بسم الله الرحمن الرحيم
طبعا كلكم عارفين اني كنت من اوائل الناس في المنتدي اللي جاب البروسيسور الجبار Core i7 920 و عارفين كم يعاني هذا البروسيسور من الحراره الشديده مع المشتت الافتراضي من انتل
و كمان عارفين اني جبت مشتت فينديتا 2 و حقق نتائج مذهله معايا ممكن تشوفوها في الموضوع هنا
و اكيد كمان عارفين اني من كام يوم عملت اعلان لبيع المشتت الفينديتا و اعلنت انب ببيعه عشان اشتري ال V8 و دخلت ناس نصحتني اني مغيرش الصنف :D لكن انا كنت مصمم و الحمد لله طلع قرار سليم جدا
انا النهارده مش حتكلم عن المشتت كتير لان الاخ سام هنا سبقني بتقرير ممتاز عن المشتت نفسه هنا و لكن معظم كلامي حيكون عن المقارنه بين المشتتين
نبدا هنا مع صوره للمقارنه بين كراتين المشتتين
طبعا كنت عاوز احطلكم صور للمشتتات نفسها جنب بعض لكن كان في ظروف منعت كده !!
نبدأ بسم الله الرحم الرحيم
كل درجات الحراره بتاعت الفينديتا علي مروحته الافتراضيه ذات ال 1300 لفه في الدقيقه و المعجون الحراري الافتراضي اللي جه مع المشتت
كل درجات الحراره بتاعت ال V8 علي مروحته الافتراضيه باقصي سرعه لها 2000 لفه في الدقيقه و معجون فريز الحراري
و كل ده جوه الكيسه الرهيبه هاف 922 اللي شالت المشتت بمنتهي السهوله رغم طوله الرهيب و معاه المروحتين اللي في الباب الجانبي كمان
دي صور للمشتت جوه الكيسه
و دي صوره بتبين طول المشتت واصل لحد فين جوه الكيسه العملاقه هاف 922
و دي صوره للباك بليت بتاع المشتت و طريقة التثبيت المحترمه جدا من كولر ماستر
و دي بقي شوية صور للمشتت و هو شغال في الكيسه
و صوره في الضلمه كمان
و دلوقتي جه معاد درجات الحراره
جميع درجات الحراره و التكييف مغلق و درجة حرارة الغرفه 26 مئويه ما عدا الخاصه بالتردد 4.2 كان التكييف يعمل و درجة حرارة الغرفه 23 مئويه
دي صورة درجات الحراره علي تردد 3.2 جيجا هرتز في وضع الخمول مع مشتت فينديتا 2
و دي بتاعت مشتت كولر ماستر
طبعا في فرق واضح عباره عن 8 درجات حراره اقل من الاول
دي صورة درجات الحراره علي تردد 4.0 جيجا هرتز في وضع الخمول مع مشتت فينديتا 2
و دي بتاعت مشتت كولر ماستر
طبعا فرق بينهم 6 درجات كامله
دي صورة درجات الحراره علي تردد 4.2 جيجا هرتز في وضع الخمول مع مشتت كولر ماستر و اللي راجه موضوعي مع الفينديتا 2 حيعرف اني ساعتها مقدرتش اقوم بالبروسيسور حتي علي هذا التردد !!
نتائج اكثر من مذهله مخلياني لسه بفكر ليه الناس نصحتني بعدم الانتقال للمشتت الرائع ده
دلوقتي بقي معاد الصور بتاعت درجات الحراره بعد الضغط ببنامج Everest Stability Test لمدة 5 دقائق
دي صورة درجات الحراره علي تردد 3.2 جيجا هرتز في وضع الضغط مع مشتت فينديتا 2
و دي بتاعت مشتت كولر ماستر
في فرق 12 درجة حراره كامله !!
دي صورة درجات الحراره علي تردد 4.0 جيجا هرتز في وضع الضغط مع مشتت كولر ماستر طبعا معنديش زيها مع مشتت فينديتا 2 لان الجهاز كان يا دوب قايم
اقل من مشتت فينديتا علي 3.2 ب 6 درجات كامله !!
دي صورة درجات الحراره علي تردد 4.2 جيجا هرتز في وضع الضغط مع مشتت كولر ماستر اللي برضه معنديش زيها مع الفينديتا لان الجهاز مقامش اساسا
اقل من درجات حراره فينديتا علي 3.2 ب 3 درجات كامله مع 1 جيجا هرتز تردد زياده و ثبات تام في الاداء لكن احب افكر ان في الصوره دي التكييف كان شغال و درجة حرارة الغرفه كانت اقل ب 3 درجات !!
طبعا بعد الاداء المذهل ده انا برضه لسه مش فاهم نصيحة الناس بعدم الانتقال للمشتت ده كان بناء علي ايه ؟؟
مميزات المشتت (من وجهة نظري) :
1- اداء اكثر من رائع
2- تقنيه تثبيت و فك سهله جدا و نضيفه جدا (من غير اللزق الرهيب اللي في Back Plate اللي عذبني و انا بفك الفينديتا و هي دي الظروف اللي مخلتنيش اصور المشتتات جنب بعض او اصور الكيسه من جوه لاني كنت تعبت جدا)
3- تصميم مبتكر و جميل جدا
4- امكانية التحكم في سرعة المروحه المرافقه من خارج الكيسه
5- باستخدام مروحه 2000 لفة في الدقيقه فهو اهدي كتير من الفينديتا 2
عيوب المشتت (من وجهة نظري)
1-وزنه البالغ 865 جرام و بكده يكون معدي الحد الآمن من صناع اللوحات الام عكس الفينديتا 2 اللي كان في الحد الآمن
2- عدم امكانية تركيب اكتر من مروحه ليه و الي اعتقد كان ممكن تحسن الاداء اكتر من كده !!
التقييم العام 9 من 10 للعيوب السابقه
في نهاية الموضوع احب اشكر مستر اسلام من توكيل كولر ماستر و مستر شريف من توكيل OCZ و شركة ماكسيمم هاردوير اللي اتاحولنا المنتجات الرهيبه دي و القدره علي المقارنه بينهم
اي سوال او استفسار انا تحت امركم و الله الموفق
المفضلات