عذرا على الصور الثقييييلة بس أنا أول مرة أعمل عرض ومخدتش بالي بعد ما رفعت كل الكم ده من الصور إنه حيعوز وقت طويييييل لتحميل الصفحة حقلل جدا من الصور المرة دي...
أولا ولأن الكمال لله وحده أحب إني أذكر بعض عيوب الجهاز :
1- لا يوجد فتحة SIM
2- الدي في دي لا يقرأ البلو راي
3- الجهاز مبيسخنش طول ما الكارت النفيديا مش شغال تصفح .. اوفيس .. فيلم .. لكن الجهاز بيولع لما يشتغل الكارت النفيديا ولو ربع ساعة لذلك لابد من قاعدة تبريد أم 50 جنيها أو أكثر ووضعها تحت الجهاز وتشغيلها حال تشغيل جيمز أو جرافيك أو أي حاجة ثقيلة وعلى فكرة ده مش عيب إيسر لوحدها.. كله كده مع نفيديا...وعشان كده عملوا NVIDIA OPTIMUS
3.5-البطارية اللي بتعد أكتر من ساعتين مبتكملش ساعة واحدة لو أعدت تلعب لعبة ثقيلة ع البطارية وأعتقد ده مش عيب إيسر لوحدها
4- الشاحن ضخم - مش أوي يعني - بس أكبر حجما من شواحن ماركات تانية ومع ذلك مكتوب عليه بالعنجليزي : احترس من السخونة
5- الجهاز به سماعة واحدة .
ملحوظات هاردويرية :
1- البروسيسور i5 DUAL CORE مش Quad لكن بيتقري أربع بروسيسورات بسبب خاصية : Hyper-Threading Technology
2- خصائص إضافية بالماوس (تصلح في تصفح النت وملفات الأوفيس و الـ PDF والصور) :
1 ) إمكانية الزووم مثل موبايلات الـ Iphone و HTC بتقريب و إبعاد اصبعين على تتش الماوس
2 ) إمكانية عمل Rotate عن طريق تثبيت إصبع على تتش الماوس وتحريك الآخر للأمام أو الخلف
3 ) أقصى يمين لوحة الماوس يعمل كمؤشر لأعلى و أسفل الصفحة ↕
4 ) أسفل الماوس يعمل كمؤشر ليمين ويسار الصفحة ↔
ملحوظات سوفتويرية :
1- الويندوز BASIC بصفة عامة لا توجد به خاصية AERO وهي شفافية النوافذ... لما تدوس كليك يمين على سطح المكتب آخر خيار هو Gadgets ولا يوجد Personalize
2- الجهاز جي معاه Office 2010 Starter مجاني من مايكروسوفت (حلو)
3- ومعاه كمان Mcafee internet security نسخة تجريبية 15 يوم فالناس بتشيلها .. لكن الحقيقة لما تعملها ريجستر حتعد معاك 6 أشهر كاملة من الحماية المجانية.
4- في Gadget صغنن من INTEL بيعرفك الـ Turbo Boost شغال أد إيه..(واضح على يمين بعض الصور)
تجربتي مع الجيمز - جربت أربع ألعاب:
Command And Conquer 3
و اشتغلت بكل سلاسة على الـ VERY HIGH
Crysis:WARHEAD
اللعبة أوتوماتيك اختارت الجرافيك الـ HIGH -->Gamer
وشغالة بكل سلاسة
Need For Speed Hot Pursuit 2010
بكل سلاسة بين الميديم والهاي وبسنة تقطيع قليلة يمكن تجاهلها على أقصى جرافيك (معلش لم أحسب الفيريمات)
Need For Speed SHIFT 2 2011
شغالة بكل سلاسة على الميديم ولو عليت حاجة في الجرافيك مش حتفرق ولو عليت كله حيبقى في شوية تقطيعمن الممكن تحملها
لكن أعتقد إن ده تحميل خاطئ وزائد عن الحدعلى الكارت..
على فكرة أنا على الديسك توب لا أقبل بديلا عن الهاي لكن على اللاب الصورة مش عارف ليه جميلة جدا على الميديم ومش بفكر أعلى أكتر..
صورة للكارت النفيديا وهو متحمل عليه بـ Crysis بحالها
Crysis:WARHEAD
الجرافيك رائـــــــع لكن اللقطة اللي بكاميرا الموبايل هي اللي وحشه
تحويل لاب الجرافيك إلى
Console
الأدوات المستخدمة
Laptop cooler USB Joystick
keyboard & mouse
من المعروف أن من الخطأ جدا لعب الجيمز بكيبورد أو ماوس الجهاز لأنها لن تتحمل النرفزة والضغط الشديد:ah2:
وأخيرا وليس آخرا أي استفسار
أنا في الخدمة ودمتم سالمين...
المفضلات