حصرياً على عرب هاردوير شرح فيديو بالعربي لشهادة Oracle Developer 10g Certification

[فارس الدعوة]

السلام عليكم ورحمة الله وبركاتة

حياك الله اخى فى الله كابو شاتو

اخى البشمهندس تامر ربنا يبارك فيه مش مقصر معانا خالص وهوه ماشاء الله عليه بيدينا كل اللى عنده اسال الله عزوجل ان يجعله فى ميزان حسناتك

بس كل اللى بنطلبه من حضرتك انك تصبر معانا لانه يعنى البشمهندس مش تحت ايدينا

دى الراجل جزاه الله خير الجزاء يارب بيتكرم علينا وبيعطينا المادة فاظن انه مش بعد كل دى انك تتهمه وتقوله هوه مفيش حد هنا ولا اية
وتقول نعمل انتفاضه حتى لو بهزار اخى يجب علينا انه نراعى شعور اخونا البشمهندس

ونلتمس له سبعين عذر والراجل يعنى اكيد اكيد اكيد وراه الف حاجة يعملها

وانت ان شاء الله لما تنتظم معانا فى المنتدى وتنتظم فى اسرة الموضوع هتتعرف علينا وعلى البشمهندس تامر كويس اوى

وهوه ماشاء الله عليه اخ اخلاق الدينا كلها فيه

الرجاااااااااااء التزام الصبر يا احبه

وجزاكم الله خير

[OracleGate]

السلام عليكم إخواني في الله

أولا أن بشكرك أخي الكريم على دفاعك عني . أنا فعلا بجد مستاء من الهجوم ده بس معلش نلتمسله احنا العذر لانه لسه ميعرفناش و ميعرفش اننا كلنا هنا اخوات . و أولا أحب بس أوضح إني مش بتكرم على حد فيكم اطلاقا بحاجه . ده حقكم عليه و انا بعترف إني أنا مقصر فيه . دي حاجه ربنا وهبها ليه و مش من حقي إني أحشها عن حد . أنا مقصر فعلا بس معلش التمسوا ليه العذر لاني و الله العظيم بحضر لسفري فبحضر كورسات قبل السفر , ده غير شغلي , ده غير حاجات تانيه . فمعلش استحملوني . بس أوعدكم ان شاء الله اني قبل ما اسافر هخلص الكورس الاول بمراجعته للتجهيز للامتحان و سيستمر باذن الله الشرح و انا بالخارج فادعولي بالتوفيق ان شاء الله .

أخوكم في الله تامر

[كابو شاتو]

ياباشا احنا تحت امر الاستاذ تامر
وانا اسف جداااااا
على الكلام دة بس فعلا انا كنت بهزر

[كابو شاتو]

انا عندى طلب يااستاذنا ياريت ترفع بس الماتريال اللى بتشرح منها
ولك الشكر

[كابو شاتو]

شكرا جزيلا ياباشا على سرعة الاجابة
ويربنا يوفق الجميع

[كابو شاتو]

على فكرة الملف مش موجود الروابط جايبة الرسالة دى
The file link that you requested is not valid.

[كابو شاتو]

دي روابط الكورس الاول في تراك الديفيلوبر و هي تعتبر مادة اوراكل الرسمية الخاصه بامتحان الشهاده
انا مش محتاجة علشان الامتحان اكتر من الخبرة والمعرفة الكتير
انا صحيح عاوزها علشان الامتحان بس لازم الواحد يقرا كتير علشان يطور من نفسة

[sharif_soper]

السلام عليكم
اخي واستاذي مستر تامر اولا بتاسف علي التاخير علي الرد بسب عدم تواجدي في الفترة الماضية وشكرا ياباشا علي الدرس الجديد رقم 13 والف شكر ياباشا وجعلة الله في ميزان حسناتك وربنا يسهل لك الظروف وييسر لك كل خير لمساعدة اخوانك هنا


ارجــــــــــــــوا من الاخوة عدم الهمز والغمز من باب المداعبة والتهريج يوجد فرق بين المداعبة والتريقة وليس كل تهريج مداعبة
يعلم الاخوة ان الناس دية بتعمل هذا العمل لوجة الله وعندها ظروف واهل وبيت وعايز يطور من نفسة فيجب مراعاة الاخرين ممكن نسائل عليهم ونطمن عليهم لان كلنا اخوة وليس تنريق ولا اريد ذكر اسماء اعضاء هنا لان كل شخص عارف نفسة

ارجوا احترام قانون المنتدي حتي لاتكن عضو مخالف

[كابو شاتو]

كلامك مظبوط

[كابو شاتو]

وانا اسف مرة تانية
بغض النظر عن التهديد بالفصل من المنتدى

[ahmedhessien84]

يارب يكرمك يا بشمهندس تامر ويوفقك

[hisham_munshar]

الف شكر على الدرس الجديد
بالتوفيق

[فارس الدعوة]

السلام عليك يا اخي

طيب جرب كدة الرابط دى وقولى روابط الكورس الاول في تراك الديفيلوبر و هي تعتبر مادة اوراكل الرسمية الخاصه بامتحان الشهاده .

https://www.4shared.com/file/9647303...als_I.html?s=1

[كابو شاتو]

دة شغااال شكرا

[ahmedhessien84]

يارب يكرمك يا بشمهندس تامر ويوفقك