قبل ان تشترى شاشه LCD تعرّف كيف تكتشف الديد بيكسل

**MF88** · 17-06-2010, 02:44

الحمد لله ان شاشاتكم زى الفل و منورنى كلكم

" هطفى نور الغرفه بقى " كفايه النور بتاعكم :p " "

**mustafa811** · 17-06-2010, 03:39

المشاركة الأصلية كتبت بواسطة MF88

الحمد لله ان شاشاتكم زى الفل و منورنى كلكم

" هطفى نور الغرفه بقى " كفايه النور بتاعكم :p " "

هههههههه انا مش عاوز اضايقكم و اقولكم ان 50% من الناس و هي بتعمل تيست .. بتفوتها الديد بيكسل هههههههه

عاوز ماتفوتكش امسك عدسة مكبرة و مشيها على الشاشة في الخمس الوان

و ابقوا قابلونا لو طلع حد عنده شاشة سليمة هههههههه

انا بتاعتي الصغيرة مافيهاش و لا واحدة و جربتها ساعة الشراء (بالعدسة المكبرة في المحل ههههههههه )
ام الشاشة الكبيرة لا اجرؤ على اختبارها ..ده لو طلع فيها بيكسلايا ان ممكن اروح فيها ههههههه

**MF88** · 17-06-2010, 17:09

ههههههههههههههههههههههههه

طب استو ثوانى ارمى كل العدسات المكبره اللى فى البيت :D

**ersa** · 17-06-2010, 20:19

المشاركة الأصلية كتبت بواسطة MF88

5 ده المتعارف عليه

7 ده لما يكون صاحب المحل عايز يضمن نفسه او على حسب التوكيل

و الف شكر على مروركم يا شباب و ربنا ميجبلكوش لا ديد بيكسل ولا حتى بيكسل بتفرفر :D

=============================

ممكن الترجمه :D ؟؟ بجد مش فاهم حاجه

:D هيا فيه حتت كدا بس كبير اكبر من واحد بكسل بس مش كبيره اوي يعني حوالي اتنين او تلاته بكسل جمب بعض و عامله زي ما يكون وقع عليها ميه بتجيب كل الالوان في وأت واحد

**ersa** · 17-06-2010, 20:24

المشاركة الأصلية كتبت بواسطة msshadow.man

يا مان الديداية دي بتبقي أصغر من النقط اللي فوق الحروف دي, يعني محتاج تمقق عينك و تركز أوي عشان تشوفها (أو يمكن عشان أنا لابس نضارة:D)

لكن اللي أنت بتقول عليه ده يا أما تراب لازق في الشاشة أو حاجة أتدلقت عليها و لزقت

أو يكون عيب في أضاءة الشاشة

أو حاجة تانية أنا معرفهاش (الشاشة بتودع مثلا)

أتأكد بس من نضافة الشاشة فلة و هي مقفولة قبل ما توديها الضمان

هيا فيه حتت كدا بس كبير اكبر من واحد بكسل بس مش كبيره اوي يعني حوالي اتنين او تلاته بكسل جمب بعض و عامله زي ما يكون وقع عليها ميه بتجيب كل الالوان في وأت واحد و انا اتاكت انها نضيفه
شكرا

**ahmedelsabbagh** · 17-06-2010, 23:07

شكرا محمود باشا على الموضوع ..

**S@M** · 17-06-2010, 23:10

ممتاز .............

يرجى التثبيت ...ليكون مرجع ..

شكرا يا عزيزى المشرف

**alayoubi** · 17-06-2010, 23:20

فليس معنى الديد بسكل : نقطه سوداء غير مضيئه بالشاشه " هذا مفهوم خاطىء "

فالديد بيكسل قد تظهر مع الوان مثل " الأحمر و الأخضر و الأزرق و الأبيض و الأسود "

أولا شكرا يا محمود عالموضوع ..

الديد بيكسيل هي فعلا نقاط غير مضيئة وبتبقى غير مضيئة بجميع الألوان يعني بتبقى نقاط سوداء اللون لأنها غير مضيئة فعلا وعايزة دقة ملاحظة .

روح احذف الكلام ده بسرعة :D

**MF88** · 17-06-2010, 23:48

الكلام ده اللى كاتبه المبرمج بتاع البرنامج نفسه :D

كل بيكسل بتتكون من 3 ترانزيستور كل واحد منها بيضيىء بلون ( احمر او ازرق او اخضر ) لو التلاته تالفين يبقى النقطه هتكون

سوداء فى كل الألوان

لكن لو لون واحد تالف مثل الأحمر و عند عرض اللون الأحمر البيكسل مش هتقدر تعرضه لتلف الترانزيستور الأحمر بها

ولو تقدر تجيبلى مرجع او حاجه حطه و هضيفه فى اول الموضوع يا ايوبى باشا

و ابقى اسأل يا عم علينا

**MF88** · 17-06-2010, 23:49

شكرا محمود باشا على الموضوع ..

الله يخليك يا احمد بك

و شكرا على المروور

=====================================

ممتاز .............

يرجى التثبيت ...ليكون مرجع ..

شكرا يا عزيزى المشرف

الله يخليك يا سمسم و قولى يا محمود على طول . بلا مشرف بلا بتاع :D

**alayoubi** · 17-06-2010, 23:59

كل بيكسل بتتكون من 3 ترانزيستور كل واحد منها بيضيىء بلون ( احمر او ازرق او اخضر ) لو التلاته تالفين يبقى النقطه هتكون

سوداء فى كل الألوان

لكن لو لون واحد تالف مثل الأحمر و عند عرض اللون الأحمر البيكسل مش هتقدر تعرضه لتلف الترانزيستور الأحمر بها

يعني نفس الكلام بالنهاية النقطة هتظهر بلون اسود

يعني في خلل .

و ابقى اسأل يا عم علينا

تقصد ايه .. ازايك يا حودة وعامل ايه وأخبار الامتحانات معاك وكده .

**MF88** · 18-06-2010, 00:04

الديد بيكسل مش شرط تكون مظلمه . قد يكون هناك ترانزيستور وحيد اللى معطل بها مثل الأحمر كما قلت

فلن ترى العيب ابدا إللا مع اللون الأحمر . لأن الترانزيستورين التانيين " اخضر و ازرق " بيتم إغلاقهم لعرض اللون الأحمر

و يتم اضاءه الترانزيستور الأحمر لعرض اللون الأحمر و فيه هذه الحاله تظهر البيكسل سوداء لعطب الترانزيستور الأحمر الخاص بالبسكل

و ده سبب تعدد الألوان فى البراااامج

============================

اقصد تسأل على الأخبار من وقت للتانى " صله رحم للمنتدى يا اخى :D "