الموضوع الموحد لأستفسارات الأعضاء بخصوص أجهزة الأندرويد (متجدد)

[HerOIraK]

شكرا لحضرتك
ممكن ترشحلى مكان اشترى منه فى المنصورة او دمياط
وياترى هيكون بضمان ولا ايه النظام.وهل السعر بيفرق لو بضمان او من غير ..
والمفروض صناعته تكون ايه يعنى صينى بردوا ولا ايه؟.
وهل البطارية تستحمل المواصفات الأعلى فى النوت 10 ..
وايه الحاجات اللى بتكون مع النوت (القلم - الشاحن ) ..هل فى سماعه مثلا علشان بس اتأكد من المكونات وانا بجيبه ان شاء الله ..
وشكرا جدا لحضرتك

- لا أعلم أماكن البيع في المنصورة أو دمياط .. سوى موبايل شوب و رايا .. سعره 4900 في رايا ..
- السعر يفرق بوجودضمان أو بعدمه .. ولكن أنصحك بشرائه بالضمان ..
- شركة سامسونج لديها مصانع في بلاد كثيرة مثل (الصين - كوريا - فيتنام وغيرهم) ..
- سعة البطارية 8220 mAh .. وتعطيك يومان في الاستخدام المتوسط او العادي ..
- المكونات الموجودة في العلبة : الشاحن - كيبل usb - كتيب الارشادات ..
- تأكد من شراء نسخة SM-P601 وهذه نسخة الوايفاي والجيل الثالث ..

[ant_gamal]

في عرض اخره النهارده موبيل يعمل ب at&t ينفع اشغله ف مصر بعدعمل unlook

[Anwerwebas]

لو سمحت انا هاشترى موبايل اليومين دول . كنت عايز اعرف اشترى Note 3 Neo وللا Sony Xperia z1 وانا من مصر وماعرفش اشتريه من السعوديه وللا من مصر يعنى انهى بلد احسن ؟؟ والموبايل الاحسن فيهم ايه انا بحب جوده الشاشه والجرافيك بتاع الموبايل والفيديوهات اهم حاجه عندى و سرعه الموبايل و الموبايل اللى فيهم اللى يستحمل الشغل ومايهنجش ويعلق علشان استخدامى كتير ... اسف للاطاله وارجو الافاده

[HerOIraK]

أخي العزيز أذا تستطيع الشراء من السعودية فأنصحك بشراء Note 3 نسخة 4G فسعره يقارب 2000 ريال سعودي ..

و Note 3 يملك شاشة 5.7 انش عالية الوضوح FHD .. ,معالج رباعي النواة 2.3 جيجاهرتز ورام 3 جيجا و كاميرة 13 ميفابكسل ..

وبطارية عالية لأستحمال الشغل الطويل ..

[Anwerwebas]

أخي العزيز أذا تستطيع الشراء من السعودية فأنصحك بشراء Note 3 نسخة 4G فسعره يقارب 2000 ريال سعودي ..

و Note 3 يملك شاشة 5.7 انش عالية الوضوح FHD .. ,معالج رباعي النواة 2.3 جيجاهرتز ورام 3 جيجا و كاميرة 13 ميفابكسل ..

وبطارية عالية لأستحمال الشغل الطويل ..

تمام حضرتك انا كنت عايز نصيحتك على Note 3 Neo LTE حلو ده و يستحمل زى Note 3 العادى وللا لا و امكانياته حوله وللا ايه تستاهل سعره يعنى هوه ب 1500 ريال سعودى ؟؟!!
ومعلشى سؤال مهم جدااااا . انا لو جبت النوت 3 نيو النسخه ال 4G وانا عايش فى مصر وماعنديش الخاصيه دى فى الشبكات هل الموبايل هايشغل الخطوط العاديه وللا لازم تكون 4g علشان تشتغل يعنى التليفون هايشتغل بردو 3G و 2G وللا هايشغل 4G بس
؟؟؟؟ اتمنى رد سريع

[HerOIraK]

Note 3 Neo مواصفاته وأداءه قريبة من Note 2 ويتفوق عليه في بعض المواصفات ..

ولكن الافضل شراء Note 3 ..

نعم الشبكات 3G&2G سوف تعمل ..

[ant_gamal]

افكر في شراء samsung galaxy tab s 8.4 هو نزل بره ع المواقع ب 399.99 دولار
هل له بديل ف مصر علما بانه يمتلك معالج 8 نواه
ولا اجيب ل ultralaptop

[raefpop]

هو الــ alcatel idol X Dual دا كويس ولالا في حاجا تنية أحسن منه و قريب من سعره؟؟_؟؟

[Anwerwebas]

لو سمحت هى امكانيات Note 3 Neo 3G نفس امكانيات 4G بس الاختلاف بيبقى بس يعنى فى الشبكه انا من مصر بس هاجيب 4G يمكن احتاجها بعدين !! وهل التحيثات اللى بتنزل على 3G بتنزل ل 4G يعنى كلهم واحد ؟!!!وايه النسخه الاحسن لو فى اختلاف ؟!!

[Ahmed.Elsayed]

لو سمحت هى امكانيات Note 3 Neo 3G نفس امكانيات 4G بس الاختلاف بيبقى بس يعنى فى الشبكه انا من مصر بس هاجيب 4G يمكن احتاجها بعدين !! وهل التحيثات اللى بتنزل على 3G بتنزل ل 4G يعنى كلهم واحد ؟!!!وايه النسخه الاحسن لو فى اختلاف ؟!!

حضرتك مش هتستفاد من نظام ال 4G فى مصر خليك مع ال 3g

[moemena]

انا عندى جهاز جلاكسى نوت 10.1 n8000 كان فيه مشكلة انه كان بيهنج و كمان البطارية بتخلص بسرعة فحد قاللى انه مشكلة سوفت و فعلا عمله على كيت كات 4.4.2 بعد ما كان 4.1.2 و بعدها ظهرت مشااااااااااااااكل كتير جدا .. اولها بعد فترة auto-rotation للشاشة مابقاش يشتغل حتى لو الايقونة بتاعته متعلم عليها و بالتلى بتقف عند وضع معين ولا زم عشان اغيره لازم انزل برنامج و كل شوية اختار الوضع اللى انا عاوزة الشاشة عليه و ده غير عملى معايا بالمرة خصوص لما بستخدم الكاميرا و ثانيا لما اجى اقرأ كتاب عن طريق ال adobe و انزل اى تغيير لازم انقل الكتاب على النوت نفسه عشان يحفظ اى تغيير بدل ماهو عادى على كارت الذاكرة و ده بردو غير عملى بالمرة .. غير ان الواتس اب مش شغال عليه و اكتر من تطبيق كمان و حاليا اكتشفت ان vedio hub or music hub مش شغال و بيقولى انه مش شغال فى البلد بتاعتى مع ان حد نزلى نفس النسخة مرتين و دايما يقولى ان كل شوية انه مش متصل بالنت عن طريق النتورك رغم انى شغالة بالواى فاى و كل شوية يفصل من الواى فاى ... فايه الحل للمشاكل دى كلها لانها ماكنتش موجودة مع الجيلى بين و كان مريح جدا جدا فهل ينفع ارجعله تانى و لا ايه لانى مش عارفة استخدم الجهاز و هو مهم جدا فى شغلى .. شكرا جدا ليكو

[Ahmed.Elsayed]

انا عندى جهاز جلاكسى نوت 10.1 n8000 كان فيه مشكلة انه كان بيهنج و كمان البطارية بتخلص بسرعة فحد قاللى انه مشكلة سوفت و فعلا عمله على كيت كات 4.4.2 بعد ما كان 4.1.2 و بعدها ظهرت مشااااااااااااااكل كتير جدا .. اولها بعد فترة auto-rotation للشاشة مابقاش يشتغل حتى لو الايقونة بتاعته متعلم عليها و بالتلى بتقف عند وضع معين ولا زم عشان اغيره لازم انزل برنامج و كل شوية اختار الوضع اللى انا عاوزة الشاشة عليه و ده غير عملى معايا بالمرة خصوص لما بستخدم الكاميرا و ثانيا لما اجى اقرأ كتاب عن طريق ال adobe و انزل اى تغيير لازم انقل الكتاب على النوت نفسه عشان يحفظ اى تغيير بدل ماهو عادى على كارت الذاكرة و ده بردو غير عملى بالمرة .. غير ان الواتس اب مش شغال عليه و اكتر من تطبيق كمان و حاليا اكتشفت ان vedio hub or music hub مش شغال و بيقولى انه مش شغال فى البلد بتاعتى مع ان حد نزلى نفس النسخة مرتين و دايما يقولى ان كل شوية انه مش متصل بالنت عن طريق النتورك رغم انى شغالة بالواى فاى و كل شوية يفصل من الواى فاى ... فايه الحل للمشاكل دى كلها لانها ماكنتش موجودة مع الجيلى بين و كان مريح جدا جدا فهل ينفع ارجعله تانى و لا ايه لانى مش عارفة استخدم الجهاز و هو مهم جدا فى شغلى .. شكرا جدا ليكو

أعتقد أنه بعد عمل ضبط مصنع سيرجع للنظام القديم وللحفاظ على البطارية قومى بإتباع الخطوات الموجودة فى هذا الموضوع :

https://arabhardware.net/forum/showthread.php?t=372113

وحملى برنامج جيد للبطارية مثل Battery Doctor للحفاظ على وقت تشغيل البطارية.

[moemena]

أعتقد أنه بعد عمل ضبط مصنع سيرجع للنظام القديم وللحفاظ على البطارية قومى بإتباع الخطوات الموجودة فى هذا الموضوع :

https://arabhardware.net/forum/showthread.php?t=372113

وحملى برنامج جيد للبطارية مثل Battery Doctor للحفاظ على وقت تشغيل البطارية.

عملت ضبط للمصنع اللى هو على الجهاز factory data reset و للاسف ماحصلش اى تغيير خالص

انا كل اللى نفسى فيه ارجع للجيلى بين تانى لان الكيت كات مش بيلبى اى احتياجات ليا زى الاول و كمان المالتى ويندو فيه للاسف فى نظرى فاشل لانه بيفتح برنامجين بس لكن الاول كان ممكن افتح 3 نوافذ مع بعض و ده انا محتجاه فى شغلى جدا جدا

[mahmoud_eldon]

لوسمحت انا محتار بين
alcatel onetouch idol x
sony xperia sp

[Ahmed.Elsayed]

لوسمحت انا محتار بين
alcatel onetouch idol x
sony xperia sp

ال alcatel idol x أفضل فى المواصفات لكن ال Sony xperia sp أفضل بالنسبة لجودة التصنيع خصوصاً وان الشاشة محمية بنظام corning gorilla glass