ورينا شاشتك وجهازك Show Your LCD(s) Setup

[emoom]

أستنوا عليا شوية دة أنا هحط جهازى جاى من المتحف علشانكوا بس هيتغير فى شهر 2 إن شاء الله















كدة الجهاز مش ناقصوا حاجة و علشان محدش يسأل موبايلى Nokia 3500C
و كمان أنا ممكن أعمل أوفركلوك للبانتيوم 3 بس الحرارة بتعلى و مبيفتحش .

[ŤǾЯŊΛĐф]

My Map Key

:eek: أستاذ فاضى أنا كان قصدى على خريطة الPC مش القطر العربى :D ، معلش سؤالين بقى :
*الAtenna دى أيه لازمتها و هل ينفع تركب على أى Wireless Adapter حتى لو كان PCI
*أنت عامل Tagging بأيه عشان الأرقام شكلها جامد

واضح إن القعدة بعد كده هتبقى فى موضوعك أنت عارف ليه

* ملحوظه يا Tornado 13

بجد أنت كان عندك نفس مشكلة الشاشة الزرقة ؟؟؟!!!؟؟؟!؟!!!؟! يا ريت تقولى بسرعة

وده جهازي

فين ياعم مفتاح الخريطة أيه الRemotes دى كلها



أنتظروا صورة جهازى بس بعد الإمتحانات إن شاء الله لأنى مش هينفع أنضف قبل كده ( الكتب مغطية عال LCD )

[Coolman4now]

إية بقي موضوع الـ Download Rig دة بسرعة من فضلك

- أبدا أصل أنا مش بستحمل الصوت العالى وأنا نايم وخصوصا أن منطقتنا هادية بطريقة مرعبة ( لوران - الأسكندرية ) فمش بقدر أستحمل صوت الباشا الكبير الجهاز الأساسى ، دة غير أنى خايف على الهاردات أساسا من كتر الشغل فطرأت فى دماغى أعمل جهاز للداونلود وهو عبارة عن جهاز صغير كدة مالهوش صوت نهائى ومفيهوش غير مروحة البروسيسور ودمتم ، بسيبه ليل ونهار شغال بيحمل ، بس هى دى الحكاية.

my setup
جميع الانظمة جميلة لكن بعضها يحتاج للترتيب وشكرا للاخ صاحب والموضوع وتم التقيم

- أستاذ مراد ، نظامك الصوتى أكثر من رائع وواضح انك من هواه الصوت النقى والرائع ، تحيه ليك على هذا الجهاز الجميل.

- وأشكرك على التقييم

[Coolman4now]

:eek: أستاذ فاضى أنا كان قصدى على خريطة الPC مش القطر العربى :D ، معلش سؤالين بقى :
*أنت عامل Tagging بأيه عشان الأرقام شكلها جامد

- مش موضوع فضيان خالص ، المسأله كلها مخدتش عشر دقايق بالفوتوشوب ، أنا متمرس فيه شوية على قدى ، عملت الأستيكر بتاع الأرقام والسهم ، وقعدت أنسخ فيهم فقط لاغير.

*الAtenna دى أيه لازمتها و هل ينفع تركب على أى Wireless Adapter حتى لو كان PCI

- أيوه عادى الأنتينا دى بتركب على أى كارت داخلى شرط أنه يكون بيدعم الأنتنا حتى ولو صغيرة والكبيرة بتركب بنفس البورت.

واضح إن القعدة بعد كده هتبقى فى موضوعك أنت عارف ليه

- ليه ياترى ؟؟؟ أنا مش فاهم حاجة خالص :p:p

[ŤǾЯŊΛĐф]

- أيوه عادى الأنتينا دى بتركب على أى كارت داخلى شرط أنه يكون بيدعم الأنتنا حتى ولو صغيرة والكبيرة بتركب بنفس البورت.

يعنى تركب عادى عال Linksys Wireless G PCI Adapter اللى موجود فى السوق ، هو موديلو تقريبا WMP54G ، هى بتقوى الإشارة مش كده

[محمد الجوهري]

واضح إن القعدة بعد كده هتبقى فى موضوعك أنت عارف ليه

- ليه ياترى ؟؟؟ أنا مش فاهم حاجة خالص :p:p

قصدكم إيه يا رجاله
حاسس إن فيه تلميحات :D:mad:

عارف يا عم فادى
تورنيدو قصده يعنى ان هنا حضرتك فى قوانين الموضوع
قلت ان احنا اخوات و الهدف تقريب الاعضاء من بعضهم
فطبعا ده معناه ان الكلام اللى مش هينفع نقوله هناك
علشان القوانين و تعصب بعض المتشددين

هنيجى و نقوله هنا براحتنا :p

صح يا تورنيدو ؟

[ŤǾЯŊΛĐф]

مستر جوهرى واضح إنك فاهمنى صح خالص :p ، إحنا مش بيبقى قصدنا نكسر القوانين بس مفيش موضوع نتناقش فيه براحتنا ، و طبعا مينفعش حد يقول على حضرتك متشدد لأنك مشرف و مينفعش تسيبها عالبحرى و شوف الخاص و شكرا و أيييه

[BlacK ShaDoW]

my setup


جميع الانظمة جميلة لكن بعضها يحتاج للترتيب وشكرا للاخ صاحب والموضوع وتم التقيم

:ah7:
و لكن ما هذا الكم من المعالجات :D
من اول البنتيوم لحد الزيون :D :D

حاسس إن فيه تلميحات :D:mad:

:D

[SeeNoEvil]

موضوع جميل جدا

وان شاء الله انزل صور جهازي بس يومين كده لما الامتحانات تخلص



استاذ محمد الجوهري
السماعات الجينيس اللي عندك دي كنت شفتها مره الكرتونه بتاعتها حمره كده تقريبا

ياريت اعرف موديلها وسعرها تقريبا وايه رايك فيهم

لاني كنت هنزل بعد الامتحانات اجيب سماعات كرييتف 4.1

[sir.7atem]

ده مش مشترك ده مجرد سلك تطويل متوصل من الحيطه لحد مشترك اللي هو بيتحط في الحيطه علي طول ده و فيه 5 مخارج و لونه بني غالبا يعني كاني واخد الكهرباء من الحيطه علي طول و اعتقد انه مفهوش مشاكل و لا انت شايف ايه بس من غير زحمة اسلاك و عموما ده سلك نص مللي اعتقد كويس ؟؟

السلام عليكم
عذرا في التدخل بس ديه تقريبا شغلتي لاني مهندس ديكور يعني بعمل الشغل من اول المحاره لحد التسليم
السلك ده قليل اوييييييييييي علي الجهاز حضرتك المفروض تشتري سلك ملي علي الاقل تقدير و فيشه قويه
و يكون السلك زوجي عادي مش ضفيره و ياريت مستورد لان المستورد بيكون فيه من جوا بودره زي اللي في طفاية الحريق كفانا الله شره
حضرتك تروحل للكهربائي تقوله عاوز سلك لتكييف واحد و ربع حصان و الطول حسب مساحتك و قوله فيشه للتكييف
اسف للتدخل مره اخري
اخوك
حاتم

[SeeNoEvil]

بالمناسبه ياجماعه
السلسله دي جميله قوي لو حد حابب يتابعها

2057: The World in the Future
https://www.allyoulike.com/?p=36629

[XMasterrrr]

بس يا فادى (من غير القاب مع انها اول مرة اقولها :D)
فعلا انا من امبارح بشوف الموضوع من الصفحة 1 و اول مشاركة مكتوبة خالص
بس مش عاوز ارد علشان الامتحانات
و عشان مش هعرف اصور بموبايلى المحروس 3110c هههههههههههه ربنا يباركلوا فى عقلوا
فعلا احلى موضوع بعد مبعض المتشددين بوظوا الموضوع التانى ( مش بقصد محمد الجهرى طبعا) مئدرش ممكن اخد مخالفة صح ؟
بالنسبة للستبلايزر فأكيد ياتوريندو لازم تجيب واحد نصيحة منى ليك انا جهازى كان بيعمل زيك كدة بس طبعا مع امكانيات جهازى الخرافية الى بيعلوا عن جهازك ب فرق شاسع فى الجيجا هارتز ( بانتيوم 4) ايه رئيك بقى
نصيحة هات واحد 500 وات او اكتر انا عندى واحد 220 وات سبحان الله
على العموم هحاول استلف موبايل و اصور جهازى الى لسة ناقلوا من امام مرعى بتاع الكليفة (عذرا على الياء ديه علشان النطق بس)
كول مان ( فادى بيك) مشكور على الموضوع الى هيبقى بيتى الاول بعد مالمتعصب الاول (القانون) بوظوا

[emoom]

أكس ماستر : خليك فاكر لسة جهازى الجديد مش دلوقتى.

و عادى متصور ببتاعك أنا مصور بnokia3500c بس خلى الأضاءة عالية شوية و هتيجى .

[ŤǾЯŊΛĐф]

شباب أنا دخلت على منتدى الصعب [H] و يا ريتنى ما دخلت :D ، حاجة تعقد ، بس الموضوع بتاع 2010 عندهم لسه 18 صفحة ، يعنى فى أمل إننا نجيبهم خصوصا بعد الإمتحانات .

[Extreme2]

موضوع جميل
انتظرونا .