أنت أهلاوى ولا زملكاوى و بتشجع مين من الفرق اللى بتلعب كرة القدم ( الفرق غير المصرية )
انا اهلاوى من ايام اسامة عرابى , من اول ما ادركت انه فى حاجة اسمها كرة!
انا اول احتكاك لى مع الكرة النضيفة - الاوروبية - كان سنة 1999 ماتش البايرن ومان يونايتد , يومها سولكشير خلانى فخور بنفسى ولا كانه الحاج الوالد , من ساعتها احمر للأبد, كمان بحب ريال مدريد وميلان , كمان ديندي يونايتد كنت بحبه فى الدورى الاسكتلاندى بس فترة مش بشوفه
*هتسمى أولادك أيه
سؤال محرج جدا! انا لسه مفكرتش فى جواز! "محدش قال لى لسه عندك كام سنة!!!:D" بس لو كنت حخلف كان ممكن اسمى الولد , مش عارف , ممكن الولد اسميه..............................انا حسيب التسمية للأم لانها بصراحة حرام 9 شهور من التعب وفى الأخر اسمى انا على الجاهز , حسيب لها الاوبشن ده , ده لو اتجوزت :p
*أيه كانت مادتك المفضلة فى المدرسة
الرياضة واللغات التانية غير العربية! للاسف العربى طريقة تدريسه كانت بشعة وده ادى بى انى مش بعرف احفظ النتيجة مجزرة فى الثانوية العامة , حتى سنة 3 اكتر مادة عشقتها كانت "القدارت : رسم معمارى" كنت موهوب فيها والحمد لله قلت انا حؤمن فى نفسى عشان بفهم , دخلت كلية اداب! انتساب!:D, طبعا كل مواد الفهم بتتحول لحفظ لك ان تتخيل مواد الاحياء والكيمياء والفزياء لما تبقى حفظ! الموضوع كانك بتتخيل جزيئات الهواء وانتى ماشى على البحر تبقى كلها حزيئات سمن طبيخ! كم اللزوجة والبهدلة! ده ما حدث لى
*لو كنت جبت فى الثانوية العامة 100% كنت هتخش أيه
انا الأول على مصر كان صاحبى , دخل الجامعة الألمانية وبقى شاب لامع جدا
ايه اكبر احلامك ؟
Define : حلم!
لو تقصد حاجة للمستقبل او خلافه , Keep updating my Pc
لو تقصد حاجة معنوية و و و و و , ادعى لى بس ربنا يطلعنى منها على خير , بس عامة انا بحلم انى اقدر احلم تانى
ايه الحاجه الي نفسك ماتعملهاش او حتي تفكر تعملها في حياتك؟
اشرب سجاير , أزنى , اعصى الله بشكل فج , بس , طول ما الكلام ده بعيد عنى يبقى الحمد لله كله تمام
ايه اكتر شخصيه تركت علامه في ماضيك وليه؟
واحد جار خالتى فى عمارتها! الراجل ده كان مراته مريضة جدا جدا جدا ووقف جمبها حتى هذه اللحظة وبيهتم بيها جدا وكان ممكن يرميها فى الشارع و و و و و ويتجوز تانى , الراجل تفانى لها ولبيته فى وقت انا شفت البدع فى حتت تانية , هو لا عالم دين , ولا متفقه , ولا عالم ذرة , ولا عالم كيمياء احثائية , بس هو وفى , Loyal
من امتي وانت مرتبط بهالك؟
من سنة 1 اعدادى
لو لقيت تمن الجهاز الي انت كاتبه فوق ده بالضبط هاتشتريه ولا تعمل حاجه تانيه بالفلوس مثل شراء برج القاهره ؟والفكه الي هتبقي هتعمل بيها ايه :D
الفلوس دى كلها كام؟ 60 الف جنيه مصرى؟ 120 الف؟ اكيد لو حتى ربع مليون مش كفاية لبرج القاهرة , ثم حعمل ايه بالبرج! الجهاز احلى
امتي تعلقت بالكمبيوتر والبرمجه ؟
وانا فى سنة 3 ابتدائى , كان فى قريبي الله يرحمه ويحسن اليه كان مبرمج اساسا, ورانى مرة برنامج C , Borland C بسيط جدا للجمع والطرح , من يومها وانا بحلم بالجهاز الغريب اللى ممكن يحل لى الواجب وانا بتفرج على كابتن ماجد براحتى واكتشفت انه لاحقا له استخدامت اخرى زى الجيمز , لعبة DooM سببت انى مش عارف انام لمدة طويلة , كده يعنى , وهكذا بدأت قصة الحب
انتو سألتو الراجل من اول يوم :D
All more than welcome
أما الآن (فأنا جيمر وبس يا أخوانا :D ) -طعنة قوية وقاسمة لشباشب المعسكر الأخضر
هههههههههههههههههههههههههههه مش للدرجة
انا بس قلت اغير شوية , مش اكتر والله , حركة احسن لقدام وعشان اخد خبرة صح , هى دى الحياة , Change , بس , انما لكارت رهيب! ثم انا مش حبرمج C++ on GPU! مش للدرجة! مش الأن :rolleyes:
1- ما سر انتقالك للمعسكر الأحمر ؟ هل هي ضغوط نفسية ؟ رشوة ؟ فساد إداري ؟ :D
نفس السؤال اللى فات , التغيير مطلوب لأنه لولاه مكنش حاجة حصلت لنا , ولا ايه رايك؟ كونى انا موجود فى الحياة بارادة الله اكيد سببه انه والدى وهى شاب قرر يغيير هو ووالدتى من وضعهم الاجتماعى من Singels ل Married , وانا النتيجة :D, تخيل لو كان كل واحد ثبت على راى له! انت عشان تحقق احلامك لازم تتغير , + انه يكون فى احلام
2- إيه سر العلاقة بينك و بين هالك ؟ (محدش يفهم غلط :ah50
ههههههههههههههههههههههه , انا بحب الشخصية جدا لأنى اشبهه فى حاجات كتير منها لون البشرة , "انا حر فى رأى!!" , بروس بانر كان ولا يزال شاطر فى العلوم اوانا بحاول , يعنى , الشخصية نفسها more than meets the eye , انا اشبهه فى دى + كتير بيتم تفسيرنا غلط + كتير بقول لنفسى all i wanna do is to be left alone
فيعنى........:D
3- كان نفسك تطلع إيه و أنت صغير ؟ و حل حققت حلمك ؟
اول وظيفة كانت رائد فضاء , ثم لقيتها مملة , وفى سنة 2 ابتدائى دخلت مع والدى تحفة سبيلبرغ , Jurassic Park ومن يومها حتى هذه اللحظة كان نفسى اكون عالم ديناصورات , لك ان تتخيل وضع طفل فى مصر يخش الموجه فى الفصل , نفسك تطلع ايه يا بابا؟
مهندس
طيار
شرطى
لاعب كرة
مدرسة
دكتورة
عالم ديناصورات
- حد ينزل الولد ده للاخصائى الاجتماعى + استدعاء لولى الأمر :D, وصلت لدرجة مرة اتضربت عشان اغيير راى فى الطابور! ههههههههههههههههههههههههه , لكن لأ!
حققت حلمى؟ هو احنا فى انهى دولة؟ مصر؟
الدولة طلعت لى الرسالة دى
:err::err::err:
افهم انت!...........................
4- إيه الفيديو جيمز المفضلة لهالكي ؟
5- أفلامك المفصلة ؟
:ah32:مش حنخلص
جيمز كل جيمز FpS او RPG او 3rd PS لعبتها محترمة انا جربتها بس الأثير لقلبى كل منتجات Capcom , خاصة Dino Crisis والرهيبة RE , من برة سلسلة PES من ايام ما كانت على السيجا , حاجات كتير اوى!
نفس الكلام للأفلام , مش حاجة محددة لأنه كتير جدا! بس ال Thrillers , Drama , Fantasy وافلام Marvel! :D
كل ما اشوف الافاتار الجديد افتكرك khaledelkhawaga معرفش ليه !
خالد كان حاطط PoP من الجزء التانى Worrior Within < انا حاطط صورة ال Elite Predator من الفيلم الجديد Predators اخراج الرهيب رودريجز! :D
شباب! شكلكم كسالى جدا!:p
المشاركة الأصلية كتبت بواسطة The.Hulk
, كفاية
المفضلات