__________________فيه حاجات كتير تانية , تقدر إنت تقارن بنفسك , مش فيه حاجات تانية في البلد أولي بالمقاطعة ؟؟
أنا طالب بكلية الصيدلة بالجامعة الألمانية و أنا مش تاجر و مقدرش أحسب التاجر بيجيب الحاجة بكام و بيدفع جمارك كام ، لكن بالعقل كدة لما يبقي فرق السعر بيني و بين أقوي سوق في العالم تحت ال-100LE يبقي دة شيء كويس
و بقالي سنتين هنا مع الإخوة في المنتدي بنساعد بعض و أي حد بيحتاج مساعدة في تجميع جهاز بنساعده بدون مايبقي فيه شيء في المقابل
طبعاً أنا كمستهلك عادي في مصلحتي إن الأسعار تنزل ، لكن كون اننا نقاطع المنتجات مع إن فيه تحسن كبير في السوق خصوصاً في الفترة الأخيرة د شيء مش منطقي
و أنا وضحت قبل كدة إن مش كل حاجة سعرها كويس لكن معظم المنتجات إلي معظم الناس بتشتريها سعرها كويس ، في كام واحد في مصر بيشتري جهاز ب-10 الآف عشان نتكلم على أسعار الحاجات العالية ذي ال-corei7 ، و ياريت منتكلمش على سعر منتج أو منتجين محدش حيشتريه و يوجد بديل له و بسببه نعمل مقاطعة
مختلفناش بس لو ملا حظ ان كل الاسعار اللى انت جايبها اسعار بروسيسور بس مفيش كروت شاشة اللعب كله يعنى او باور سبلاى قمة الاستغلال وغير كدا كمان هتلاقى ان كل سعر ادامه زيادة عمره ماكان مساوى احيانا زيادة 100 احيانا 50 وهكذا ودا فى قطعة واحدة بس يعنى فى تجميعة جهاز هتلاقى 300 او 400 جنيه على الاقل فوق المكسب العادى هل دا عادى من وجهة نظرك وq6600 nكان ب 1050 فجاة بقى ب 1150 او 1120 رغم ان سعره ثابت بره يعنى المفروض سعره يبقى ثابت هنا يعنى المفروض الاسعار عندنا ارخص فعلا مش اغلى والزيادة غير مبررة وياريت تكمل مقارنة كمان بمعنى انك تعمل مقارنة على تجميعة جهاز كاملة بروسيسور وبوردة وكارت شاشة ورامات وكيسة وباور نظيف وشاشة وشوف المكسب اللى بيكسبوه فوق المكسب العادى فى جهاز واحد هيعمل كام
وعامة الاختلاف فى الراى لا يفسد للود قضية وتشرفنا بمعرفتك احنا بنتكلم اقتصاديا ومن جهة تانية مش كل حاجة هتبقى غالية احنا منقدرش نبطل اكل ولا شرب ولا دواء بس نقدر نبطل شراء هاردوير على الفاضية وعلى المليانة لانها مش اساسيات ولازم فكر الناس يتغير وتبص هى عايزة ايه من الجهاز مش يشترى ويتفاخر بالجهاز وخلاص وهو ولا بيستفاد ب 1/2 امكانيته عامة الكلام دا مش بنقوله كدا لافادة الناس والحاجة اللى نقدر نغيرها نغيرها بنفسنا وهتتغير هتتغير دى مش محتاجة مناقشة دى محتاجة تعاون من كل الناس بس
المفضلات