كثرت في الاونه الاخيره مواضيع " مين افضل" او عبارات توازيها عن احدث جيلين من العملاقتين انتل و اي ام دي.......وانا شايف ان معظم مشرفينا وزوي الخبره بيفضلوا phenom 2 علي اعتبارات مهنيه " واخري تاريخيه لمصلحه شركه اي ام دي ".........وده مش عيب فلكل منا شركه بيحب يجيب منها هدومه او عربيته او ...الخ
انا للعلم منتمي لعالم الهاردوير من حوالي سنتين ودخلت لقيت انتل متربعه مع جيل C2Q و C2D ثم جاء جيل i7.....
المهم بلاش رغي كتير....انا شايف ان مقارنه الجيلين ببعض بتفكرنا شويه " بقول شويه" بالخلاف اللي كان دائر زمان....اجيب e8400 ولا q6600 .....وكان الرد بايه استخداماتك مع الوضع بالاعتبار امكانيه كسر سرعه q6600 التي لا يستهان بها.....
وده اللي انا داخل اقوله.....مقارنه i7 Q920 مع PHENOM Q940 او Q955 تعتبر مجحفه باهمال عامل كسر السرعه الرهيب لل i7 ...انا تقريبا مشفتش اي حد جابه من اعضاء اي منتدي اجنبي الا وكاسر سرعته ل4.....انا يكفيني مراجعه لتومز هاردوير " اظن ده موقع محترم مش واحد من بتوع بير السلم هههههه" كسر سرعه الاثنين "وهناك تحذير من حته في الريفيو هيجي وقتها بعدين".....تم كسر i7 Q920 الي 3.8 بتبريد هوائي وتم كسر phenom Q940 الي 3.64 ...اكيد طبعا هيطلعلنا واحد محترم يقول "من اولها التحيز اشتغل هههه " ولكن هذا السبب علي لسان تومز....
We very effortlessly achieved a 3.8 GHz overclock on the i7 920 by bumping its Bclk up to 190 MHz and keeping all other settings in place. Knowing that our own German lab was able to reach 3.8 GHz stably on air (and AMD’s lab team said to expect frequencies up to 3.9 GHz at 1.55 V), we pushed our X4 940 extremely hard. While we were able to boot at up to 3.8 GHz, benchmarks wouldn’t finish consistently until we had dropped down to 3.64 GHz—and that was still at 1.6 V. Anything less and even that speed wasn’t 100% solid. Given the speeds we were able to achieve, Intel’s entry-level Core i7 walked away from AMD’s fastest Phenom II in every single one of our tests
وخلي بالك اوي من الخط الاحمر.....هتقوللي بس مش اي حد يقدر يكسر السرعه للحد ده......والدليل علي سهوله كسر I7




حيث تم كسره الي 3.33 بدون اي تغيير في البيوس ولا الفولت الا لل BCLK واظن مفيش اسهل من كده في العالم اوفركلوك....

نيجي للاختبارات.......باستخدام اكثر برامج تستفيد من تعدد الانويه





:eek: :ah46::eek:


اما بخصوص الالعاب...........علما بان الكرت المستخدم 4870X2 "وده مهم وهيجي تعقيب عليه بعدين".............








مين كان يتخيل ان عنق الزجاجه قبل خروج CORE i7 كان من البروسيسور مع الكروت العاليه مع ربطها ببعض.....ولو اعتبرنا ان QX9770 " مش احسن بس يساوي" PHENOM 2 Q955 فتخيل معي حجم الفارق في الالعاب عند ربط 280 TRI SLI GTX


Crysis Warhead




Far Cry 2



وفي النهايه الخلاصه اللي وصلت ليها كالاتي.....CORE i7 باذن الله تجميعتي القادمه.........

انا اقبل بارائكم الكريمه واسال الله ان يستخرج منا كل ما هو طيب....ومعلش ليه " مش شروط" بس قواعد للمناقشه.....

1-عند مقارنه الاداء في الالعاب يرجي اختيار التقارير المعده علي دقات عاليه "1680*1050 " مع تفعيل كافه الفلاتر " ان امكن"...وتجنب الكروت الاحاديه المتوسطه الاداء".....وده سبب التحذير من الريفيوهات اللي بتستخدم كرت احادي زي 260gtx لبيان فارق الاداء.....ليه بقول كده ....لان اي واحد هيشتري تجميعه من اي الشركتين هيتكلف مبلغ وقدره ومش هيغير الا بعد سنتين او ثلاثه علي القليل.....وانتوا عارفين كروت DX 11 علي الابواب والكرت الواحد منها ممكن يتفوق علي كرتين من نفس الشركه مشبوكين sli او cf
2-قصه فارق السعر مقابل الاداء......انا معاكوا فيها بس احنا بنتكلم مين الافضل....و CORE i7 مش بالدرجه اللي محدش عارف يجيبه.....انا بدات الاحظ كام عضو هنا في المنتدي كتبينه في مواصفات اجهزتهم....." عقبالي"......فاذا كنت ترضي بفارق في الاداء ليس بالهين مقابل سعر ارخص.......فلولا اختلاف الاذواق لبارت السلع.....ولكن احنا هنا بنتكلم بالورقه والقلم "ههههه".
3-موضوع ان انتل " حرام " نشتري منها.......فاعتقد ان موضوعه في القسم العام......مع فتوي مرفقه بذلك ....وانا حاضر للنقاش في المساله دينيا.

ارجوا اني اكون وفقت في التعبير عن رايي" من غير مزعل حد".....وصدري مفتوح ان شاء الله لاي نقاش من حبايبي واخواني الاعضاء الكرام......دمتم بود .....اخوكم محمد

https://www.tomshardware.com/reviews...m-ii,2119.html

https://www.guru3d.com/article/core-...ance-review/19