التغطية الحصرية لتصفيات مسابقة Gigabyte - GOOC 2010 باندونيسيا - 19 يونيو 2010

يعطيك العافية وحمدالله على سلامتك اخ محمد ، اهم شي انك ما تنقص من تقديرك لنفسك ، هذه اول مشاركة وكلنا فخورين بك ، فعلا لو كان موجود شوية دعم كان ابدعت أكثر .

اقتباس:

---

غريبة يا عزيزى المفروض ان ال Liquid Nitrogen دا شديد الخطورة ومجرد لمسة للجلد بيسبب حرق للجلد يسمى بحرق على البارد فمستحيل اللى منتوا بترموا بية بعض دا كان نيتروجين سائل حقيقى فعلا نقطة واحدة من وعلى جوانتى كمان ممكن تاكل الجوانتى وتوصل لغاية ايدك وتحرقها

---

حسب كلام الاخ محمد انهم كانو يرشوا بعض ، الرش بشكل خفيف يستخدم لعلاج التواليل وبعض الزوائد الجلدية الاخرى ، الرش يعمل لسعة خفيفة واذا كان مركز على منطقة معينة يعمل حرق خفيف .

السلام عليكم
Hand vs. Liquid


https://www.youtube.com/watch?v=gjsMV1MglA4

^^^^^^
How do you know???
ممكن صاحب الفيديو يكون جايب Liquid oxygen او Liquid Hydrogen و بيقول عليهمLiqied Nitrogen
انا شفت الفيديو دا قبل كدة وطبعا ماصدتقوش
+
فى لعبة مشهورة انهم يجيبوا Liquid oxygen ويرموة فى حماما السباحة فى الايام الحر شفت فيديو كانوا كاتبين ان نيتروجين سائل
وليس اكسجين سائل لا تصجق كل ماتراة على اليوتيوب يا عزيزى
جميع انواع الغازات السائلة خطيرة واخطرها Liquid Nitrogen و liquid Helium لانها كما ذكرت سابقا تتجة الى اى مصدر حرارة لتأخذ هذة الحرارة وتعود الى حالتها الاصلية كغاز
رجاء ايقاف النقاش فى هذا الموضوع لانة ليس مكانة ولا منتداة ولا يجب علينا الدخول فى مناقشات فيزيائية ليس لها اى معنى
هنا ونحن فى منتدى تقنى ونتحدث فى موضوع عام وانا اسف بشدة لانى فتخت موضوع ليس لة اى علاقة

لالاسف لم تربح احد المراكز الاولي ...لكنك ربحت قلوب الاعضاء وجميع المتابعين العرب في كل مكان :) ..وبرئي هذة هي اكبر جائزة يمكن ان يحصل عليها المرء في هذا الوقت ..


كل اشكر لاادارين القائمين على تنظيم هذة المسابقة ...وكان بودي ان اشارك معكوم (على الاقل مشاهد :D ) من ارض المسابقة ..

والحمد لله عسلامة انت وجميع الاخوة ..
:)

اقتباس:

---

المشاركة الأصلية كتبت بواسطة اكسمان

اخواني الاعزاء انا مقدر قلقكم وتفاعلكم مع الموضوع من اوله لاخره

انا متاسف لمشاركتي المتاخره دي والسبب ان مافيش نت كويس خالص بكافه الاماكن اللي تواجدنا بيها في اندونيسيا
احب اولا ان احيي شركة جيجابايت وكل العاملين بيها لانهم قمة في الذوق والاحترام والمعامله الطيبه كفاية ان المشرفين علي المسابقه كانوا في قمة التعاون والتجاوب معانا ومع كل المشتركين
وتحية خاصة جدا جدا للاستاذه الفاضلة نهال علي تعاونها معانا قبل وبعد السفر وتوفير كل السبل من اجل الاهتمام بينا
وتحية خاصة جدا ايضا لمدير شركة جيجابايت MR: TIM HANDLEY لانه كان مهم بينا جدا جدا لدرجة السؤال كل شوية عننا بجد اهتم بينا اهتمام جامد جدا
بالنسبة للمسابقه
انا بدات المسابقة بمشتت عادي انا اشتريته من المول وبعد كده كلمت المسئول عن المسابقة عن ازاي انا هشارك بدون استخدام تبريد محترف وتطوع الراجل للبحث عن بلوك نيتروجين علشاني
وبعد ساعه تقريبا بعتلي مهندس مختص ومعاه البلوك (هو اللي معايا في الصوره 9 وتكرم الراجل ركبه معايا وساعدني علي استخدامه وارشدني اللي كيفية استخدام
علي فكره ياجماعه اللي فاكر ان موضوع النيتروجين السائل سهل احب اوضحله ان استخدامه معقد جدا ولازم تتباع درجه حراره البريسيسور باستمرار لان لو وصلت درجه حراره البريسيسور الي اعلي من 110 درجه مئوية تحت الصفر لا يعمل البريسيسور
المهم انا وصلت في المسابقه الي تردد 5.7 بعد معاناه بصراحه قبل نهاية المسابقة بساعتين تقريبا وساعتها كانت النتائج تحدث اونلاين وطلب مني ابراهيم تسليم نتائجي الي المسئول وبعد كده احاول اوصل لتردد اعلي لكني رفضت لاني كنت بحاول الوصول الي تردد اعلي وسلمت النتائج قبل نهاية المسابقه بتلت ساعه بعد ما فشلت كل محاولاتي للوصول الي تردد اعلي وكانت الصدمه انهم استبعدوي نتائجي بسبب عدم احتواء الصور علي صوره SPD من برنامج CPUZ للرامات وطبعا اتصدمت ساعتها وكان مافيش اي وقت لاعادة الاختبارات من جديد لاني كنت مغير اعدادات البيوس ولحقت قبل نهاية الوقت من اعتماد نتيجة برنامج Wprime فقط
لكن ياجماعه حتي لو كانت نتائجي اعتمدت ماكنتش هقق اي مركز من التلاته لان المركزين الاول والثاني كانوا واصلين لتردد 6.1 و 6 جيجاهرتز والمركز الثالث كان 5.9 تقريبا
علي فكره الفائز اللي في الصوره هو صاحب المركز الثالث وهو من جاكرتا وصاحب المركز الاول من تايلاند وصاحب المركز الثاني من ايران واسمه شهرايار
واحب اوضح ان صاحب المركز الاول والثاني عباقره بمعني الكلمه لان كانت المسابقة فيها اختبار لكسر سرعه الرامات ايضا وشهرايار كسر سرعه الرامات الكينجستون الي اقصي ما كانت شركة كينجستون تتوقع واحتفلوا بيه جامد جدا
الرامات علي فكرة الباص بتاعها 2000 وانا وصلت بيها الي 2300 وجبت اسكور 19800 و شهرايار جاب اعلي اسكور ليها في المسابقه 25000 نقطه تخيلوا هو عملها اوفركلوك لحد كام؟
المهم المسابقه كانت رائعه جدا جدا وفعاله جدا وكل المشتركين كانوا عباقره علي فكره لولا ان الحظ لم يحالف بعد المشتركين كان ممكن تكون في نتائج اعلي كمان لان كان في مشترك جنبي كان من اقوي المشتركين واكثرهم احتراف ومكانه من قبل كافه مواقع لان الاهتمام كان بيه عالي جدا جدا من قبل المنظمين للمسابقة ومن قبل المصورين لكن للاسف الحظ لم يحالفه قبل تسجيل نتائجة الجهاز بتاعه اتحرقت كل حاجه فيه بريسيسور ورامات ومذربورد واخدوا وقت لحد ما قدروا يعرفوا العيب منين في الاول
كان اللي يتحرق منه حاجه تتغير فورا بدون اي نقاش وتقريبا اتحرق 6 بريسيسورات وثلاث بورد واربع كيت رامات خلال المسابقه
سامحوني يا شباب انا عملت اللي اقدر عليه وربنا يعلم
وبالنسبة للرحله بصفه عامه كانت ممتعه جدا جدا واقامه فندقية 5 نجوم في ارقي مكان في جاكرتا والسيارات والمواصلات كلها لسه جديدة وحديثة جدا ومكيفة والاكل من اغلي الاصناف يعني زي مابيقولوا كده كانت رحله العمر
الباقي بقي علي مشرفنا ابراهيم
وانا تحت امر اي حد عاوز يسالني اي سؤال

وشكرا

---

حمد الله على السلامة يا محمد ويا ابراهيم ... نتمنى تكونوا استمتعوا واستفدتوا من الرحلة....
شكرا يا محمد على اهتمامكم وتعاونكم عشان تقدر تعمل اى حاجة فى المسابقة وتاخد مركز كويس... مش مشكلة انك مش فزت... لكن زى كما قلت انت اخدت خبرة حنعمل خلال الفترة اللى جاية اننا ننقلها لكل الناس كم خلالك ... لانه دية مسابقة سنوية جيجابايت بتعملها كل سنة... مفيش مشكلة اللى ما عرفناش نعمله السنة دية ان شاء الله نعملة السنة اللى جاية...

شكرا يا ابراهيم وعرب هاردوير على الاهتمام وتغطية الحدث... وان شاء الله حيبقى فيه تعاون مستمر عشان المسابقة تبقى افضل... ونقدر نستضيفها هنا فى مصر ... باذن الله..

وان شاء الله قريب حيبقى فيه سيمنار كبير لجيجابايت حتتواجدوا فيه كلكم وتتكلموا عن المسابقة والللى استفدوته منها... ونكرم الفايزين باذن الله كمان... احنا مش ناسينهم... تحياتنا فريق جيجابايت لادارة المنتدى وكل المشاركين فيه

اكسمان...
حمدلله بالسلامه ف الاول.. ومتقلقش انت عملت الي عليك وزياده
ربنا يحميك

ربنا يوفقك يامحمد يارب

حمدا لله على سلامتكم ويكفيكم شرف المحاوله وحظ أوفر المره القادمه

السلام عليكم

أخي أبراهيم.. هل سوف نشهد مثل هذه المسابقات في العام القادم؟ هل يوجد أمل؟