " مستنى منك تقييم " هل تخالفه ؟؟
10- طبعا صلاحياتك لاتمتد اللى القسم دة ، فهل تتمنى ان مشاركتى دى تتحذف ؟؟؟
11- أول ما مسكت مشرف ، أيه أول صدام ليك مع الأعضاء ؟
12- أول ما مسكت مشرف أنا فاكر أنك كنت بتغلس علينا شوية ، بس احنا قمنا بالهجوم المركز ، هل أتضايقت مننا ؟؟؟ مع العلم أنه كان ليك كل الحق.
13- هل بتستغلسنى ؟؟؟ أو بمعنى أخر هل بتتخنق منى ؟؟ والرد هنا بعيدا عن الأسئلة السابقة. :D
14- ماذا تعتبرنا ، وأقصد الأعضاء المقربة ، بالنسبة لك ؟
15- لماذا أصبحت بتستخدم طريقتى فى التنسيق ؟؟ وأعنى هنا خط 3 واللون الأزرق ؟؟ وليه بقى كل الأعضاء بيقلدونى فيه ؟؟ https://l.yimg.com/us.yimg.com/i/mesg/emoticons7/20.gif
16- أى سؤال من اللى فوق دول تحب أنه ميكونش موجود أو تتمنى حذفه ؟؟ ولماذا ؟
- معلش يا مجوهر ، تقلت عليك شوبة ، وفيه أسألة غلسه ، بس باقى الأسئلة كنت حاططها على اللابتوب ، فأنتظرنى لما أجيبه من عليها. :D
بالراحة عالراجل شوية, كدة Over أوي. :ah32:
:p
لأ Never ابدا مش هنبطل :p
على فكره انا بكره التقليد جدا يا جماعه
لكن بحب الإقتباس
الإقتباس الحرارى او او اووو
اقتباس:
إزيك يا عم حسن ؟
كل الأسئله متاحه ( علشان خاطرك بس )....... و تحدى
الحمد لله وانت كيفك
طيب انا عندي سوالين صغار لاني لسا جديد على طريقة التحقيق دي:D
1-هل مر عليك وقت كرهت فيه المنتدى وما السبب
2-هل تاخذ وظيفتك كمراقب على محمل الجد ام على سبيل التسلية على النت(او ماهي وظيفتك تحديدا هل تختلف عن وظيفة المشرف(انا ليس لدي خبرة كبيرة في النت ) )
3-ما هو احلى خبر اسمعته في حياتك وهل يوجد امر تحب ان يتكرر معك كثيرا
واسف على الازعاج بس استحملني شوي
عم محمد الجوهري
إني أحبك في الله
ماهي الطموحات التي تريد تحقيقها :D
Who is there? GoHary?!
OMG!!!!
so as i know already u r a master of desaster in English , lets chit chat
1-What kind of "Cool:D" Comments u heared about ur name? Esp it is like the name of the old Gohary coach of Egypt?
2-Do u think that studying in English made u a difference in ur way and methdology of thinking?
3-What do u think of the modern era? is it worthy to live in? old is gold or what? :)
4-What are ur measures of girls these days? tell us ur classifications of girls the way u think u c them
5-ur next car is?
6-ur next PC Updates, not update but updates!?
7-who is ur best friend? male , female , Alien! name it! :)
8-if it weren't for Egypt to be in , where would u have loved to be? Do not tell me Egypt!
9-what is ur back up plan for the future? not the main one!
10- your best ever show that u loved like nothing else?
11-ur best food and drink?
12-can u ****?!
13-last time u had a true smile from the heart! :)
14-when u did install the 5970 Bohema , how would it fell if it did POST and BOOOOM! :ah50:
15-What is ur mom to u :)?
16-is ur dad ur best friend? or just the Dad?
Enough till now coz i am working on a D*&%#% JAva Based ERP Project :( , wating ur ansers in any written language u like to use
ربنا معاك يا جوهري ! :ah26:
هنعمل ايه يا خالد يا إبنى بقى ؟
هأبدأ الإجابه حالا
كل ده بتجاوب :D
شكل الامتحان صعب عليك يا مستر جوهرى
كرسى الاعتراف قاهر المشرفين و الاعضاء على حدٍ سواااااااااااااء
نياهههههههههههههههههههه :ah50:
بسم الله الرحمن الرحيم
اقتباس:
- قابل بقى يامجوهر ، أنت الى جبته لنفسك
حبيب هارتى ...
كل سنه و إنت طيب يا فادى بك
كل دى أسئله ؟ ... و أنا اللى عمال بقى لى أسبوع أقول الغالى الغالى
بالأسئله دى , إنت لا خليت فيها غالى ولا نفيس :D:D
اقتباس:
1- كيف أصبحت مشرفا ؟؟؟ وهل تدخلت الواسطة فى الموضوعه ؟؟؟
القصه غريبه جدا يا فادى
أنا اشتركت فى المنتدى هنا بعد فتره طويله جدا من جلوسى شهور و اسابيع اتابع مشاركاتكم و أتعلم منكم جميعا بدون إستثناءات , ناس كثير كنت دايما معجب بيهم , حضرتك و مينا و سبايدر و زيرو و كروس فاير و غيرهم الكثير , بس عمرى ما فكرت أرد مره واحده , مش نداله و الله , بس عمرى ما رديت ولا اتكلمت فى منتديات قبل كده , لانى اساسا النت جديد عليا فما لحقتش اخد على جو المنتديات و كده
المهم قررت فى يوم انى اشارك و عملت حسابى باسمى : محمد الجوهرى
دخلت شاركت على اد ما أقدر , بصوره لمنتج ( فاكرين رجل الصور ؟ ) , بكلمه سمعتها قبل كده , بأى وسيله ممكنه
لحد ما جه اليوم اللى اشتريت فيه جهازى و نزل سبايدر قابلنى و ساعدنى فى الاختيار و الشراء , و ساعتها حسيت ان ربنا انعم عليا بحد يساعدنى فقررت انى اساعد و أرد جزء من الجميل للمنتدى ده , بدأت أشارك أكتر و أصور جهازى و أساعد اى حد مقبل على الشراء و شويه و عملت موضوع الكيبل مانجمنت الى فى توقيعى ده ...
و مــــــــــرت الأيــــــــــــــــام ......
حتى جاء اليوم اللى حصلت فيه مشكله , أخ راح يشترى من ماكسيمم هاردوير و أحس بنوع من اللامبلاه و عدم الإهتمام به من جانبهم , و جه يتكلم عن الشركه بشكل يسئ اليهم , لحد دلوقت عادى , انما اللى مش عادى انى انا بنفسى جربت معامله الناس دول و هما ما يعرفونيش , فتدخلت طبعا و دافعت عن ماكسيمم بدون أى تحيز و بمنتهى الهدوء و العقل
فى نفس اليوم ... وصلتنى رساله من أخى و أستاذى محمد فيوجن
بيعرض عليا فيها انه يرشحنى للإشراف , و بينى و بينك أنا تفاجئت و خفت انى ما اكونش على قدر المسؤوليه
و كان سبب رفضى انى معرفتى بالهاردوير ضعيفه و صعب انى اصحح للناس أخطائهم ( لا أصلح مراقب تقنى يعنى ) و هو رد عليا و قال انى مش مطلوب منى غير العمل الإدارى فى المنتدى فقط , و قلت له توكل على الله و نسيت الموضوع .....
بعدها تقريبا بشهر او إثنين مش متذكر ... كنت فاتح المنتدى الساعه بالليل و كان عادى
قمت أعمل سندوتش :D
رجعت بعمل ريفريش لقيت الصفحه شكلها اتغير , و الله يا فادى اترعبت فى الأول لما لقيت كروت صفرا و كروت حمراء و عنوان الآيبى و فيــــــــــــــــــن ببص على إسمى فى ملفى الشخصى و عرفت إنى بقيت مشرف
فى الحقيقه أنا فهمت نص السؤال الأول , إنما فكره الواسطه دى مزعجه أوى ( أنا بكره الواسطه و نفسى نتخلص من فكره الواسطه فى المستقبل تماما )
و للرد على سؤالك ... زى ما قلت لك سابقا : أنا لم أتقدم للإشراف و لم أطلب أن أكون مشرف ولا حتى كان ليا أى علاقات بأى مشرفين قبلها ... و لكن القصه مشيت زى ما قلت لك كده ....
و من منطلق الشفافيف و المصداقيه ( مصطلح حكومى ) , إتفضل دى المستندات الرسميه :D:
اقتباس:
2- هل تكون سعيدا عندما تحذف المشاركات ؟؟؟
بص مشاعرى أثناء حذف المشاركات بتقع تحت تقسيمتين :
1- حزين :
لما صاحب المشاركه يكتب مشاركه طويله عريضه ( و هى مخالفه ) , و الله يا فادى ببقى زعلان لما بمسحها
بحس انى انا اللى تعبت فى الكتابه و الرد .. بس هأعمل إيه , مخالفه بقى !!
2- فرحــــــــــــان :
لما بلاقى مشاركه غريبه شاذه وضيعه مالهاش أى محل من الإعراب
مشاركه فيها تجريح لأحد , مشاركه فيها تضليل , مشاركه فيها إستفزاز
مشاركه إستظراف !! , و غيرها من المشاركات اللى الصفه المشتركه فيهم حرق الدم
اقتباس:
3- هل تفرح عندما تجد موضوعا مخالفان ، وتقول هييييييييييه همسح ، همسح ؟؟؟
مخالفان !! :D:D
ماشى .... اه لما بلاقى موضوع مخالف ببقى فرحان إنى هأحذفه و هأنضف الصفحه
و أخلى شكلها أحسن , و أظن ده هيبقى شعور أى حد حريص على لمصلحه العامه
مره واحد فى القسم بتاعى كان عامل موضوع عن فوز مصر ... بقيت سعيد جدا و أنا
بحذف الموضوع , و فى نفس الوقت بقيت حزين على الشخص اللى بيتصرف بغرابه
كده , و بقيت أقول : ربنا يهديه
اقتباس:
4- هل بتضايق لو فضلت المواضيع ملتزمة مدة كبيرة ومش لاقى حاجة تمسحها ؟؟؟
يـــــــــــــــــــــــــاه .... ببقى مستمتع بشــــــــــــــكل
فعلا ببقى مبسوط جدا و انا بشوف كل حاجه ماشيه كما ينبغى كده , لدرجه إن أحيانا بتبقى فيه بعض المشاركات المخالفه فى الوسط , و لكنى بأتغاضى عنها و بقول عادى مش مشكله
ببقى مبسوط أوى لو عدى إسبوع ما أحذفش مشاركات ... ببقى حاسس ان الدنيا تمام و الناس مش زعلانه من بعض و ان الوضع ماشى زى الحلاوه ....
و يا حبذا لما يعدى إسبوع كده و ما حدش يعمل تقرير بمشاركه سيئه فى قسمى , بحس إنى فرحــــــــــان جدا
اقتباس:
5- هل ضايقتك الأسئلة اللى فوق ؟؟؟
كنت متخيل إنك هتسأل أسئله أصعب من كده
إنما دى الأسئله أليفه خالص ما شاء الله :D
بالعكس لم أتضايق ... د أنا قلت و لسه هأقول كلام نفسى أقوله
يلا بينا نكمل ؟
اقتباس:
6- أذا كانت ضايقتك حتى ولو قليلا ، هل تتمنى أعطائى مخالفة ، حتى لو فى سرك ؟؟
يعنى إيه ؟
هو كل حد قال لى كلمه تضايقنى هأدى له مخالفه ؟ ... بالعكس طبعا .. المفروض أكون إنسان ذو صدر رحب و أستقبل الكلام بشياكه و اخويه , ما ينفعش أدى لحد مخالفه طالما إنه لم يتجاوز حدود الادب , و إنت يا مستر فادى الإحترام بعينه :)
ولا حتى فى سرى ...
عارف , انا متهيأ لى صاحب أقل عدد من المخالفات للأعضاء ... إيه رأيك ؟
دايما لحاول أحل الامور بشكل سلمى , و مش بحب أوصلها لحد المنافسه
بكره الدكتاتوريه و سوء إستغلال المنصب .
اقتباس:
7- هل أتخنقت منى بعد الأسئلة الخنقة دى ؟؟
لو سمحت , ما تقولش على الأسئله الجميله دى خنقه
و بعدين صعب أوى حد يتخنق منك يا فادى بك
ملحوظه : أوعى تفتكر إنى بثبتك :D مش طبعى الحمد لله
اقتباس:
8- أذا كان هناك مخالفة صريحة فى أحد المواضيع ولكن العضو اللى عاملها عضو مشهور ، هل هتحذفها ؟؟ أم تكتفى بالتنبية ؟؟
معظم الأعضاء المشهورين مش بيخالفو فى القسم بتاعى الحمد لله
دايما تلاقيهم فى الأقسام التقنيه
و عموما ... لا أحد فوق القانون على رأى مينا
بمعنى إن لو إتخذنا الحاله اللى انت ذكرتها كمثال : بحذف المشاركه و بنبهه على الخاص
و لو المشاركه تستدعى أن يتم مخالفته فلن أتردد لحظه ... لا تفرقه بين عضو قديم و عضو جديد
صحيح فيه مراعاه شديده من طرفى للأعضاء القدامى , بس مش لدرجه التغاضى عن المخالفات
اقتباس:
9- أذا أتاك شخصا لا تعرفه وقالك قييمنى أو بعتلك على الخاص بالعبارة الشهيرة " مستنى منك تقييم " هل تخالفه ؟؟
كان زمانى عملت مخالفات بالجمله :rolleyes:
و لكن : هأخالفه ليه ؟
هو عمل حاجه غلط لا سمح الله ؟
بالعكس , ده عمل موضوع و تعب فيه , و نفسه يلاقى حد يقيمه و يشكره على موضوعه
و طمعان فى كرم الاعضاء و أنا شخصيا بقيمهم جميعا ... و إسألهم :D
لتانى مره : أنا لست ديكتاتور !!
اقتباس:
10- طبعا صلاحياتك لاتمتد اللى القسم دة ، فهل تتمنى ان مشاركتى دى تتحذف ؟؟؟
تتحذف ليه ؟
بالعكس , د أنا هأقيمك عليها لو السماعات سمحت
وو عموما لو كانت ضايقتنى أو جرحتنى مثلا او ما عجبتنيش
كان ممكن أعتذر عن الرد , أو أرد بشكل خفيف
او فى أسوأ الأحوال اعمل تقرير بمشاركه سيئه او أكلم حد من إخوانى يحذفها
اقتباس:
11- أول ما مسكت مشرف ، أيه أول صدام ليك مع الأعضاء ؟
ما أعتقدش إن كان فيه صدامات بمعنى صدامات
الأعضاء كانو و مازالو متفهمين جدا للقوانين و أضف إلى معلوماتك
ولا استنى أكمل و بعدين أضيف لمعلوماتك :D:D
أقدر أقول لك أشهر صدامات : يوم ماتش مصر و الجزائر , و يوم مباراه الجزائر و مصر
و يوم موضوع الموبايلات ( فاكره ؟؟! )
نرجع بقا لأضف لمعلوماتك :
أكثر من عضو ( من الأعضاء التقال أوى ) قيمنى و بعث لى برساله خاصه يحيونى على سياستى
و آخرها كان يوم موضوع الموبايلات !!!!
إيه رأيك ؟
اقتباس:
12- أول ما مسكت مشرف أنا فاكر أنك كنت بتغلس علينا شوية ، بس احنا قمنا بالهجوم المركز ، هل أتضايقت مننا ؟؟؟ مع العلم أنه كان ليك كل الحق.
إسمحلى يا أخى أقتبس الإجابه من سؤالك :
اقتباس:
ليك كل الحق
طالما أنا بتعامل بالعدل و معايا الحق فيما أفعله
فانا لا تؤثر فىَّ صدامات ولا مواجهات ولا أى هجوم , حتى لو كان مُركّز
و بالعكس لم أتضايق أبدا , لانى عارف فى قراره نفسى إنى طالما بعمل الصح
أكيد مش كل الناس هيعجبهم اللى أنا بعمله , فيه ناس يحبو أوى المخالفات و تحويل المواضيع
لغرف شـــــــــات , و بالتالى فأنا دوما مستعد لإستقبال أى هجوم
و الحمد لله , أقدر أصد أى هجوم
اقتباس:
13- هل بتستغلسنى ؟؟؟ أو بمعنى أخر هل بتتخنق منى ؟؟ والرد هنا بعيدا عن الأسئلة السابقة. :D
فى الحقيقه أنا هنا هأتكلم بصراحه شديده
من الاول خالص أنا عارف و متأكد إنك شخص .... راقــــــــــــــى
و بعدين لاحظت حاجه غريبه مش عارف هى صح ولا لا ؟
حسيتك بتتجاهلنى بشكل أو بآخر ( بالإضافه لبعض الاعضاء الآخرين )
ساعتها كنت بأتضايق جدا جدا جدا
و مع ذلك ظللت أحترمك و أقدرك و لو تفتكر أنا باركت لك أكتر من مره على قطع الهاردوير الجديده
منهم يوم السماعات
و لحد النهارده بحترمك جدا و بقدرك , و بتكلم عنك بكل خير مع اللى يعرفك و اللى ما يعرفكش !!
هو أنا لو بستغلسك هأعاملك بالشكل ده ليه ؟؟
و ليه هأبارك لك على حاجه مثلا ؟؟ ( آخرهم كانت السماعات تقريبا لو تفتكر )
اقتباس:
14- ماذا تعتبرنا ، وأقصد الأعضاء المقربة ، بالنسبة لك ؟
بأعتبركم إخوه كرام , و ناس نضيفه
ناس مش قادر ألاقيهم على أرض الواقع
ناس كان نفسى أعرفهم من سنين
على فكره يا فادى : أنا عانيت جدا جدا جدا من البشر اللى أعرفهم على أرض الواقع
و ما لقيتش حد كويس زي الأعضاء هنا لحد النهارده !!
اقتباس:
15- لماذا أصبحت بتستخدم طريقتى فى التنسيق ؟؟ وأعنى هنا خط 3 واللون الأزرق ؟؟ وليه بقى كل الأعضاء بيقلدونى فيه ؟؟ https://l.yimg.com/us.yimg.com/i/mesg/emoticons7/20.gif
يا ترى فيه براءه إختراع للطريقه دى فى التنسيق :D:p:ah7:
طب بلاش ... أنا بستخدمها من زمــــــــــــــان و بصراحه مالقيتش اجمل منها
و بعدين يا عم إعتبرنا بنقلدك , إنت تتضايق لو قلدناك ؟ :D
حيث بقى إن كل واحد كتب بخط مين و لون معين , بقت الكتابه و التنسيق مسجله بإسمه
فياريت سبايدر يسمحلى أسنخدم تنسيقه فى الكتابه :D
اقتباس:
16- أى سؤال من اللى فوق دول تحب أنه ميكونش موجود أو تتمنى حذفه ؟؟ ولماذا ؟
كـــــــــــــــــلا
مستنى باقى الأسئله إن شاء الله
و برضه علشان بقى صريح , فيه أسئله غريبه جدا
و بتنم عن حاجه واحده فقط : إنك لسه مش قارينى كويس , و فاهمنى غلط
إركن بس إنت على جنباقتباس:
كل ده بتجاوب :D
شكل الامتحان صعب عليك يا مستر جوهرى
كرسى الاعتراف قاهر المشرفين و الاعضاء على حدٍ سواااااااااااااء
نياهههههههههههههههههههه :ah50:
حسابك معايا عسيـــــــــــــــــــر :mad:
نسيت المستندات الرسميه
طبعا عملت مشاركه جديده مخصوص لانى مش هأعدل أى مشاركات فى الموضوع هنا :
https://i42.tinypic.com/300z8sx.jpg
طبعا بعتذر لمحمد فيوجن عن إنى نشرت رساله خاصه , بس حسيت إن موضوع الواسطه ده إتهام
إنتظرو الإجابات على أسئله هالك الجامده بكره صباحا إن شاء الله